ດ່ານຂົວມິດຕະພາບ III ຄາດຈະເກັບລາຍຮັບໄດ້ລື່ນແຜນປີ 11,11 ຕື້ກີບ

  ຕະຫຼອດໄລຍະທີ່ຜ່ານມາດ່ານພາສີຂົວມິດຕະພາບ III ໄດ້ສຸມໃສ່ໃນການປະຕິບັດໜ້າທີ່ວຽກງານວິຊາສະເພາະເຮັດໃຫ້ການຈັດເກັບລາຍຮັບເຂົ້າງົບປະມານແຫ່ງລັດໂດຍສະເພາະໃນ 9 ເດືອນ ປີ 2019 ປະຕິບັດໄດ້ 200,8 ຕື້ກວ່າກີບ ເທົ່າກັບ113,53% ຂອງແຜນການ 9 ເດືອນ ຖ້າທຽບໃສ່ແຜນການປີເທົ່າກັບ 79,47% ແລະ ຄາດຄະເນໝົດປີ 2019 ຈະໄດ້ 104,40% ຄິດເປັນເງິນລື່ນແຜນປະມານ 11,117 ຕື້ກີບ.

  ທ່ານ ສົມຫວັງ ສົມຈິນດາ ຫົວໜ້າດ່ານພາສີຂົວມິດຕະພາບ III ແຂວງຄຳມ່ວນກ່າວວ່າ: ປີ 2019 ດ່ານໄດ້ຮັບຕົວເລກແຜນການເກັບລາຍຮັບ 252,70 ຕື້ກີບ ທຽບໃສ່ແຜນປີແລ້ວເພີ່ມຂຶ້ນ 5,73%ກວມອັດຕາສ່ວນ 21%ຂອງລາຍຮັບກອງຄຸ້ມຄອງພາສີ VIແລະສະເພາະຢູ່ແຂວງຄຳມ່ວນກວມລາຍຮັບປະມານ 63,54%.

 ຕະຫຼອດໄລຍະ 9 ເດືອນຜ່ານມາດ່ານພາສີຂົວມິດຕະພາບ III ໄດ້ສຸມໃສ່ໃນການປະຕິບັດໜ້າທີ່ວຽກງານຕາມຖືກມອບໝາຍ ແລະສາມາດປະຕິບັດໄດ້ 200,8 ຕື້ກີບ ເທົ່າກັບ 113,53% ຂອງແຜນການ 9 ເດືອນ, ຖ້າທຽບໃສ່ແຜນການປີປະຕິບັດໄດ້ 79,47% ທຽບໃສ່ໄລຍະດຽວຂອງປີ 2018 ເທົ່າກັບ 111,33%.

ລາຍຮັບສ່ວນໃຫຍ່ໄດ້ຈາກນໍ້າມັນເຊື້ອໄຟກວມລາຍຮັບຢູ່ 16,61%, ນໍາເຂົ້າ-ສົ່ງອອກກວມລາຍຮັບຢູ່ 54,25% ໃນນີ້, ເຄື່ອງດື່ມກະທິງແດງໄດ້ 38,40%, ງົວ-ຄວາຍໄດ້ 8,85%, ໝາກໄມ້ສົດໄດ້ 6,75%, ເຂົ້າສານ 0,22%, ສິນຄ້ານຳເຂົ້າພາຍໃນ10,25%, ທໍານຽມພາຫະນະເຂົ້າ-ອອກດ່ານ 6,85%, ທໍານຽມຜ່ານແດນສາກົນ 6,33%, ທຳນຽມຄັງແຮ 3,23 % ແລະອື່ນໆ.

 ທ່ານ ສົມຫວັງ ສົມຈິນດາ ຫົວໜ້າດ່ານພາສີຂົວມິດຕະພາບ III ເນັ້ນຕື່ມ ອີກວ່າ: ໃນອີກ 3 ເດືອນທ້າຍປີ 2019 ຈະສາມາດເກັບລາຍຮັບເຂົ້າງົບປະມານໄດ້ 62 ,98 ຕື້ກີບ ແລະ ຄາດຄະເນໝົດປີປະຕິບັດໄດ້ 263,817 ຕື້ກີບ ເທົ່າກັບ 104,40% ຄິດເປັນເງິນລື່ນແຜນການປີ 11,117 ຕື້ກີບພ້ອມດຽວກັນນີ້,ຄະນະດ່ານໄດ້ສຸມໃສ່ໃນການປະຕິບັດໜ້າທີ່ວຽກງານວິຊາສະເພາະ,ສືບຕໍ່ການຊີ້ນຳໆພາທາງດ້ານການເມືອງ-ແນວຄິດໃຫ້ອ້າຍນ້ອງພະນັກງານພາຍໃນດ່ານໃຫ້ເປັນປົກກະຕິ, ຄຸ້ມ

ຄອງການກວດກາ, ກວດການຕິດຕາມການປະຕິບັດວຽກງານວິຊາສະເພາະເປັນຕົ້ນການສະຫຼຸບລາຍງານຕ້ອງຊັດເຈນ, ທັນເວລາ, ເພື່ອເພີ່ມທະວີວຽກງານວິຊາສະ ເພາະໃຫ້ມີຄວາມ ເຂັ້ມງວດ, ປະຕິບັດຕາມລະບຽບກົດ ໝາຍ, ປະສານສົມທົບກັບຂະແໜງການ ທີ່ກ່ຽວຂ້ອງພາຍໃນດ່ານປັບປຸງແບບ ແຜນວິທີເຮັດວຽກວິຊາສະເພາະຢູ່ຕາມໜ່ວຍງານຕ່າງໆໃນການໃຫ້ການບໍລິ ການໃຫ້ມີຄວາມສະດວກວ່ອງໄວ້ທັງຮັບປະກັນຕໍ່ລະບຽບກົດໝາຍ, ເອົາໃຈໃສ່ປະຕິບັດລາຍງານຕົວເລກລາຍຮັບປະຈຳວັນ, ເດືອນ, ງວດ, ປີ.

------------------

​ຂຽນໂດຍ: ກະຊວງການເງິນ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์