ປັນຈັກສີລັດລາວ ໄປຝຶກຊ້ອມທີ່ຫວຽດນາມ

 ໃນວັນທີ 8 ຕຸລາ 2019 ທັບນັກກີລາມວຍປັນຈັກສີລັດທີມຊາດລາວຈຳນວນ 12 ຄົນ ຍິງ 3 ໄດ້ອອກເດີນທາງໄປຝຶກຊ້ອມທີ່ປະເທດ ສສ ຫວຽດນາມ. ຄູຝຶກນັກກີລາມວຍປັນຈັກສີ ລັດທີມຊາດລາວເປີດເຜີຍວ່າ: ການໄປຄັ້ງນີ້ແມ່ນເພື່ອຝຶກນັກກີລາໃຫ້ດີຂຶ້ນກວ່າເກົ່າ ແລະຈະໄປເກັບຕົວຢູ່ທີ່ສູນຝຶກໂຮຈິ່ມິນ ເປັນໄລຍະ ເວລາ 45 ມື້ (ຈົນເຖິງວັນທີ 23 ພະຈິກ) ກ່ອນຈະກັບ ສປປ ລາວ ເພື່ອກຽມພ້ອມໃສ່ກີລາຊີເກມໃນທ້າຍເດືອນພະຈິກ 2019, ສ່ວນຜົນງານກ່ອນໜ້ານີ້ນັກກີລາມວຍປັນຈັກສີລັດທີມຊາດລາວທີ່ໄດ້ເຂົ້າຮ່ວມໃນການແຂ່ງຂັນຊີງແຊ້ມໂລກມວຍປັນຈັກສີລັດຊາຍຫາດທີ່ປະເທດໄທ,ໃນລະຫວ່າງວັນທີ 30  ກັນຍາ ຫາ 4 ຕຸລາ  2019 ຊຶ່ງມີທັງໝົດ 19 ປະເທດຈາກທົ່ວໂລກເຂົ້າຮ່ວມ.

  ທີມຊາດລາວໄດ້ສົ່ງນັກກີລາເຂົ້າຮ່ວມການແຂ່ງຂັນ 2 ລາຍການຄື: 1, ປະເພດຟ້ອນດ່ຽວ ແລະຟ້ອນຄູ່ 2 ປະເພດການຕໍ່ສູ້,ຜ່ານການແຂ່ງຂັນທີມຊາດລາວສາມາດຍາດຫຼຽນມາໄດ້ 2 ຫຼຽນທອງຈາກປະເພດຟ້ອນດ່ຽວ ແລະຟ້ອນຄູ່, ສ່ວນປະເພດການຕໍ່ສູ້ສາມາດຍາດມາໄດ້ 3 ຫຼຽນເງິນ ແລະ 1 ຫຼຽນທອງໃນລຸ້ນນໍ້າໜັກ 60 ກິໂລກຮາມ, ລຸ້ນ 45 ກິໂລກຮາມ ແລະຫຼຽນທອງລຸ້ນ 55 ກິໂລກຮາມລວມຫຼຽນທັງໝົດ 6 ຫຼຽນ.

 _______________

 ໜັງສືພິມເສດຖະດິດ-ສັງຄົມ

  • #ບໍລິການໂຄສະນາທາງເຟສບຸກ ແລະເວັບໄຊ
  • #ໂທ: 021 313645, 316511
  • #App: 020 58707444

แชร์