XIAOMI ຕັ້ງເປົ້າຂາຍ REDMI NOTE 7 ໃຫ້ໄດ້ 1 ລ້ານໜ່ວຍ

   Xiaomi ໄດ້ປະກາດແຍກແບຣນ Redmi ອອກສູ່ຕະຫຼາດສະມາດໂຟນຢ່າງເຕັມຕົວໂດຍ  Red-mi Note 7 ໄດ້ຮັບການເປີດໂຕໄປເມື່ອວັນທີ 10 ມັງກອນ 2019 ທີ່ຜ່ານມາໂດຍມາພ້ອມກັບກ້ອງຫຼັງ 48 ລ້ານພິກເຊລ ແລະຊິບເຊຕ Snapdragon 660 ໂດຍລາຄາພຽງ 999 ຢວນ.

  ຫຼ້າສຸດ Wang Teng ຜູ້ຈັດການຝ່າຍຜະລິດຂອງ Redmi ໄດ້ປະກາດວ່າຈະຂາຍ Redmi Note 7 ໃຫ້ໄດ້ 1 ລ້ານໜ່ວຍພາຍໃນທ້າຍເດືອນມັງກອນ 2019 ນີ້ (Redmi ເລີ່ມວາງຈຳໜ່າຍໃນວັນທີ 18 ມັງກອນ 2019).

   Redmi ໄດ້ໂພສຣີວິວ Redmi Note 7 ຈາກແຟນໆຜ່ານທາງ Weibo  ໂດຍມີການຕັ້ງຄຳຖາມວ່າ Redmi ຈະພ້ອມຮອງຮັບການຈຳໜ່າຍສະມາດໂຟນຈຳນວນຫຼາຍ ໃຫ້ແກ່ຜູ້ຊື້ຫຼືບໍ່ຊຶ່ງ Wang Teng ຜູ້ຈັດການຝ່າຍຜະລິດຂອງ Redmi ໄດ້ຕອບຄຳຖາມດັ່ງກ່າວໂດຍໃຫ້ສັນຍາວ່າ Redmi Note 7 ຈຳນວນ 1 ລ້ານໜ່ວຍຈະພ້ອມສຳລັບການຈຳໜ່າຍແບບ Flash Sale ຄັ້ງທຳອິດລວມທັງຄັ້ງທີ 2 ຫຼື 3 ທີ່ຈະຈັດຕາມມາດ້ວຍ.

แชร์