2 ປີ ປກຊ-ປກສ ສ້າງເງິນກອງທຶນຄັງແຮໄດ້ 611,18 ລ້ານກີບ

  ວັນທີ 8 ຕຸລາ  2019 ເມືອງເລົ່າງາມ ແຂວງສາລະວັນ ໄດ້ສະຫຼຸບການຈັດຕັ້ງເຄື່ອນໄຫວ ວຽກງານການສ້າງຄັງແຮ ປກຊ- ປກສ ທົ່ວເມືອງຂຶ້ນທີ່ສະໂມສອນຂອງເມືອງໂດຍການເປັນປະທານ ຂອງທ່ານ ນາງ ສູນທອນ ແກ້ວບົວ ລະພາ ເຈົ້າເມືອງໆເລົ່າງາມ ທັງແມ່ນປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ, ເປັນ ກຽດເຂົ້າຮ່ວມຂອງທ່ານ ສີສຸວັນ ວົງຈອມສີ  ເຈົ້າແຂວງໆສາລະວັນ, ທັງແມ່ນປະທານປ້ອງກັນຊາດ-ປ້ອງກັນຄວາມສະຫງົບຂັ້ນແຂວງ ແລະ ທ່ານ ພົນຈັດຕະວາພູວຽງ ຫຼ່ຽມມະວົງສາ ຫົວໜ້າກອງບັນຊາການທະຫານແຂວງ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ,ເຈົ້າເມືອງໃນ 7 ຕົວເມືອງ, ພ້ອມດ້ວຍຕ່າງໜ້າເຈົ້າເມືອງຕ່າງໆ ອ້ອມຂ້າງເຊັນເມືອງທ່າແຕງ ແຂວງເຊກອງ, ເມືອງປາກຊ່ອງ, ເມືອງບາຈຽງ ແລະເມືອງຊະນະ ສົມບູນ ແຂວງຈຳປາສັກ ຕະຫຼອດ ຮອດກຸ່ມບ້ານ, ນາຍບ້ານ, ຫົວໜ້າ ປກຊ-ປກສ ບ້ານໃນ 97 ບ້ານເຂົ້າ ຮ່ວມຢ່າງຫຼວງຫຼາຍ.

  ທ່ານ ວາດສະໜາ ວົງວັນດີ ຫົວໜ້າໜ່ວຍງານສັງລວມວຽກງານສອງກຳລັງ ປກຊ-ປກສ ຂອງເມືອງກໍ່ໄດ້ຜ່ານບົດສະຫຼຸບລາຍ ງານການຈັດຕັ້ງເຄື່ອນໄຫວ, ພ້ອມ ທັງວາງທິດທາງແຜນການໃນຕໍ່ ໜ້າ, ເມືອງເລົ່າງາມປະກອບມີ 8 ກຸ່ມ, ມີ 97 ບ້ານ ແລະມີ 13,4 ພັນຫຼັງຄາເຮືອນ ແລະ 15,6 ພັນຄອບຄົວ, ຜ່ານການຈັດຕັ້ງປະຕິບັດ ໃນໄລຍະ 2 ປີຜ່ານມາເຫັນໄດ້ວ່າ ເປັນຂະບວນກວ້າງຂວາງ ແລະຕໍ່ ເນື່ອງດີເຮັດໃຫ້ບັນດານິຕິກຳ ແລະເອກະສານຕ່າງໆທີ່ກ່ຽວພັນ ກັບການສ້າງຄັງແຮໂດຍສະເພາະ ກໍ່ແມ່ນດຳລັດເລກທີ 093 ຂອງນາຍົກລັດຖະມົນຕີແຫ່ງ ສປປ ລາວ ແລະຂໍຕົກລົງເລກທີ 17 ຂອງປະທານປ້ອງກັນຊາດ-ປ້ອງກັນຄວາມສະຫງົບແຂວງ

ສາລະວັນກໍ່ ຄືທິດຊີ້ນຳຂອງປະທານປ້ອງກັນ ຊາດ-ປ້ອງກັນຄວາມສະຫງົບເມືອງ ເລົ່າງາມໄດ້ຮັບການຈັດຕັ້ງຜັນຂະຫຍາຍ ແລະໄດ້ຊຸກຍູ້ບັນດາຄະນະຮັບຜິດຊອບຕ່າງໆໃນຂັ້ນບ້ານໃຫ້ ມີການເຄື່ອນໄຫວເກັບກຳຫົວ ໜ່ວຍຫຼັງຄາເຮືອນ ແລະຫົວໜ່ວຍຜູ້ປະກອບການດ້ານໆທີ່ນອນໃນ ຂອບເຂດຄວາມຮັບຜິດຊອບຂອງຕົນເພື່ອສ້າງເປັນສຳມະໂນໃນການຈັດເກັບເງິນເຂົ້າຄັງແຮ ປກຊ-ປກສ ໃຫ້ຖືກຕ້ອງຕາມຂໍມູນຕົວຈິງໃນແຕ່ລະບ້ານ, ພ້ອມທັງເກັບໃຫ້ຖືກຕ້ອງຕາມຂໍຕົກລົງແລ້ວເອົາເຂົ້າມາຝາກຢູ່ທະ ນາຄານພັດທະນາ ລາວ ເພື່ອຄວາມເປັນເອກະພາບກັນໃນ 97 ບ້ານທົ່ວເມືອງໂດຍແມ່ນ ມອບໃຫ້ບ້ານເປັນຜູ້ຖືບັນຊີ, ສ່ວນ ຂັ້ນເມືອງແມ່ນຄຸ້ມຄອງແບບມະຫາພາກ, ມີລະບົບການຈັດຕັ້ງໃນ ການຄຸ້ມຄອງຮັກສາ, ເພື່ອເຮັດ ໃຫ້ຄັງແຮມີຄວາມໂປ່ງໃສ ແລະມີ ການຂະຫຍາຍຕົວເພີ່ມຂຶ້ນໃນ ແຕ່ລະປີ ແລະມີລະບົບບັນຊີທີ່ມີຄວາມເປັນເອກະພາບລະຫວ່າງບ້ານກັບເມືອງ, ກັບທະນາຄານ, ສາມາດກວດສອບໄດ້ທຸກວັນ, ທຸກເວລາໃນໂມງລັດຖະການ, ສ່ວນການນຳໃຊ້ແມ່ນປະຕິບັດ ຕາມ 4 ເປົ້າໝາຍໃຫຍ່ຄື: ຫັດແອບ ຮໍ່າຮຽນການເມືອງ-ວິຊາສະເພາະ ແມ່ນນຳໃຊ້ 20% ຂອງຄັງແຮ, ເຄື່ອນໄຫວສູ້ຮົບ ແລະຮັກສາ ຄວາມສະຫງົບນຳໃຊ້ 30% ຂອງ ຄັງແຮ, ຊື້ເຄື່ອງນຸ່ງຫົ່ມ,ກອງຫຼອນ ແລະປກສ ບ້ານນຳໃຊ້ 30% ຂອງຄັງແຮ ແລະສຳຮອງແຮໄວ້ຢູ່ໃນຄັງ 20% ຂອງຄັງແຮຊຶ່ງມາຮອດປະຈຸບັນນີ້ມີຍອດເຫຼືອ,ພ້ອມດອກເບ້ຍທີ່ຝາກໄວ້ຢູ່ທະນາຄານພັດທະນາລາວມີທັງໝົດ 611,18 ລ້ານກີບ

  ທິດທາງຕໍ່ໜ້າເອົາໃຈໃສ່ກຳແໜ້ນທີ່ຕັ້ງຈຸດພິເສດ ແລະເງື່ອນໄຂຂອງແຕ່ລະຄອບຄົວ, ຂອງແຕ່ລະບ້ານ ແລະແຕ່ລະກຸ່ມໃນທົ່ວເມືອງເພື່ອໃຫ້ສະດວກສະບາຍໃນການຈັດຕັ້ງປະຕິບັດໜ້າທີ່ວຽກ ງານ, ເປັນເຈົ້າການເອົາໃຈໃສ່ຂຸນ ຄົ້ນທຸກທ່າແຮງບົ່ມຊ້ອນເພື່ອເຮັດ ໃຫ້ຄັງແຮມີການຂະຫຍາຍຍຕົວ ແລະເພີ່ມຂຶ້ນໃນແຕ່ລະປີໂດຍຕິດພັນກັບການເຮັດວຽກງານການ ເມືອງ-ນຳພາແນວຄິດ, ພ້ອມທັງ ແບ່ງຄວາມຮັບຜິດຊອບໂດຍປະ ສານສົມທົບກັນ ແລະກຳນົດວຽກ ງານດັ່ງກ່າວ, ການຈັດຕັ້ງປະຕິບັດໃນການເກັບເງິນເຂົ້າຄັງແຮແຕ່ລະປີຕ້ອງປະຕິບັດໄປພ້ອມໆກັນທັງ 4 ດ້ານຄື: ດ້ານການເມືອງແນວຄິດ, ດ້ານການຈັດຕັ້ງ ແລະດ້ານຕົວເລກ ຄາດໝາຍຕ້ອງລະອຽດຊັດເຈນ, ຖືກຕ້ອງ ແລະໂປ່ງໃສ, ຈາກນັ້ນ ທ່ານ ນາງ ສູນທອນ ແກ້ວບົວລະ ພາ ເລຂາພັກເມືອງ ເຈົ້າເມືອງເລົ່າ ງາມ ປະທານປ້ອງກັນຊາດ-ປ້ອງກັນຄວາມຫງົບຂັ້ນເມືອງ ກໍ່ໄດ້ໃຫ້ ກຽດຂຶ້ນມອບໃບຍ້ອງຍໍຈຳນວນ 8 ກຸ່ມບ້ານ ແລະ 39 ບ້ານ ແລະທ່ານ ພົນຈັດຕະວາພູວຽງ ຫຼ່ຽມມະວົງສາ ຫົວໜ້າກອງບັນຊາການທະຫານແຂວງ ທັງແມ່ນຮອງປະ ທານປ້ອງກັນຊາດ-ປ້ອງກັນຄວາມສະຫງົບຂັ້ນແຂວງກໍ່ໄດ້ມອບໃບຍ້ອງຍໍໃຫ້ຈຳນວນ 19 ກົມກອງ ທີ່ມີຜົນງານດີເດັ່ນໃນການຈັດຕັ້ງປະຕິບັດໜ້າທ່ີວຽກງານໃນໄລຍະຜ່ານມາ.

_____________

ຂຽນໂດຍ: ສິດຕາ ເພັດວົງສາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • #ໂທ: 021 313645, 316511
  • #App: 020 58707444

แชร์