ກວດພົບລົດຈັກຄົນຮ້າຍລັກ 2 ຄັນພ້ອມສົ່ງຄືນເຈົ້າຂອງເດີມ

  ກາງເດືອນກັນຍາ 2019, ເຈົ້າໜ້າທີ່ພະແນກສືບສວນ-ສອບສວນຫ້ອງຕໍາຫຼວດ ປກສ ແຂວງໄຊຍະບູລີ ໄດ້ຮັບແຈ້ງຂ່າວຈາກປະຊາຊົນວ່າມີກຸ່ມຄົນບໍ່ດີໄດ້ລັກເອົາລົດຈັກແລ້ວຫຼົບໜີເຂົ້າໃນເຂດເທ ສະບານເມືອງໄຊຍະບູລີ ຈາກນັ້ນຈຶ່ງໄດ້ນໍາໜ່ວຍງານວິຊາສະເພາະອອກເຄື່ອນໄຫວກວດກາຕິດຕາມຂອບເຂດທີ່ຕ້ອງສົງໄສ,ໃນຂະນະດຽວກັນໄດ້ກວດກາພົບເຫັນລົດ ຈັກ 2 ຄັນຄື: ລົດຈັກຍີ່ຫໍ້ຮອນດາ ເວບ 110 ໄອ ສີຟ້າ-ດໍາ ແລະລົດ ຈັກຍີ່ຫໍ້ຮອນດາຊຸມເມີເອັກສີແດງ- ດໍາ ທີ່ຖືກຄົນຮ້າຍລັກໄປດັດແປງ ສະພາບເຕັກນິກ ແລະປະກາດຂາຍ ໂດຍເບື້ອງຕົ້ນຍັງບໍ່ທັນຮູ້ເຈົ້າຂອງລົດ; ເຈົ້າໜ້າທີ່ຈຶ່ງໄດ້ນໍາລົດຄັນດັ່ງ ກ່າວມາຮັກສາໄວ້, ພ້ອມທັງແຈ້ງ ໃຫ້ເຈົ້າຂອງລົດນໍາເອົາຫຼັກຖານທີ່ກ່ຽວຂ້ອງມາຢັ້ງຢືນຮັບເອົາ.

ຕໍ່ມາຈຶ່ງຮູ້ວ່າລົດ 2 ຄັນດັ່ງກ່າວ ເປັນລົດຂອງທ້າວ ໄຊພອນ ອິນ ແຈ້ງສອນ ຢູ່ບ້ານນາຊີງ ເມືອງ ພຽງ ແລະນາງ ແສງຄູນ ສີລາແກ້ວ ຢູ່ບ້ານນໍ້າຊົ້ງ ເມືອງປາກລາຍ ແຂວງໄຊຍະບູລີ ຊຶ່ງຖືກຄົນຮ້າຍ ລັກໄປແຕ່ວັນທີ 5 ແລະວັນທີ 17 ເດືອນກັນຍາຜ່ານມາ ຈາກນັ້ນ, ທາງ ເຈົ້າໜ້າທີ່ຈຶ່ງນໍາຕົວຜູ້ຖືກຫາທັງສອງມາດໍາເນີນຄະດີຕາມລະບຽບກົດໝາຍ ແລະໄດ້ນໍາເອົາລົດທັງສອງຄັນມອບຄືນໃຫ້ເຈົ້າຂອງ ເດີມ ໂດຍຊ່ອງໜ້າເຈົ້າໜ້າທີ່ກ່ຽວ ຂ້ອງ ແລະຍາດຕິພີ່ນ້ອງຂອງຜູ້ເສຍຫາຍເຂົ້າຮ່ວມເປັນສັກຂີພະຍານ.

 _____________

 ໜັງສືພພິມເສດຖະກິດ-ສັງຄົມ

  • #ບໍລິການໂຄສະນາທາງເຟສບຸກ ແລະເວັບໄຊ
  • #ໂທ: 021 313645, 316511
  • #App: 020 58707444

แชร์