ກັກ 6 ຜູ້ຄ້າຢາເສບຕິດພ້ອມປືນ 9 ກະບອກ

  ວັນທີ 2 ຕຸລາຜ່ານມາ, ໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງໄຊພູທອງ ແຂວງສະຫວັນນະເຂດ ໄດ້ກັກຕົວພວກຄ້າຂາຍຢາເສບຕິດໄດ້ 6 ຄົນ ພ້ອມຂອງກາງຢາເສບຕິດປະເພດຢາບ້າ 13 ຖົງ ແລະອາວຸດປືນສັ້ນປະເພດດັດແປງຈໍານວນ 9 ກະບອກ, ໂທລະສັບ 5 ເຄື່ອງ ພວກຕ້ອງຫາຄື: ທ້າວ ຄໍາເກິງ ອາຍຸ

30 ປີ ຢູ່ບ້ານນາພານຂອງກາງຢາບ້າ 203 ເມັດ ແລະໃນວັນທີ 21 ກັນຍາ 2019 ເຈົ້າໜ້າທີ່ກໍໄດ້ກັກຕົວ ຜູ້ຖືກຫາໄດ້ຈໍານວນ 1 ຄົນ ທ້າວໃດ ຄຳມຸງຄຸນ ບ້ານທ່າໂພພ້ອມຂອງກາງຢາບ້າ 360 ເມັດ ຜ່ານການສອບສວນເບື້ອງຕົ້ນຢາບ້າຈໍານວນດັ່ງກ່າວໄດ້ຊື້ມາຈາກ ທ້າວ ຕູ່ ອາຍຸ 30 ປີ ອາຊີບເຮັດນາ ຢູ່ບ້ານທ່າໂພ ຕໍ່ມາໃນເວລາ 10 ໂມງ ຂອງວັນດຽວກັນໄດ້ກວດຄົ້ນເຮືອນທ້າວ ຕູ່ ໄດ້ພົບເຫັນຢາບ້າຈໍານວນ 10 ຖົງ ແລະ 30 ເມັດ ຈາກນັ້ນເຈົ້າໜ້າທີ່ກໍ່ໄດ້ນໍາຕົວມາສອບສວນຫາພວກຮ່ວມຂະ ບວນການມາດໍາເນີນຄະດີ.

  ຂ່າວຍັງໃຫ້ຮູ້ຕື່ມວ່າໃນວັນທີ 30 ກັນຍາ 2019 ເຈົ້າໜ້າທີ່ຕໍາຫຼວດສະກັດກັ້ນ ແລະຕ້ານຢາເສບຕິດ ປກສ ເມືອງ ໄຊພູທອງແຂວງສະຫວັນນະເຂດ ໄດ້ຈັບຕົວພວກ ເຄື່ອນໄຫວຄ້າຂາຍຢາເສບຕິດປະເພດຢາບ້າຄື ທ້າວ ພອນ ອາຍຸ 20 ປີ ອາຊີບເຮັດນາບ້ານນາພານພ້ອມຂອງກາງປະເພດຢາບ້າຈໍານວນ 334 ເມັດ ຜ່ານການສືບ ສວນ-ສອບສວນຂອງເຈົ້າໜ້າທີ່ພວກກ່ຽວໄດ້ໃຫ້ການຮັບສາລະພາບວ່າໄດ້ຮ່ວມກັນຄ້າຂາຍຢາເສບຕິດ ແລະ ຂອງກາງທີ່ທາງເຈົ້າໜ້າທີ່ຢຶດມາໄດ້ແມ່ນເປັນຂອງພວກກ່ຽວແທ້ປະຈຸບັນເຈົ້າໜ້າທີ່ພວມດຳເນີນຄະດີຕາມກົດໝາຍ.

______________

ຂຽນໂດຍ: ພັນທະມິດ ວົງສຸທິ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์