ອັດຕາປືປະເມີນວຽກງານຄູ້ມຄອງປ່າປອ້ງກັນ

  ເມື່ອບໍ່ດົນມານີ້ ແຂວງອັດຕະປື ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດວຽກງານຄຸ້ມຄອງປ່າປ້ອງກັນໄລຍະຜ່ານມາຂຶ້ນທີ່ຫ້ອງປະຊຸມຂອງພະແນກກະສິກກຳ ແລະປ່າໄມ້ໂດຍການເປັນປະທານຂອງທ່ານ ສຸກສະໄໝຈັນທະມາດ ຮອງເຈົ້າແຂວງ ອັດຕະປື, ທ່ານ ບຸນເສີດ ເສດທິລາດຫົວໜ້າພະແນກກະສິກຳ ແລະປ່າໄມ້ແຂວງມີແຂກຖືກເຊີນເຂົ້າ ຮ່ວມຈາກພະແນກການທີ່ກ່ຽວ ຂ້ອງເຂົ້າຮ່ວມ.

ທ່ານ ເກດສະໜາປັນຕະຍານົນຜູ້ປະສານງານໂຄງການລາຍງານຄວາມຄືບໜ້າການຈັດຕັ້ງປະຕິບັດວຽກງານຄຸ້ມຄອງເຂື່ອນນ້ຳກົງເປັນຕົ້ນແມ່ນຈຸດປະສົງຂອງໂຄງການແມ່ນເລັງໃສ່ການຟື້ນຟູບູລະນະ ແລະປູກເສີມປ່າໄມ້ໃຫ້ ກາຍເປັນປ່າດົງຕືບໜາ,ປົກປັກຮັກສາແຫຼ່ງນໍ້າ,ປ້ອງກັນການເຊາະເຈື່ອນ, ປ້ອງກັນໄພທຳມະຊາດ, ຮັກສາສິ່ງແວດລ້ອມ ແລະ ຮັກສາຄຸນນະພາບຂອງດີນບໍລິ ເວນໂຄງການ, ເພື່ອສ້າງກົນໄກ ແລະມາດຕະການຄຸ້ມຄອງ,ປົກປັກຮັກສາ, ພັດທະນາ ແລະນໍາໃຊ້ປ່າໄມ້ ແລະທີ່ດິນປ່າໄມ້ຢູ່ເຂດ ໂຄງການໃຫ້ມີຄວາມຍືນຍົງ, ພ້ອມທັງກຳນົດຂອບເຂດ,ປັກຫຼັກໝາຍຂອບເຂດ ແລະສຳຫຼວດຈັດສັນເຂດປ່າໄມ້ໃນເຂດຂອງ ໂຄງການ,ສ້າງນິຕິກຳສະເພາະເພື່ອຄຸ້ມຄອງ ແລະປົກປັກຮັກສາເຂດໂຄງການໃຫ້ສອດຄ່ອງກັບສະພາບຕົວຈິງແຕ່ລະໄລຍະ, ໂຄງການນີ້ໄດ້ຮັບການສ້າງຂຶ້ນໃນປີ 2019 ດ້ວຍງົບປະມານ 465 ລ້ານກີບແລະໄດ້ຈ່າຍເຂົ້າໃສ່ບັນດາກິດຈະກຳຂອງໂຄງການ 274 ລ້ານກີບເຊັ່ນ:ປູກໄມ້ແລະສະໜອງເບ້ຍໄມ້ໃຫ້ປະຊາຊົນໃນ 4 ບ້ານຂອງ 2 ເມືອງຄື: ເມືອງສາ ມັກຄີໄຊ ແລະເມືອງພູວົງທີ່ນອນໃນເປົ້າໝາຍຂອງໂຄງການມີປະເພດເບ້ຍໄມ້ດູ່, ໄມ້ແຕ້, ໄມ້ຂະຍຸງ ແລະໄມ້ແຄນທັງໝົດ 18 ພັນ ກວ່າເບ້ຍມີ 67 ຄອບຄົວທີ່ໄດ້ຮັບຜົນປະໂຫຍດປູກໃນເນື້ອທີ່ 38 ກວ່າເຮັກຕາເຮັກຕາ.

ຜ່ານການຈັດຕັ້ງປະຕິບັດກິດຈະກຳເຫັນໃດ້ວ່າການມີສ່ວນຮ່ວມ ຂອງທຸກພາກສ່ວນນັບແຕ່ຂັ້ນ ແຂວງຈົນຮອດຮາກຖານທ້ອງຖິ່ນບ້ານມີຄວາມຕື່ນຕົວເອົາໃຈໃສ່ ເປັນຢ່າງດີເຊິ່ງເຂົາເຈົ້າສາມາດເຂົ້າໃຈຕໍ່ວຽກງານການຟື້ນຟູປ່າ ໄມ້ເພາະຕົ້ນໄມ້ຊ່ວຍປັບປຸງຄຸນນະພາບສິ່ງແວດລ້ອມຫຼາຍຢ່າງເປັນຕົ້ນແມ່ນ: ການຊ່ວຍຫຼຸດຜ່ອນຄວາມຮ້ອນຂອງອາກາດ,ເພີ່ມປະລິມານນໍ້າຝົນ,ປົກປັກຮັກສາການເຊາະເຈື່ອນຂອງດິນ ແລະ ຮັກສາລະດັບນໍ້າໄຕ້ດິນ, ເປັນກຳ ແພງປ້ອງກັນລົມ.ເປັນຖິ່ນທີ່ຢູ່ອາໄສຂອງສັດປ່ານາໆຊະນິດ,ຕະຫຼອດຮອດສິ່ງປຸກສ້າງບ້ານເຮືອນ, ເຄື່ອງໃຊ້ຂອງສອຍຕ່າງໆ ລວມທັງເປັນອາຫານ-ຢາປົວພະຍາດ ແລະອື່ນໆ.

ການຈັດຕັ້ງປະຕິບັດໂຄງການປູກໄມ້ ເພື່ອຟື້ນຟູປ່າໄມ້ຍັງຈະກາຍ ເປັນໂອກາດໃນການສະໜອງວຽກ ເຮັດງານທຳ ແລະສ້າງລາຍຮັບສຳລັບປະຊາຊົນ, ໂດຍສະເພາະຜູ້ທີ່ອາໄສຢູ່ອ້ອມຂ້າງປ່າໄມ້ດັ່ງກ່າວ ຊຶ່ງລາຍຮັບດັ່ງກ່າວຈະໄດ້ມາຈາກ ການຈັດຕັ້ງປະຕິບັດກິດຈະກຳຂອງໂຄງການເປັນຕົ້ນແມ່ນການບຸກເບີກເນື້ອທີ່,ການປູກຕົ້ນໄມ້ ແລະ ການບົວລະບັດຮັກສາຕົ້ນໄມ້ທີ່ປູກນອກນັ້ນການປູກໄມ້ຍັງເປັນການປະກອບສ່ວນເຂົ້າໃນການປັບປຸງຄຸນນະພາບສິ່ງແວດລ້ອມໃຫ້ດີຂຶ້ນ ແລະຍັງເປັນການປະກອບສ່ວນຈັດຕັ້ງປະຕິບັດຍຸດທະສາດທີ່ສຳຄັນຫຼາຍຢ່າງຢູ່ໃນລະດັບຊາດ ແລະລະດັບທ້ອງຖິ່ນໃຫ້ປະກົດຜົນເປັນຈິງ ເປັນຕົ້ນແມ່ນ:ຍຸດທະສາດໃນການເພີ່ມເນື້ອທີ່ປົກຫຸ້ມ ຂອງປ່າໄມ້ໃນໃນປີ 2020 ທົ່ວປະເທດໃຫ້ໃດ້ 70% ແລະໃນທົ່ວ ແຂວງອັດຕະປື 75%.

----------------------

ໜັງສືພິມເສດຖະກິດ-ສັງຄົມ

แชร์