ລາຊີນີເຈປ໊ອບ ນາມິເອະກຽມໄປເຮັດວຽກ ຢູ່ເບື້ອງຫຼັງ

  ນາມິເອະອາມູໂຣະນັກຮ້ອງສາວຄົນຍີ່ປຸ່ນ ເຮັດໃຫ້ແຟນໆ ເພງທົ່ວໂລກນໍ້າຕາຕົກຫຼັງຈາກລາວປະກາດວາງມືຈາກການຮ້ອງ ເພງເມື່ອປີທີ່ຜ່ານມາແຕ່ຕອນນີ້ ເໝືອນວ່າລາວຈະມີບົດບາດໃໝ່ໃນອຸດສາຫະກຳບັນເທີງຊຶ່ງຄາດວ່າໜ້າຈະປ່ຽນໄປເຮັດວຽກຢູ່ເບື້ອງ ຫຼັງໃຫ້ກັບຄ່າຍເພງໃຫຍ່ Johnny & Associates.

ເມື່ອຕົ້ນປີທີ່ຜ່ານມາທັກກີ້-ຮິ ເດອາກິທາຄິຊາວາ ໄດ້ຢຸດເຮັດ ວຽກເບື້ອງໜ້າເພື່ອຮັບໜ້າທີ່ບໍລິ ຫານໃຫ້ກັບ Johnny & Associates ແລະລາວໄດ້ຕັ້ງໃຈຈະພັດທະນາເດັກຝຶກຫັດທັງ 300 ຄົນໃຫ້ມີສັກກະຍະພາບເພີ່ມຂຶ້ນທັງຍັງວາງແຜນເດບີວວົງ SixTO NES ແລະSnowMan ໃນປີໜ້າ.

ນອກຈາກນີ້ແຫຼ່ງຂ່າວຍັງລາຍ ງານວ່າທັກກີ້ຍັງຊວນນາມິເອະໃຫ້ຊ່ວຍພັດທະນາບັນດາເດັກນ້ອຍຝຶກຫັດຂອງຄ່າຍ ໂດຍສະເພາະໃນສ່ວນຂອງການເຕັ້ນຊຶ່ງຫຼາຍ ຄົນມອງວ່າສີລະປິນຂອງຄ່າຍຈອນນີ້ນັ້ນຍັງບໍ່ເຂັ້ມແຂງເລື່ອງນີ້ເພາະສະນັ້ນທັກກີ້ຈຶ່ງຢາກປ່ຽນ ແປງ ໂດຍຈະເນັ້ນໜັກທີ່ການສະແດງສົດຫຼາຍຂຶ້ນ  ແລະຢາກໃຫ້ນາມິເອະມາຊ່ວຍໃນການອອກແບບ ທ່າເຕັ້ນໃຫ້ສີລະປິນໃນຄ່າຍ.

ເປັນທີ່ຮູ້ກັນດີວ່າ ນາມິເອະມີຄວາມສຳພັນທີ່ດີກັບສີລະປິນຄ່າຍຈອນນ້ີ ເພາະເມື່ອຄອນເສີດອຳ ລາວົງການຂອງລາວທີ່ໂອກິນາວາທັງທັກກີ້ ແລະຢາມະພີຕ່າງກໍໄປຮ່ວມໃຫ້ກຳລັງໃຈລາວໃນຄອນເສີດດ້ວຍກັນຈຶ່ງບໍ່ແປກໃຈທີ່ລາວຈະໄດ້ຮັບການຊັກຊວນໃຫ້ມາເຮັດ ວຽກຮ່ວມກັບ Johnny & Associates.

 ------------------

 ໜັງສືພິມເສດຖະກິດ-ສັງຄົມ

• 09/10/2019