ເມືອງທ່າປາງທອງ ຂຸ້ນຂ້ຽວເກັບກ່ຽວເຂົ້ານາປີ

 ການລົງມືເກັບກ່ຽວເຂົ້ານາປີຂອງພໍ່ແມ່ປະຊາຊົນພາຍໃນ ເມືອງທ່າປາງທອງ ແມ່ນໄດ້ດໍາເນີນໄປຢ່າງຂຸ້ນຂ້ຽວ ແລະເປັນຂະບວນກ້ວາງຂວາງເພື່ອໃຫ້ທ່ວງທັນກັບລະດູ ການເກັບກ່ຽວ,ຊຶ່ງປະຈຸບັນຊາວນາໃນທ້ອງຖິ່ນທົ່ວເມືອງທ່າປາງທອງ ສາມາດເກັບມ້ຽນມັດເຂົ້ານາປີໄດ້ຫຼາຍກວ່າ 25% ຂອງເນື້ອທີ່ປັກດໍາຕົວຈິງ 8,23 ແສນກວ່າເຮັກຕາ.

ທ່ານ ພູໄທ ຄໍາພູມີ ຮອງຫົວໜ້າ ຫ້ອງການກະສິກໍາ ແລະປ່າໄມ້ ເມືອງທ່າປາງທອງ ແຂວງສະຫວັນນະເຂດໃຫ້ຮູ້ວ່າ: ເລີ່ມແຕ່ ກາງເດືອນກັນຍາ 2019 ນີ້ຊາວ ນາທົ່ວເມືອງທ່າປາງທອງໄດ້ພ້ອມກັນລົງມືຂຸ້ນຂຽ້ວເກັບກຽ່ວມຽ້ນ ມັດເຂົ້ານາປີຂອງຕົນຢ່າງເປັນຂະບວນກວ້າງຂວາງ, ເພື່ອໃຫ້ທ່ວງ ທັນກັລະດູການເກັບກ່ຽວ ເພື່ອຮັບປະກັນການຕົກເຮ່ຍເສຍຫາຍ, ຊຶ່ງມາຮອດປະຈຸບັນຊາວນາໃນທົ່ວເມືອງສາມາດເກັບກຽ່ວມຽ້ນ ມັດເຂົ້ານາປີ (ເຂົ້ານາດໍ) ໄດ້ຫຼາຍກວ່າ 25% ຂອງເນື້ອທີປັກ ດໍາຕົວຈິງ 8,23 ແສນກວ່າເຮັກຕາ, ເນື້ອທີ່ນາທົ່ວເມືອງມີທັງໜົດ 9,27 ແສນກວ່າເຮັກຕາ, ປັກດໍາໄດ້ 98,5%, ໂດຍເຂດທີ່ເກັບກຽ່ວໄດ້ ຫຼາຍກ່ວາໝູ່ແມ່ນບ້ານຫ້ວຍໜືນ, ບຸດຕະພານ, ໜອງກັນ ແລະບ້ານ ນາຫົວຄວາຍ ຊຶ່ງການເກັບກ່ຽວ ຄາດວ່າຈະໃຫ້ສໍາເລັດ 100% ໃນ ທ້າຍເດືອນພະຈິກ.

ພາຍຫຼັງສໍາເລັດການເກັບກ່ຽວ ເຂົ້ານາປີແລ້ວ ຊາວກະສິກອນພາຍໃນເມືອງ ຍັງຈະໄດ້ປູກພືດຜັກ ເປັນຕົ້ນແມ່ນປູກໝາກຖົ່ວ, ໝາກແຕງ,ໝາກເຂືອ, ໝາກເຜັດ, ສາລີ ແລະພືດຜັກອື່ນໆອີກ, ນອກນີ້ ບາງທ້ອງຖິ່ນຍັງຈະມີການປູກເຂົ້າ ນາແຊງຕື່ມອີກ ເພື່ອແກ້ໄຂຊີວິດການເປັນຢູ່ຂອງຕົນໃຫ້ດີຂຶ້ນ.

  _____________

 ຂຽນໂດຍ: ນໍ້າເໝີຍ

ໜັງສືພພິມເສດຖະກິດ-ສັງຄົມ

  • #ບໍລິການໂຄສະນາທາງເຟສບຸກ ແລະເວັບໄຊ
  • #ໂທ: 021 313645, 316511
  • #App: 020 58707444

แชร์