7 ເຕັກນິກຊ່ວຍຖະໜອມດວງຕາເມື່ອຢູ່ໜ້າຈໍຄອມພິວເຕີ
ຮູ້ ຫຼື ບໍ່ວ່າການນັ່ງເຮັດວຽກຢູ່ໜ້າຈໍຄອມພິວເຕີຕິດຕໍ່ກັນວັນລະຫຼາຍຊົ່ວໂມງນອກຈາກຈະເຮັດໃຫ້ເກີດອາການປວດເມື່ອຍຕາມເນື້ອຕາມໂຕແລ້ວຍັງເຮັດໃຫ້ດວງຕາຂອງເຮົາອ່ອນລ້າ ແລະອາດເສື່ອມສະພາບໄດ້ເໝືອນກັນວັນນີ້ເຮົາໄດ້ລວບລວມຄຳແນະນຳດີໆມາໃຫ້ທ່ານຊາບ.
- ພັກສາຍຕາດ້ວຍການເບິ່ງໄກ: ໂດຍຫຼັກການແລ້ວເມື່ອນັ່ງເຮັດວຽກທີ່ຕ້ອງໃຊ້ສາຍຕາຢ່າງຕໍ່ເນື່ອງມາດົນເປັນຊົ່ວໂມງກໍຈຳເປັນຕ້ອງພັກສາຍຕາວິທີພັກສາຍຕາງ່າຍໆກໍຄືການແນມໄປໄກໆທີ່ປ່ອງຢ້ຽມແນມໄປຍັງວິວທິວທັດ ຫຼື ແນມໄປເບິ່ງພື້ນທີ່ສີຂຽວຢ່າແນມໄປເບິ່ງທ້ອງຟ້າ ຫຼື ແສງອາ ທິດເຮັດທຸກໆ 20 ນາທີ ໂດຍພັກຄັ້ງລະ 1-2 ນາທີ 2. ພັກສາຍຕາດ້ວຍການນັ່ງຫຼັບຕາ: ການນັ່ງຫຼັບຕາພັກຜ່ອນໃຫ້ສາຍຕາສະບາຍເປັນທາງເລືອກໃຫ້ທ່ານເຮັດທຸກ 20 ນາທີຫຼັບຕາຄ້າງໄວ້ຄັ້ງລະ 1-2 ນາທີ 3. ຕິດຕັ້ງຟິລເຕີໃຫ້ກັບອຸປະກອນໄອທີທຸກຊະນິດ: ເພາະແສງໜ້າຈໍຂອງອຸປະ ກອນໄອທີມີຄຶ້ນລັງສີທີ່ເປັນອັນຕະລາຍໂດຍສະເພາະຄື້ນແສງສີຟ້າດັ່ງນັ້ນທ່ານຄວນຕິດຕັ້ງຟິມກອງແສງສີຟ້າໃຫ້ກັບອຸປະກອນໄອທີທຸກຊະນິດບໍ່ວ່າຈະເປັນໜ້າຈໍຄອມພິວເຕີ, ສະມາດໂຟນ ແລະແທັບເລັດ 4.ຕັ້ງຄ່າຄວາມສະວ່າງຂອງໜ້າຈໍທີ່ເໝາະສົມ: ຄວນຕັ້ງຄ່າຄວາມສະວ່າງຂອງໜ້າຈໍທີ່ເໝາະສົມຖ້າຈະໃຫ້ດີຄວນຈະເລືອກແບບ Balance ທີ່ບໍ່ແຈ້ງເກີນໄປ ແລະບໍ່ມືດຈົນເກີນໄປ 5. ໃສ່ແວ່ນກອງແສງ: ແວ່ນກອງແສງຄຸນນະ ພາບດີບໍ່ພຽງແຕ່ຊ່ວຍກອງແສງສີຟ້າຈາກໜ້າຈໍອຸປະກອນໄອທີເທົ່ານັ້ນແຕ່ຍັງຊ່ວຍກອງແສງຢູວີອີກດ້ວຍຊຶ່ງຄື້ນລັງສີອັນຕະລາຍເຫຼົ່ານີ້ມີສ່ວນເຮັດໃຫ້ຕາຂອງທ່ານແຫ້ງເກີດສານພິດໃນດວງຕາຈົນເປັນສາເຫດຂອງໂລກຈໍປະສາດຕາເສື່ອມໄດ້ 6. ຈັດວາງໜ້າຈໍຄອມພິວເຕີໃນຕຳແໜ່ງທີ່ເໝາະສົມ: ການຈັດວາງຕຳແໜ່ງໜ້າຈໍຄອມພິວເຕີທີ່ເໝາະສົມຊຶ່ງໂດຍປົກກະຕິແລ້ວເຮົາຈະນັ່ງຢູ່ຫ່າງຈາກໜ້າຈໍຄອມພິວເຕີປະມານ 50 ຊັງຕິແມັດໂດຍໜ້າຈໍຈະອຽງໄປຂ້າງໜ້າຂອງຕົວທ່ານເປັນມູມກັບເສັ້ນໃນແນວດິ່ງປະມານ 10-15 ອົງສາ 7. ໄປພົບແພດເມື່ອພົບວ່າສາຍຕາຜິດ ປົກກະຕິ: ເມື່ອພົບວ່າສາຍຕາຂອງທ່ານຜິດປົກກະຕິເຊັ່ນຕາມົວເບິ່ງບໍ່ຊັດເຈນສາຍຕາພ້ຽນໄປຕາແຫ້ງມີຄວາມຮູ້ສຶກເໝືອນມີເສດຝຸ່ນຢູ່ຂ້າງໃນຕະຫຼອດເວລາ ຫຼື ມີຟອງນ້ຳລອຍໄປລອຍມາບໍ່ເຊົາຈັກເທື່ອທ່ານຕ້ອງໄປພົບແພດຕາເພື່ອຊ່ວຍກວດຄວາມຜິດປົກກະຕິທີ່ເກີດຂຶ້ນໄດ້ແລ້ວ ແລະນີ້ຄື 7 ເຄັດລັບດີໆໃນການດູແລດວງຕາຂອງທ່ານທີ່ຕ້ອງໃຊ້ສາຍຕາຫຼາຍໃນແຕ່ລະວັນໃຫ້ດວງຕາຂອງທ່ານມີສຸຂະພາບດີສາມາດເຮັດວຽກໄດ້ຢ່າງປົກກະຕິຢູ່ຄູ່ກັບທ່ານໄປດົນໆ.
