ສ.ເກົາຫຼີ ກຳຈັດໝູ 110.000 ໂຕ ສະກັດກັ້ນໄຂ້ຫວັດໝູອາຟຣິກາ

  ທາງການ ສ.ເກົາຫຼີ ຢືນຢັນພົບການແຜ່ລະບາດຂອງພະຍາດໄຂ້ຫວັດໝູອາຟຣິກາ (ເອເອສເອຟ) ໃນຟາມຢ່າງໜ້ອຍ 13 ແຫ່ງນັບຕັ້ງແຕ່ໄລຍະກາງເດືອນກັນຍາທີ່ຜ່ານມາ ແລະຈຳເປັນຕ້ອງກຳຈັດໝູ 110.000 ໂຕ.

ຕາມຂ່າວຕ່າງປະເທດລາຍງານວ່າກະຊວງກະສິກຳຂອງ ສ.ເກົາຫຼີອອກຖະແຫຼງການໃນທ້າຍອາທິດທີ່ຜ່ານມາເລື່ອງການພົບຟາມລ້ຽງໝູທີ່ມີການແຜ່ເຊື້ອຂອງພະຍາດໄຂ້ຫວັດໝູອາຟຣິກາເພີ່ມເປັນຢ່າງໜ້ອຍ 13 ແຫ່ງ ແລ້ວນັບຕັ້ງແຕ່ວັນທີ 17 ກັນຍາທີ່ຜ່ານມາສົ່ງຜົນເຮັດໃຫ້ເຈົ້າໜ້າທີ່ ສ.ເກົາຫຼີ ສັ່ງກຳຈັດໝູຈຳນວນ 110.000 ໂຕ ເພື່ອສະກັດກັ້ນການແຜ່ລະບາດເຊື້ອພະຍາດໄຂ້ຫວັດໝູອາຟຣິກາທີ່ກວດພົບ 11 ກໍລະນີໃນໄລຍະ2 ອາທິດຜ່ານມາ ກວມເອົາເກືອບ 1% ຂອງຈຳນວນໝູທັງໝົດ ທີ່ລ້ຽງພາຍໃນປະເທດ ໂດຍສະເພາະໃນເມືອງ ພາຈູ ແຂວງຢອງກີທາງຕາເວັນຕົກສຽງເໜືອຂອງປະເທດ ແລະບໍລິເວນຕາເວັນອອກຂອງ ແຂວງຄັງວອນຊຶ່ງທັງສອງແຂວງມີຊາຍແດນ ຕິດກັບ ສປປ ເກົາຫຼີ.

 ນອກນີ້ ຍັງສັ່ງປິດພື້ນທີ່ຫ້າມເຄື່ອນຍ້າຍໝູ ເຂົ້າອອກໃນພື້ນທີ່ເກີດການແຜ່ລະບາດ ແລະເຂດທີ່ສ່ຽງໄດ້ຮັບຜົນກະທົບຢ່າງຮີບດ່ວນ.

----------

ໜັງສືພິມເສດຖະກິດ-ສັງຄົມ

 

แชร์