ຕໍາຜູ້ຊາຍຂາຍຫອຍ ຮ້ານຊື່ດັງຈາກປະເທດໄທ ຂະຫຍາຍສາຂາມາລາວ

  ປະຈຸບັນອາຫານປະເພດຕໍາແມ່ນກໍາລັງໄດ້ຮັບຄວາມສົນໃຈຈາກກຸ່ມໄວໜຸ່ມເປັນຈໍານວນຫຼາຍແຕ່ສຳລັບຮ້ານຕຳແຊບທີ່ຕ້ອງມາຮ້ານຜູ້ຊາຍຂາຍຫອຍຊຶ່ງຮັບຮອງວ່າລົດຊາດຖືກປາກຫອມປາແດກທີ່ເຂັ້ມຂຸ້ນເປັນສາຂາຮ້ານຕຳຜູ້ຊາຍຂາຍຫອຍຊື່ດັງຈາກປະເທດໄທມາເປີດບໍລິການທີ່ມີ 100 ກວ່າລາຍການອາຫານພ້ອມທີ່ຈະເສີບບໍລິການລູກຄ້າ.

  ທ່ານ ລິດທິສັກ ວິລະວົງ ເຈົ້າຂອງຮ້ານຕໍາຜູ້ຊາຍຂາຍຫອຍໃຫ້ສໍາພາດວ່າ: ຈຸດເລີ່ມຕົ້ນກ່ອນເປີດຮ້ານແມ່ນຮູ້ຈັກກັບເຈົ້າຂອງຮ້ານຕໍາຜູ້ຊາຍຂາຍຫອຍທີ່ປະເທດໄທຈາກນັ້ນໄດ້ຊື້ແຟນຊາຍມາເປີດສາຂາປະເທດລາວທີ່ນະຄອນຫຼວງວຽງຈັນ ສໍາລັບສູດອາຫານກໍໄດ້ນໍາມາປັບປ່ຽນລົດຊາດໃຫ້ຖືກປາກຄົນລາວໂດຍໃຊ້ນໍ້າປາແດກຢູ່ ບ້ານເຮົາເອງໃຊ້ເປັນວັດຖຸດິບຫຼັກເພາະມີລົດຊາດ ແລະກິ່ນຫອມທີ່ເປັນເອກະລັກທີ່ເໝາະສໍາລັບຄົນລາວສ່ວນປະເພດອາຫານທະເລແມ່ນໄດ້ນໍາເຂົ້າຈາກປະເທດໄທ ໃໝ່ທຸກມື້ຮ້ານເຮົາຈະເນັ້ນທີ່ຄວາມສົດໃໝ່ເປັນຫຼັກເພາະຈະເຮັດໃຫ້ລົດຊາດອາຫານອອກມາແຊບແລະໄດ້ຄວາມຫວານຈາກວັດຖຸດິບແທ້ໆພ້ອມນີ້ການເກັບຮັກສາ ວັດຖຸດິບກໍເປັນສິ່ງສໍາຄັນເຊັ່ນກັນໂດຍການເກັບວັດຖຸດິບທີ່ຈະໃຊ້ເປັນຢ່າງດີເພື່ອຮັກສາຄຸນນະພາບສະອາດ.

ນອກຈາກອາຫານປະເພດຕໍາກໍຍັງມີອາຫານປະເພດອື່ນໆຮ່ວມນໍາເພື່ອເພີ່ມທາງເລືອກໃຫ້ກັບລູກຄ້າເຊັ່ນ: ປະເພດເຄື່ອງດື່ມ,ປະເພດຍໍາ, ອາຫານຕາມສັ່ງ, ທອດ, ປີ້ງ, ຜັດ,ຕົ້ມແຊບ ແລະເມນູອື່ນໆໃຫ້ ເລືອກຫຼາຍກວ່າ 100 ລາຍການ ໂດຍມີລາຄາເລີ່ມຕົ້ນ 15-70 ພັນ ກີບ ສໍາລັບລາຍການອາຫານເດັ່ນ ຂອງຮ້ານແມ່ນຕຳຖາດທະເລ, ຍໍາ ຫອຍແຄງ, ຍຳຫອຍນາງລົມ, ຕໍາ ສາລີກຸ້ງສົດ ແລະປີກໄກ່ທອດນໍ້າ ປາປະຈຸບັນຮ້ານຂາຍຕຳໃນບ້ານ ເຮົາກໍ່ມີຫຼາຍ ແຕ່ຮ້ານເຮົາໄດ້ເນັ້ນລົດຊາດທີ່ແຕກຕ່າງກັບຮ້ານທົ່ວໄປເພື່ອໃຫ້ມີຄວາມເປັນເອກະລັກໄດ້ຄຸນນະພາບການບໍລິການຂາຍດີທີ່ສຸດໃນການຮັກສາສຳພັນທະມິດທີ່ດີກັບລູກຄ້າ ແລະມີຄວາມຮັບຜິດຊອບຕໍ່ສັງຄົມ.

  ຮ້ານຕຳຜູ້ຊາຍຂາຍຫອຍຂອງເຮົາເປັນຮ້ານເປີດໃໝ່ຊຶ່ງຍັງມີສະຖານທີ່ຍັງແຄບເປັນສິ່ງທ້າທາຍໃນການບໍລິການທີ່ບໍ່ຖືກໃຈລູກຄ້າຢ່າງໃດກໍຕາມທາງເຮົາກຳລັງປັບປຸງເພື່ອໃຫ້ຮອງຮັບກັບລູກຄ້າໄດ້ພ້ອມທັງຈະນຳວັດຖຸດິບໃຫ້ສົດໃໝ່ ແລະຮັກສາຄຸນນະພາບໃຫ້ໄດ້ມາດຕະຖານຢູ່ສະເໜີ ແລະມີແຜນຂະຫຍາຍລາຍການເຄື່ອງດື່ມປະ ເພດນໍ້າປັ່ນ ແລະປະເພດອື່ນໆເຂົ້າມາຕື່ມອີກເພື່ອໃຫ້ຜູ້ບໍລິໂພກໄດ້ມີທາງເລືອກເພີ່ມຂຶ້ນທ່ານໃດທີ່ຢາກມາ ລອງຊິມຮ້ານຕໍາຜູ້ຊາຍຂາຍຫອຍກໍສາມາດມາໄດ້ທີ່ບ້ານໂພນທັນ ເມືອງໄຊເສດຖາ ນະຄອນຫຼວງວຽງຈັນ ເປີດໃຫ້ບໍລິການທຸກມື້ນອກນີ້ຍັງມີບໍລິການຈັດສົ່ງເຂດໃກ້ຄຽງຫຼືສາມາດສອບຖາມຂໍ້ມູນເພີ່ມຕື່ມໄດ້ທີ່ແຟນເພຈ໌: ຮ້ານຕໍາຜູ້ຊາຍຂາຍຫອຍສາຂານະຄອນຫຼວງວຽງຈັນ.

  ______________

  • ຂຽນໂດຍ: ແພງຕາ
  • ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

    #ບໍລິການໂຄສະນາທາງເຟສບຸກ ແລະເວັບໄຊ

    #ໂທ: 021 313645, 316511

    #App: 020 58707444

แชร์