ການປະກວດຊາຍງາມ ຈະຕັດສິນທ້າຍອາທິດນີ້

 ຮອບຕັດສິນໂຄງການປະກວດຊາຍງາມ Mister interna tional Laos ປະຈຳປີ 2019 ຈະຈັດຂຶ້ນໃນຄໍ່າຄືນຂອງວັນທີ 13 ຕຸລາ ທີ່ໂຮງແຮມຄຣາວພາຊ່ານະຄອນຫຼວງວຽງຈັນ.

  ທ່ານ ໄຊຊະນະນໍຣະສິງຫ໌ ສີສານ ເຈົ້າຂອງວິສາຫະກິດສ່ວນບຸກຄົນສີສານອາດຕີສທ 1 ໃນ 2 ຂອງຜູ້ຮ່ວມກໍ່ຕັ້ງໂຄງການ ແລະ ເປັນປະທານໂຄງການປະກວດຊາຍງາມ Mister interna tional Laos ປະຈຳປີ 2019 ນີ້ໄດ້ກ່າວວ່າໂຄງການປະກວດຊາຍງາມໃນຄັ້ງນີ້ແມ່ນງານປະກວດທີ່ທ້າທາຍ ແລະໜ້າສົນໃຈທີ່ສຸດເພາະເປັນເວທີທຳອິດເວທີດຽວທີ່ສົ່ງເສີມບັນດານ້ອງຊາຍໜຸ່ມລາວຕັ້ງແຕ່ອາຍຸລະຫວ່າງ 18-28 ປີ ໄດ້ມີໂອກາດມາສະແດງຄວາມສາມາດ ແລະບຸກຄະລິກຍະພາບເພື່ອຂັດເລືອກໂຕແທນໜຸ່ມລາວໃນຂອບເຂດທົ່ວປະເທດໄປແຂ່ງຂັນໃນເວທີລະດັບສາກົນໃນຄັ້ງຕໍ່ໄປຊຶ່ງທາງໂຄງການໄດ້ດຳເນີນຮອບຄັດເລືອກແຕ່ວັນທີ 8 ແລະ 15 ເດືອນມິຖຸ ນາ ທີ່ຜ່ານມານີ້ຈົນໄດ້ນ້ອງໆຜູ້ເຂົ້າຮອບ 20 ຄົນ ສຸດທ້າຍ.

   ຕາມແຜນຂອງໂຄງການ 2 ເດືອນທຳອິດແມ່ນເຂົ້າຫຼັກສູດປັບປຸງພັດທະນາຮູບຮ່າງໃຫ້ມີຄວາມສົມບູນແບບຕາມແບບຫຸ່ນຊາຍງາມນອກນັ້ນກໍ່ມີການເຂົ້າໂປຣແກມເສີມຄວາມງາມຄວາມຫຼໍ່ທາງ ດ້ານຜິວພັນໜ້າຕາ ແລະຊົງຜົມ ທັງຍັງມີການເຮັດກິດຈະກຳຊ່ວຍ ເຫຼືອສັງຄົມເຊັ່ນການແຂ່ງຂັນບານເຕະມິດຕະພາບກັບທີມລາວອໍລສະຕ້າເພື່ອລະດົມທຶນຊ່ວຍເຫຼືອໄພ ນໍ້າຖ້ວມ 4 ແຂວງພາກໃຕ້ ທີ່ຜ່ານມາ, ການເຮັດກິດຈະກຳການກຸສົນລົງມອບອຸປະກອນການຮຽນການກີລາໃຫ້ແກ່ນ້ອງໆທີ່ເມືອງເຟືອງຮ່ວມກັບທີມງານໃຈຮ່ວມໃຈ ແລະທີ່ສຳຄັນໄດ້ເຂົ້າຝຶກອົບຮົມພັດທະນາທາງດ້ານແນວຄິດ ແລະບຸກຄະລິກຍະພາບໂດຍລວມ ແລະບໍ່ດົນມານີ້ກໍ່ມີກິດຈະກຳສົ່ງເສີມການທ່ອງທ່ຽວທີ່ເມືອງວັງວຽງອີກນຳຊຶ່ງປະຈຸບັນນີ້ນ້ອງໆຜູ້ເຂົ້າຮອບສຸດທ້າຍທັງ 20 ຄົນກໍ່ພ້ອມແລ້ວທີ່ຈະເຂົ້າຕັດສິນຊີງໄຊກັນໃນຄັ້ງວັນທີ 1 3 ຕຸລາ 2019 ນີ້ທີ່ໂຮງແຮມຄຣາວພລາຊ່ານະຄອນຫຼວງວຽງຈັນ ຕັ້ງແຕ່ເວລາ 19 ໂມງເປັນຕົ້ນໄປຊຶ່ງມີບັດຂາຍກ່ອນງານພຽງ100 ບັດເທົ່ານັ້ນໃນມູນຄ່າ 25.000 ກີບຕໍ່ບັດຕໍ່ຄົນສາມາດຕິດຕໍ່ຊື້ບັດໄດ້ທີ່ເບີ 020 54444602.

   ນອກຈາກນີ້ປະທານໂຄງການຍັງຝາກເຖິງບັນດາທ່ານຊ່ວຍສົ່ງເສີມໂຄງການດັ່ງກ່າວໃຫ້ໄດ້ຢູ່ຄູ່ກັບສັງຄົມລາວໄປເລື້ອຍໆ ໂດຍການເຂົ້າໄປຕິດຕາມໃນ facebook page ( Mister international laos) ຊ່ວຍກົດ Like ກົດ Share ເພື່ອເປັນກຳລັງໃຈໃຫ້ແກ່ໂຄງການ ແລະສາມາດສົ່ງເສີມອຸປະຖຳໂຄງການພວກເຮົາໄດ້ໃນ ຄັ້ງຕໍ່ໆໄປທ່ານສາມາດຕິດຕາມການຖ່າຍທອດສົດມື້ປະກວດຮອບສຸດທ້າຍຜ່ານທາງເພຈຂອງໂຄງການໄດ້ຕິດຕໍ່ສອບຖາມ 020 299 29789.

 ______________

ໜັງສືພພິມເສດຖະກິດ-ສັງຄົມ

  • #ບໍລິການໂຄສະນາທາງເຟສບຸກ ແລະເວັບໄຊ
  • #ໂທ: 021 313645, 316511
  • #App: 020 58707444

แชร์