ຊຽງຂວາງ ສະຫຼອງວັນຄູແຫ່ງຊາດຄົບຮອບ 25 ປີ

  ວັນທີ 3 ຕຸລາ 2019 ນີ້ພະແນກສຶກສາທິການ ແລະກີລາ (ສກຂ)  ແຂວງຊຽງຂວາງ, ຮ່ວມກັບຫ້ອງການສຶກສາທິການ ແລະກີລາເມືອງແປກ ແລະໂຮງຮຽນອ້ອມຂ້າງທີ່ຂຶ້ນກັບຈັດພິທີສະເຫຼີມສະຫຼອງວັນຄູແຫ່ງຊາດຄົບຮອບ 25 ປີ( 7 ຕຸລາ 1994-7 ຕຸລາ 2019)  ທີ່ສະໂມສອນໂຮງຮຽນເຕັກນິກ-ວິຊາຊີບໂດຍໃຫ້ກຽດ ເຂົ້າ ຮ່ວມຂອງທ່ານ ບົວສອນ ສີນວນທອງ ຮອງເຈົ້າແຂວງຊຽງ ຂວາງ, ທ່ານ ທອງສີ ພັນທະວົງ ຮອງຫົວໜ້າພະແນກ ສກຂ ພ້ອມ ຄະນະ, ມີຫົວໜ້າຫ້ອງການ ສກມ ແປກ ພ້ອມຄະນະ, ພະແນກການ, ກົມກອງອ້ອມຂ້າງແຂວງ, ພະນັກງານບໍານານ, ພະນັກງານຂະ ແໜງການສຶກສາ, ຄູ-ອາຈານຕະຫຼອດຮອດນ້ອງນັກຮຽນ ແລະ ແຂກທີ່ຖືກເຊີນເຂົ້າຮ່ວມ.

ທ່ານ ທອງສີ ພັນທະວົງ ໄດ້ຂຶ້ນຜ່ານປະຫວັດຄວາມເປັນມາຂອງວັນຄູແຫ່ງຊາດ ໂດຍໄດ້ຍົກໃຫ້ເຫັນເຖິງຂະບວນການສຶກສາຂອງລາວໃນເມື່ອກ່ອນການສຶກສາຮໍ່າຮຽນຂອງເດັກນ້ອຍລາວແມ່ນມີຄວາມຫຍຸ້ງຍາກສັບສົນຫຼາຍ, ໄດ້ຮຽນຢູ່ວັດວາອາຣາມ, ພໍ່ແມ່ໄດ້ສົ່ງລູກຫຼານໄປບວດ ຫຼື  ເປັນສັງກະລີຢູ່ວັດເພື່ອຮໍ່າຮຽນ ຂຽນອ່ານ, ຮຽນຮູ້ຫຼັກວິຊາ, ຈາລິ ຍະທໍາ, ການວາດແຕ້ມ ຄັວດ ປັ້ນ ແລະວິຊາຕ່າງໆ, ປີ ຄສ 1905 ທົ່ວປະເທດມີພຽງໂຮງຮຽນ 2 ແຫ່ງ, ຫຼວງພະບາງ ແລະວຽງ ຈັນ, ຄົນລາວທີ່ໄດ້ເຂົ້າຮຽນແມ່ນມີ ໜ້ອຍເຕັມທີ່ໃນນັ້ນມີຄົນລາວຊື່ ທ້າວ ຄໍາ ທີ່ໄດ້ຮຽນຈົບຫ້ອງທີ 1(ປ.6), ປີ ຄສ 1907 ທ້າວ ຄໍາ ໄດ້ເຂົ້າຮ່ວມຮັບການອົບຮົມຄູຖືວ່າເປັນຄັ້ງທໍາ

ອິດໃນປະຫວັດສາດຂອງລາວທີ່ໄດ້ມີການຈັດອົບຮົມຄູ,ພາຍຫຼັງອົບຮົມສໍາເລັດມາເຖິງວັນທີ 7 ຕຸລາ ປີ1907 ທ້າວ ຄໍາເລີ່ມເປັນຄູສອນ ແລະໄດ້ສອນຢູ່ ໂຮງຮຽນສ້າງຄູສົງທີ່ທ່າວັດຈັນ ເຊິ່ງປະກອບມີພະສົງ 50 ກ່ວາອົງໄດ້ເຂົ້າຮຽນຂະນະທີ່ນາຍຄູຄໍາເປັນຄູສອນຢູ່ນັ້ນທ່ານໄດ້ສຶກສາອົບຮົມໃຫ້ພະສົງທີ່ຈະເປັນຄູສອນ ໃຫ້ມີຄວາມຮັກຊາດລາວ ບໍ່ໃຫ້ຊາດ ລາວເສື່ອມເສຍໃຫ້ແກ່ຊາດອື່ນ, ເມື່ອເປັນເຊັ່ນນັ້ນພະສົງຫຼາຍອົງໄດ້ມີນໍ້າໃຈຮັກຊາດລາວບໍ່ຍອມໄປເປັນທາດຮັບໃຊ້ໃຫ້ແກ່ພວກລ່າ ເມືອງຂຶ້ນ, ປີ ຄສ 1913 ນາຍຄູຄໍາໄດ້ເປັນຄູສອນຢູ່ໂຮງຮຽນ (ຕັບໂຟແລັງ) ລວມມີຄູ 3 ຄົນ ສອນຢູ່ນໍາກັນ, ປີ  ຄສ 1949 ນາຍຄູຄໍາມີອາການເຈັບປ່ວຍ ແລະໄດ້ ເສຍຊີວິດລົງໃນທີ່ສຸດ.

ພາຍຫຼັງທີ່ປະເທດຊາດໄດ້ລຸກ ຮື້ຂຶ້ນຍຶດອໍານາດໃນວັນທີ 12 ຕຸລາ1945 ເປັນຕົ້ນມາການສຶກສາມີລັກສະນະຊາດຄ່ອຍໆປາກົດຕົວ ເປັນຮູບເປັນຮ່າງ ແລະຈົນໃນທີ່ສຸດປະເທດຊາດໄດ້ຮັບການປົດປ່ອຍສະຖາປະນາເປັນປະເທດສາທາ ລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ ປີ 1975, ການສຶກສາຂອງລາວໄດ້ຮັບການພັດທະນາ, ໂຮງຮຽນໄດ້ຂະຫຍາຍຕົວຢ່າງໄວຈາກຕົວ ເມືອງໄປສູ່ຊົນນະບົດ,ລູກຫຼານຂອງປະຊາຊົນບັນດາເຜົ່າໄດ້ເຂົ້າ ຮໍ່າຮຽນຢູ່ໂຮງຮຽນ, ໄດ້ມີຖັນແຖວ ຄູທີ່ມີນໍ້າໃຈຮັກຫອມປະເທດຊາດ, ມີຄວາມຮູ້ຄວາມສາມາດປະກອບສ່ວນເຂົ້າໃນການສ້າງສາພັດທະນາປະເທດຊາດໃຫ້ຈະເລີນກ້າວ ໜ້າຈົນເທົ່າທຸກວັນນີ້, ສະນັ້ນເພື່ອ

ລະນຶກເຖິງຄຸນງາມຄວາມດີຂອງ ຄູໃນສັງຄົມໃຫ້ກາຍເປັນພຶດຕິກໍາ ຕົວຈິງ ຈຶ່ງມີຄວາມຈໍາເປັນຕ້ອງກໍານົດໃຫ້ມີວັນຄູແຫ່ງຊາດລາວ ແລະເພື່ອເຊີດຊູຄຸນງາມຄວາມດີ ຂອງນາຍຄູຄໍາທີ່ໄດ້ສ້າງວິລະກໍາ ອັນລໍ້າຄ່າໃຫ້ແກ່ປະເທດຊາດ, ພັກ ແລະລັດຖະບານຈຶ່ງໄດ້ກໍານົດເອົາ ວັນທີ 7 ຕຸລາ ເປັນວັນຄູແຫ່ງຊາດ ລາວ ແລະໄດ້ສືບທອດກັນມາຈົນເທົ່າທຸກວັນນີ້.

  ______________

 ໜັງສືພິມເສດຖະດິດ-ສັງຄົມ

  • #ບໍລິການໂຄສະນາທາງເຟສບຸກ ແລະເວັບໄຊ
  • #ໂທ: 021 313645, 316511
  • #App: 020 58707444

แชร์