ວ້າວ ວາງສະແດງຮູບຖ່າຍຄອບຄົວທຸລະກິດຊື່ດັງໃນລາວ

  ວາລະສານວ້າວ WOW Magazine Society ໄດ້ຈັດງານວາງສະແດງຮູບຖ່າຍກ່ຽວກັບຄວາມຮັກ, ຄວາມອົບອຸຸ່ນຂອງຄອບຄົວນັກທຸລະກິດຊື່ດັງໃນລາວຊຶ່ງໄດ້ຈັດຂຶ້ນວັນທີ 5 ຕຸລາ 2019 ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໂດຍການເຂົ້າຮ່ວມ ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວ, ທ່ານ ສຸວັດເທດສາລີ ຜູ້ບໍລິຫານວາລະສານວ້າວ, ມີບັນດານັກທຸລະກິດ ແລະສະຖາບັນຄອບຄົວທີ່ໃຫ້ການສະໜັບສະໜູນເຂົ້າຮ່ວມຢ່າງຄຶກຄື້ນ.

 WOW MagazineSociety ເປັນປຶ້ມທີ່ໄດ້ລວບລວມຂໍ້ມູນໃຫ້ຄວາມຮູ້ກ່ຽວກັບບຸກຄົນສຳຄັນລະດັບແຖວໜ້າໃນວົງການບັນເທີງລາວພ້ອມທັງໄດ້ສ້າງຜົນງານໂດດເດັ່ນຕໍ່ຍອດເພື່ອປະກອບອາຊີບໃຫ້ມີຊື່ສຽງມາແລ້ວຫຼາຍໆຄົນເປັນຕົ້ນນາງແບບ,ນາຍແບບ, ນັກຮ້ອງ ແລະນັກອອກແບບທີ່ໄດ້ກ້າວຂຶ້ນເປັນອັນດັບຂອງລາວເພື່ອປະກອບສ່ວນຂະຫຍາຍວົງການໃຫ້ການພັດທະນາຂຶ້ນເລື້ອຍໆຈຶ່ງໄດ້ຈັດງານວາງສະແດງຮູບຖ່າຍພາຍໃຕ້ໂຄງການທີ່ມີຊື່ວ່າ “WOW ສ້າງຄວາມຮັກ,ຄວາມຜູກພັນ ແລະ ສ້າງ

 ສະຖາບັນຄອບຄົວໃນ ສປປ ລາວ” ຊຶ່ງທັງໝົດມີ 35 ຮູບຖ່າຍຂອງຄອບຄົວນັກທຸລະກິດຊື່ດັງໃນປະເທດລາວທີ່ໄດ້ລວມເອົາມານຳສະເໜີເລື່ອງລາວຄວາມຮັກຂອງພໍ່ ແມ່, ອ້າຍເອື້ອຍ ຫຼືຍາດຕິພີ່ນ້ອງພາຍໃນຄອບຄົວໃນເຄັດລັບການດຳລົງຊີວິດ ແລະດຳເນີນທຸລະກິດຊຶ່ງບັນດາບຸກຄົນເຫຼົ່ານີ້ຈະສອນຄະຕິຄວາມຮູ້ ແລະສ້າງຄວາມຄິດດີໆທີ່ສາ ມາດນຳມາໃຊ້ໄດ້ໃນການດຳເນີນຜ່ານພາບທີ່ຈະກ້າວຂຶ້ນປະສົບຄວາມສຳເລັດທັງໝົດນີ້ເປັນກິດຈະກຳດີໆທີ່ຈະຊ່ວຍຊຸກຍູ້ແລະປູກຈິດສຳນຶກໃຫ້ທຸກຄົນຄຳນຶງເຖິງຄວາມຮັກ, ຄວາມເຂົ້າໃຈຕໍ່ຄອບຄົວ.

 ນອກນັ້ນງານດັ່ງກ່າວຍັງມີກິດຈະກຳເດີນແບບຂອງບັນດາແຕ່ລະຄອບຄົວທີ່ມາພ້ອມຕື່ມເຕັມທຸກຮູບແບບຂອງ Exhibition ທີ່ຍິ່ງໃຫຍ່ທີ່ສຸດໃນລາວ ແລະເປັນໂຄງ ການທີ່ສ້າງແຮງບັນດານໃຈໃຫ້ແກ່ຜູ້ທີ່ກຳລັງສ້າງຄວາມຮັກ, ຄວາມຜູກພັນໃນຄອບຄົວທີ່ຕິດພັນກັບທຸລະກິດທີ່ຢຶດໝັ້ນການດຳເນີນຊີວິດເພື່ອໃຫ້ມີຄວາມສຳເລັດ.

----------------

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 09/10/2019