ອັດຕາປື ສໍາມະນາວຽກງານກໍ່ສ້າງຮາກຖານ

 ວັນທີ 7-8 ຕຸລາ 2019 ແຂວງອັດຕະປື ໄດ້ດຳເນີນກອງປະຊຸມສຳມະນາວຽກງານກໍ່ສ້າງຮາກຖານການເມືອງທົ່ວແຂວງຂຶ້ນມີການນຳກ່ຽວຂ້ອງຂັ້ນແຂວງ, ຄະນະຂັ້ນເມືອງ ແລະພະນັກງານສະມາຊິກພັກທີ່ໄດ້ລົງເຄື່ອນໄຫວວຽກງານກໍ່ສ້າງຮາກຖານການເມືອງຢູ່ແຕ່ລະເຂດໃນທົ່ວແຂວງເຂົ້າຮ່ວມ.

 ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງອັດຕະປື ປະທານກອງປະຊຸມໄດ້ຍົກໃຫ້ເຫັນ ວ່າ:ການປະຕິບັດມາດຕະການຍຸດທະສາດຫັນລົງກໍ່ສ້າງຮາກຖານ ແມ່ນເພື່ອກໍ່ສ້າງຮາກຖານໃຫ້ໜັກແໜ້ນເຂັ້ມແຂງຮອບດ້ານ, ການກໍ່ສ້າງຮາກຖານກໍໝາຍເຖິງ “ການກໍ່ສ້າງ ແລະ ພັດທະນາຊົນນະບົດໃຫ້ເຂັ້ມແຂງຮອບດ້ານດັ່ງ ນັ້ນໃນກອງປະຊຸມເທື່ອນີ້ບັນດາຫົວໜ້າຄະນະກໍ່ສ້າງຮາກຖານການເມືອງກໍ່ໄດ້ພ້ອມກັນລາຍງານຜົນການຈັດຕັ້ງປະຕິບັດໃນແຕ່ລະຈຸດເປົ້າໝາຍ 5 ຕົວເມືອງເຫັນໄດ້ຜົນສຳ ເລັດ, ຄວາມສະດວກ, ຂໍ້ຫຍຸ້ງຍາກ ແລະບັນຫາທີ່ໄດ້ແກ້ໄຂໃນສະເພາະໜ້າ.

  ກອງປະຊຸມຈະໄດ້ພ້ອມກັນປະກອບຄຳຄິດຄຳເຫັນຕໍ່ບັນຫາທີ່ຍົກຂຶ້ນເຊິ່ງຂໍ້ຫຍຸ້ງຍາກ ແລະວິທີການແກ້ໄຂບັນຫາໃຫ້ເປັນຈຸດສຸມໃນໜ້າໂດຍປະຕິບັດແຜນການຫັນລົງສູ່ຮາກຖານ-ຊົນນະບົດຕ້ອງສ້າງ ໂຄງການພັດທະນາທີ່ສອດຄ່ອງ ກັບແຕ່ລະພື້ນທີ່, ແຕ່ລະບໍລິເວນ ແລະແຕ່ລະເຂດຊົນນະບົດ,ເພີ່ມທະວີການບຳລຸງສ້າງຖັນແຖວພະນັກ ງານຮາກຖານ; ການປັບປຸງ ແລະ ເພີ່ມທະວີການນໍາພາຂອງບັນດາອົງການຈັດຕັ້ງ ແລະອົງການປົກຄອງຂັ້ນຮາກຖານ; ການຮັບປະກັນຄວາມສະຫງົບທາງການເມືອງ ແລະຄວາມເປັນລະບຽບຮຽບຮ້ອຍຂອງສັງຄົມຢູ່ຊົນນະບົດໃຫ້ໄດ້ຮັບຜົນດີກວ່າເກົ່າ.

_______________

 ໜັງສືພພິມເສດຖະກິດ-ສັງຄົມ

  • #ບໍລິການໂຄສະນາທາງເຟສບຸກ ແລະເວັບໄຊ
  • #ໂທ: 021 313645, 316511
  • #App: 020 58707444

แชร์