ຊານໄຊ ຈະພັດທະນາເຂື່ອນເຊຂະໜານ 1 ເປັນແຫຼ່ງທ່ອງທ່ຽວທຳມະຊາດ

 ອະນາຄົດເມືອງຊານໄຊ ແຂວງອັດຕະປືbອາດຈະກາຍເປັນເມືອງທີ່ມີຊື່ສຽງດ້ານການທ່ອງທ່ຽວໃນເຂດພາກໃຕ້ລາວກໍ່ວ່າໄດ້ຖ້າຫາກວ່າການດຳເນີນກິດຈະການຂອງຜູ້ປະກອບການດ້ານການທ່ອງທ່ຽວຢູ່ໃນເຂດອ່າງໂຕ່ງເຂື່ອນໄຟຟ້າເຊຂະໜານໜຶ່ງປັບປຸງໃຫ້ມີຄຸນນະພາບ ແລະຂະຫຍາຍຕົວໄດ້ຕາມແຜນທີ່ກຳນົດໄວ້.

ທ່ານ ຄຳຕັນສຳພັນມີໄຊ ຜູ້ຈະພັດທະນາການທ່ອງທ່ຽວໃນເຂດ ອ່າງໂຕງ ເຂື່ອນໄຟຟ້າເຊຂະໜານ 1 ຢູ່ເມືອງຊານໄຊ ໃຫ້ຮູ້ວ່າ: ເຂດອ່າງໂຕ່ງເຂື່ອນໄຟຟ້າເຊຂະໜານ 1 ມີຄວາມເປັນໄປໄດ້ໃນດ້ານການ ທ່ອງທ່ຽວທຳມະຊາດສູງ ຈຶ່ງໄດ້ມີການປຶກສາຫາລື ແລະປະກອບເອກະສານໂດຍຖືກຕ້ອງຕາມລະບຽບຂອງກົດໝາຍໃນທຸກຂັ້ນຕອນແລ້ວ ເພື່ອຈະສ້າງເຂດນີ້ໃຫ້ເປັນແຫຼ່ງທ່ອງທ່ຽວໂດຍໃຫ້ມີອາຫານເຄື່ອງດື່ມ ແລະມີການທ່ອງທ່ຽວທັງເປັນເຈົ້າການລົງທຶນ, ປັບປຸງ ແລະກໍ່ສ້າງພື້ນຖານໂຄງລ່າງຮອງຮັບການບໍລິການ-ການທ່ອງທ່ຽວໃນຫຼາຍລະດັບພື້ນຖານທີ່ແຕກຕ່າງກັນຕອບສະໜອງຄວາມສະດວກໃຫ້ແກ່ແຂກຄົນທີ່ຢາກຈະໄປທ່ອງທ່ຽວຢູ່ໃນເຂດອ່າງໂຕ່ງເຊຂະ ໜານ 1 ໃຫ້ມີຄວາມສະດວກສະບາຍ  ແລະເປັນບາດກ້າວອັນໃໝ່ຂອງ ການຂະຫຍາຍຕົວດ້ານການທ່ອງ ທ່ຽວຢູ່ເມືອງຊານໄຊ ນຳດ້ວຍ.

 ຈາກທ່າແຮງ ແລະເງື່ອນໄຂຕົວຈິງຂອງຜູ້ປະການດ້ານການ ທ່ອງທ່ຽວດັ່ງທີ່ທ່ານ ຄຳຕັນ ສຳພັນມີໄຊ ໄດ້ຍົກໃຫ້ເຫັນນີ້ ຊຶຶຶຶຶຶ່ງຢູ່ທີ່ເຂດອ່າງໂຕ່ງ ເຂື່ອນໄຟຟ້າເຊຂະໜານໜຶ່ງໃນອະນາຄົດຫວັງວ່າຈະສ້າງແຮງຈູງໃຈດຶງດູດໃຫ້ຄົນທາງພາຍໃນ ແລະຕ່າງປະເທດທີ່ສະແຫວງຫາທິວທັດທຳມະຊາດອັນອຸດົມສົມບູນໄດ້ເກີດຄວາມໄຝ່ຝັນຕ້ອງ ການຢາກໄປສຳຜັດດ້ວຍຕົວຕົນເອງນັ້ນກັບແຫຼ່ງທຳມະຊາດທີ່ສວຍງາມຢ່າງສະໜຸກສະໜານໄດ້ດັ່ງໃຈໃນທັນໃດເພາະວ່າໃນດ້ານສັກກາຍະພາບແລ້ວເຂດພື້ນທີ່ພູມີພາກແຫ່ງນີ້ແມ່ນມີຄວາມງົດງາມຢ່າງສົມບູນ ແລະອ້ອມຮອບໄປ ດ້ວຍປ່າໄມ້ຂຽວ,ມີພູຜາອັນສູງຊັນສະລັບສັບຊ້ອນ, ມີແມ່ນໍ້າໃສເຢັນ, ອາກາດສົດຊື່ນ, ສັດສານາໆຊະນິດອີກຢ່າງໜຶ່ງໃຊ້ເວລາເດີນທາງແຕ່ ເທສະບານແຂວງໄປຮອດຈຸດໝາຍປະມານ 1 ຊົ່ວໂມງ ແລະມີເສັ້ນທາງສາມາດທຽວໄປມາໄດ້ 2 ລະດູໃນ ລະດັບພື້ນຖານ.

  ທ່ານ  ຄຳຕັນ ສຳພັນມີໄຊ ກ່າວຕື່ມວ່າ: ການດ້ານທ່ອງທ່ຽວໃນ ເຂດອ່າງໂຕ່ງ ເຊຂະໜານ 1 ນອກຈາກມີຮ້ານອາຫານ, ສະຖານທີ່ພັກແຮມທີ່ເໝາະສົມແລ້ວ, ຍັງຈະມີເຮືອນຳທ່ຽວທີ່ປອດໄພ, ທ່ອງທ່ຽວທຳມະຊາດຕາມຄວາມຕ້ອງການຂອງແຂກ, ມີສະຖານທີ່ຈອດລົດທີ່ເໝາະສົມ, ການບໍລິການ ແລະທ່ອງທ່ຽວແມ່ນເລັ່ງໃສ່ທຳ ມະຊາດ ໂດຍປະຊາສຳພັນກັບນັກທ່ອງທ່ຽວໃຫ້ມີການສົ່ງເສີມຮັກສາສິ່ງແວດລ້ອມສະກັດກັ້ນການຕັດໄມ້ທຳລາຍປ່າ ແລະຫາປາແບບຜິດກົດ ໝາຍຄາດວ່າກິດຈະການດ້ານການທ່ອງທ່ຽວຈະເລີ່ມຮັບໃຊ້ບໍລິການຂັ້ນທົດລອງໃຫ້ທັນເລີ່ມແຕ່ປີ 2019 ເປັນຕົ້ນໄປ ແລະຈະໄດ້ມີການປັບປຸງໃຫ້ເຂົ້າລະບົບໄປເທື່ອລະກ້າວສຳລັບເສັ້ນທາງໄລຍະນີ້ລົດເກັງ, ລົດເມ ຫຼື ລົດປະເພດຕໍ່າບໍ່ສາມາດໄປໄດ້.

---------------------

 ໜັງສືພິມເສດຖະກິດ-ສັງຄົມ

แชร์