ຜັກຊີເປັນຢາດີຮັກສາໂລກ

  ເຖິງຮູບຮ່າງຂອງໃບຈະນ້ອຍແຕ່ກໍຢ່າປະໝາດກັບປະໂຫຍດຂອງຜັກຊີເພາະວ່າມີສັບພະຄຸນດີທີ່ຮັກສາໂລກໂດຍບໍ່ຕ້ອງເພິ່ງຢາ ຫຼື ສານເຄມີໃດໆ. ຜັກຊີມີຜົນດີຕໍ່ສຸຂະ ພາບໂດຍສະເພາະຊ່ວຍຢັບຢັ້ງການຈະເລີນເຕີບໂຕຂອງເຊື້ອໂລກ, ຫຼຸດໄຂມັນ ແລະ ກົດໄຫຼຢ້ອນ, ຫຼຸດອາການນອນບໍ່ຫຼັບ, ບຳລຸງກະດູກແລະແຂ້ວໃຫ້ແຂງແຮງ ,ບຳລຸງສຸຂະພາບແມ່ຍິງ, ກະຕຸ້ນການເຮັດວຽກຂອງລະບົບຂັບຖ່າຍ, ຮັກສາລະດັບນໍ້າຕານໃນເລືອດໃຫ້ເປັນປົກກະຕິ, ປົກປ້ອງຮ່າງ ກາຍຈາກສານອະນຸມູນອິດສະຫຼະ, ຮັກສາອາການໄຂ້ຫວັດເຮັດໃຫ້ລົມຫາຍໃຈສົດຊື່ນ ແລະປ້ອງກັນໂລກມະເຮັງ.

 ຂໍ້ຄວນລະວັງໃນການຮັບປະທານຜັກຊີ: ຜັກຊີມີປະໂຫຍດຫຼາຍຢ່າງແຕ່ຮູ້ ຫຼື ບໍ່? ວ່າປະລິມານການ ຮັບປະທານຜັກຊີຄວນຢູ່ໃນປະລິມານເທົ່າໃດເພາະຜັກຊີເອງກໍ່ສົ່ງຜົນຂ້າງຄຽງຕໍ່ສຸຂະພາບໄດ້ເຊັ່ນກັນເນື່ອງຈາກການກິນຜັກຊີຫຼາຍເກີນໄປອາດເຮັດໃຫ້ຜິວໜັງໄວຕໍ່ແສງແດດ ແລະ ອາດເຮັດໃຫ້ເປັນຜື່ນແດງໄດ້ດັ່ງນັ້ນຫາກຈະຮັບປະທານຜັກຊີແບບປອດໄພບໍ່ມີຜົນຂ້າງຄຽງຄວນຈະໃຫ້ແພດກຳນົດ ປະລິມານການໃຊ້ທີ່ປອດໄພໃຫ້ນອກຈາກນີ້ຄົນເຈັບໂລກບ້າໝູຫ້າມໃຊ້ນໍ້າມັນຫອມລະເຫີຍຜັກຊີເດັດຂາດເພາະອາດເຮັດໃຫ້ອາການຮ້າຍແຮງຂຶ້ນຕື່ມໄດ້.

_______________

ໜັງສືພິມເສດຖະກິດ-ສັງຄົມ

แชร์