ຢູ 19 ຝຶກຊ້ອມກຽມລຸຍຮອບຄັດເລືອກຊີງແຊ້ມອາຊີ ທີ່ໄຕ້ຫວັນ

ທີມຊາດລາວຮຸ່ນອາຍຸບໍ່ ເກີນ19 ປີ ເລີ່ມລົງຝຶກຊ້ອມຢ່າງເປັນທາງການໃນວັນທີ 3 ຕຸລາ 2019 ຫຼັງຈາກການຄັດເລືອກເຫຼືອພຽງ 30 ຄົນທີ່ສະໜາກີລາແຫ່ງຊາດຫຼັກ 16 ເພື່ອກຽມເຂົ້າຮ່ວມການແຂ່ງຂັນບານເຕະຊາຍຊີງແຊ້ມອາຊີຮຸ່ນອາຍຸບໍ່ເກີນ 19 ປີຮອບຄັດເລືອກ 2020AFCU19CHAMPIONSHIP 2020,

Qualifiers ທີ່ຈະຈັດຂຶ້ນຢູ່ໄຕ້ຫວັນໃນລະຫວ່າງວັນ ທີ 06-10 ພະຈິກ 2019 ທີມຊາດລາວຮຸ່ນອາຍຸບໍ່ເກີນ 19 ປີ ແມ່ນໄດ້ເລີ່ມການຝຶກຊ້ອມມານັບຕັ້ງແຕ່ວັນທີ 27 ສິງຫາ 2019 ຊຶ່ງມາຮອດປະຈຸບັນທ່ານ SundramMoorthy ຫົວໜ້າຄູຝຶກຊາວສິງກະໂປໄດ້ຄັດເລືອກນັກກີລາເຫຼືອທັງໝົດ 30 ຄົນ ແລະຈະຕັດໃຫ້ເຫຼືອ 26 ຄົນກ່ອນອອກເດີນທາງໄປອຸ່ນເຄື່ອງທີ່ປະເທດໄທໃນລະຫວ່າງວັນທີ 16-22 ຕຸລາ 2019 ທີ່ຈະມາເຖິງນີ້.

  ສ່ວນຕາຕະລາງການແຂ່ງຂັນທີມຊາດລາວໃນລາຍການແຂ່ງຂັນບານເຕະຊາຍຊີງແຊ້ມອາຊີຮຸ່ນ ອາຍຸບໍ່ເກີນ 19 ປີ ຮອບຄັດເລືອກ 2020 ວັນທີ 6 ພະຈິກ 2019 ເວລາ 16:00 ທີມຊາດລາວພົບກັບທີມຊາດອົດສະຕຣາລີ ແຂ່ງຂັນຢູ່ທີ່ສະໜາມ NationalStadium (Kaohsiung City) CHINESE TAIPEI, ວັນທີ 8 ພະຈິກ 2019 ເວລາ 19:00 ທີມຊາດລາວພົບກັບໄຕ້ຫວັນແຂ່ງຂັນຢູ່ທີ່ສະໜາມ National Sta dium (Kaohsiung City) CHINESE TAIP EI,

  ວັນທີ 10 ພະຈິກ 2019 ເວລາ 16:00 ມາເກົາພົບກັບທີມຊາດລາວແຂ່ງຂັນຢູ່ທີ່ສະໜາມ Natio nal Stadium (Kaohsiung City) CHINESE TAIPEI.

--------------------

 ໜັງສືພິມເສດຖະກິດ-ສັງຄົມ

แชร์