ຮ່ວມມືພັດທະນາຫ້ອງຮຽນສອງພາສາລາວ-ຝຣັ່ງ

ວັນທີ 3 ຕຸລາ 2019 ກະຊວງສຶກສາທິການ ແລະກີລາຮ່ວມກັບສະຖານທູດຝຣັ່ງປະຈຳລາວໄດ້ເຊັນສັນຍາໂຄງການຮັບປະກັນຄວາມຍືນຍົງຫ້ອງຮຽນສອງພາສາລາວ-ຝຣັ່ງ ໂດຍຕາງໜ້າລົງນາມໂດຍທ່ານນາງ ສີສຸກ ວົງວິຈິດ ຫົວໜ້າກົມສາມັນສຶກສາກະຊວງສຶກສາທິການ ແລະກີລາ ແລະທ່ານ ປາທຣິກ ໂກແອນ ທີປຶກສາວຽກງານຮ່ວມມື ແລະ ວັດທະນະທຳສະຖານທູດຝຣັັ່ງປະຈຳ ລາວບັນດາທ່ານພາກສ່ວນກ່ຽວຂ້ອງ ເຂົ້າຮ່ວມ.

  ການຮ່ວມມືຄັ້ງນີ້ເພື່ອແນໃສ່ເຄື່ອງມືການສິດສອນໃໝ່ໆ ໂດຍສະເພາະແມ່ນການຮຽນ-ການສອນວິຊາວິທະຍາສາດທຳມະຊາດ, ປຶ້ມແບບຮຽນ, ອຸປະກອນເຊື່ອມຕໍ່ອິນເຕີເນັດ, ການພັດທະນາດ້ານ ວິຊາສະເພາະ ແລະຍົກລະດັບການຝຶກ ອົບຮົມໃຫ້ແກ່ຄູສອນທີ່ມີຢູູ່ໃນປະຈຸບັນ ໂຄງການນີ້ບໍ່ພຽງແຕ່ເປັນການເລີ່ມຕົົ້ນໃໝ່ສຳລັບນັກຮຽນ ແລະ ການສະໜອງຊັບພະຍາກອນໃຫ້ແກ່ຄູສອນສາມັນສຶກສາທີ່ມີຢູູ່ເທົ່ານັ້ນແຕ່ຍັງມີນັກສຶກສາໃໝ່ຈໍານວນ 28 ຄົນ ຂອງຄະນະສຶກສາສາດ ມຊ ທີ່ຈະໄດ້ຮັບຜົນປະ ໂຫຍດຈາກໂຄງການດັັ່ງກ່າວໂດຍນັກສຶກສາຈໍານວນດັ່ງກ່າວແມ່ນຈະນຳບັນຈຸເຂົ້າເປັນຄູສອນວິຊາຄະນິດສາດ ແລະວິຊາວິທະຍາສາດທຳມະຊາດຢູູ່ຫ້ອງຮຽນສອງພາສາລາວ-ຝຣັັ່ງໃນອະນາຄົດ.

  ທ່ານ ນາງ ສີສຸກ ວົງວິຈິດ ກ່າວວ່າ: ນີ້ເປັນໂຄງການທີ່ດີສາມາດໄປສູ່ຄວາມສຳເລັດຫ້ອງຮຽນສອງພາສາລາວ-ຝຣັັ່ງເພາະວ່າເປັນໂຄງການທີ່ແນໃສ່ປັບປຸງວິທີການສິດສອນ ແລະ ປະກອບສ່ວນຊ່ວຍເຮັດໃຫ້ນັກຮຽນມີຜົນການຮຽນທີ່ດີຂຶ້ນກວ່າເກົ່າຫ້ອງ ຮຽນສອງພາສາໄດ້ຮັບການພັດທະນາມາເປັນເວລາ 20 ປີ ຈົນເຖິງປະຈຸບັນ ແລະໄດ້ຮັບການຈັດຕັ້ງການຮຽນ-ການສອນຢູູ່ໃນ 13 ໂຮງຮຽນລັດໃນຂອບ ເຂດທົ່ວປະເທດເຊັ່ນ: ນະຄອນຫຼວງວຽງຈັນ, ສະຫວັນນະເຂດ, ຈຳປາສັກ ແລະຫຼວງພະບາງປະຈຸບັນມີນັກຮຽນທັງໝົດ 3 ພັນກວ່າຄົນທີ່ຢູູ່ໃນໄວອາຍຸ 8-18 ປີທີ່ໄດ້ຮັບການຮຽນ-ການສອນພາສາຝຣັັ່ງແລະການຮຽນ-ການສອນວິຊາວິທະຍາສາດທຳມະຊາດ, ຄະນິດສາດ, ຟີຊິກສາດ, ເຄມີສາດ ແລະຊີວະສາດທີ່ເປັນພາສາຝຣັັ່ງ.

 ທ່ານ ປາທຣິກ ໂກແອນ ກ່າວອີກວ່າ: ໂຄງການນີ້ແມ່ນໄດ້ຮັບການສະໜັບສະໜູນຈາກສະຖານທູດຝຣັ່ງ ແລະສອດຄ່ອງກັບແຜນພັດທະນາຂອງລັດຖະບານລາວດ້ານຄຸນນະພາບການສຶກສາສາຍຫ້ອງຮຽນສອງພາສາລາວ-ຝຣັັ່ງ ແລະຖືວ່າເປັນຜົນສໍາເລັດໜຶ່ງຂອງລະບົບການສຶກສາພາກລັດຂອງກະຊວງສຶກສາທິການ ແລະກີລາເພື່ອ ເຮັດໃຫ້ສາຍຫ້ອງຮຽນສອງພາສາລາວ-ຝຣັັ່ງເປັນທີ່ນິຍົມຫຼາຍຂຶ້ນໃນກຸ່ມນັກຮຽນໂຄງນີ້ຊຶ່ງຈະເລີ່ມເປີດຮັບສະໝັກໃນເດືອນມັງກອນ 2020.

-----------------

ໜັງສືພິມເສດຖະກິດ-ສັງຄົມ

แชร์