ອູດົມໄຊ ມອບເຄື່ອງຊວ່ຍເຫຼືອຜູ້ປະສົບໄພທໍາມະຊາດ

ວັນທີ 5 ຕຸລາ 2019 ທ່ານ ຄຳພັນ ເຜີຍຍະວົງ ເຈົ້າແຂວງອຸດົມໄຊ ແລະພະແນກການທີ່ກ່ຽວຂ້ອງໄດ້ນຳເອົາເງິນ ແລະເຄື່ອງບໍລິໂພກ-ອຸປະໂພກໄປມອບໃຫ້ຄະນະ ພັກອົງການປົກຄອງເມືອງແບງ ແລະເມືອງຮຸນ ເພື່ອປະກອບສ່ວນໃນການແກ້ໄຂໄພພິບັດທີ່ເກີດຂຶ້ນໃນໄລຍະຜ່ານມາ ແລະຊ່ວຍເຫຼືອປະຊາຊົນຜູ້ທຸກຍາກຂາດເຂີນ.

ເງິນ ແລະເຄື່ອງທີ່ນຳໄປມອບໃນຄັ້ງນີ້ແມ່ນໄດ້ຮັບການອຸປະຖຳຈາກພາກລັດ, ສຳນັກງານອົງການ, ລັດວິສາຫະກິດ, ທຸລະກິດ, ບໍລິສັດຫ້າງຮ້ານ, ຕະຫຼອດບຸກຄົນ, ນິ ຕິບຸກຄົນທີ່ມີນໍ້າໃຈຊ່ວຍເຫຼືອຜູ້ປະສົບໄພ ໃນນັ້ນມອບໃຫ້ເມືອງແບງ ປະກອບມີເງິນສົດຈຳນວນ 30,5 ລ້ານກີບ, ນໍ້າດື່ມ 300 ແກັດ,ເສື້ອ ແຂນຍາວຈຳນວນ 300 ຜືນ ແລະ ໝີ່ໄວໄວຈຳນວນ 13 ແກັດ; ສ່ວນມອບໃຫ້ເມືອງຮຸນ ໂດຍສະເພາະ ແມ່ນບ້ານຕາດຕະແລ ມີເຂົ້າສານ ໜຽວຈຳນວນ 1 ໂຕນມູນຄ່າ 6,5 ລ້ານກີບ ແລະເຄື່ອງນຸ່ງເດັກນ້ອຍ ຈໍານວນ 5 ແກັດ ເພື່ອມອບໃຫ້ແກ່ ຄອບຄົວທຸກຍາກທີ່ຂາດເຂີນ ເຄື່ອງນຸ່ງຫົ່ມ ແລະຂາດເຂົ້າກິນ ໃນຈຳນວນເປົ້າໝາຍ 23 ຄອບຄົວ.

   ໃນໂອກາດນີ້ຄະນະພັກອົງການປົກຄອງເມືອງຄະນະພັກອົງການປົກຄອງບ້ານກໍໄດ້ສະແດງຄວາມຂອບໃຈມາຍັງຄະນະພັກອົງການປົກຄອງແຂວງທີ່ມີຄວາມເປັນຫ່ວງເປັນໄຍຕໍ່ການແກ້ໄຂ-ຟື້ນຟູສະພາບໄພພິບັດ ແລະຊີວິດການເປັນຢູ່ຂອງພໍ່ແມ່ປະຊາຊົນ ພ້ອມດຽວກັນນີ້ກໍຈະນຳເອົາເງິນທີ່ໄດ້ຮັບໄປໝູນໃຊ້ເຂົ້າໃນການແກ້ໄຂໄພພິບັດໃຫ້ເກີດປະໂຫຍດສູງສຸດ ແລະນຳເອົາເຄື່ອງທີ່ໄດ້ຮັບໃນຄັ້ງນີ້ໄປມອບໃຫ້ຖືກຕ້ອງຕາມເປົ້າໝາຍ.

_______________

ໜັງສືພພິມເສດຖະກິດ-ສັງຄົມ

  • #ບໍລິການໂຄສະນາທາງເຟສບຸກ ແລະເວັບໄຊ
  • #ໂທ: 021 313645, 316511
  • #App: 020 58707444

แชร์