ມາເລເຊຍກຽມເປີດໂຕຕຶກສູງສຸດໃນອາຊຽນ

  Exchange 106 ຂອງມາເລເຊຍຈະກາຍເປັນຕຶກສູງທີ່ສຸດໃນອາຊຽນ ແລະລົ້ມແຊ໋ມຕຶກປີໂຕຣນາດດ້ວຍຄວາມສູງ 492 ແມັດ.ຕາມຂ່າວຕ່າງປະເທດລາຍງານວ່າ ໂຄງການ Exchange 106 ອາຄານສູງທີ່ສຸດຂອງມາເລເຊຍກຳລັງຈະສ້າງສຳເລັດໃນໄວໆນີ້ຊຶ່ງຕຶກດັ່ງກ່າວໄດ້ລົ້ມແຊ໋ມຄວາມສູງຂອງຕຶກແຝດປີໂຕຣນາດ ຊຶ່ງມີຄວາມສູງ 452 ແມັດ ເປັນທີ່ຮຽບຮ້ອຍ ແລະກຽມຂຶ້ນເປັນຕຶກສູງທີ່ສຸດໃນອາຊຽນແຊງໜ້າອາຄານ Landmark 81 ຊຶ່ງເປັນໂຄງການຕຶກສູງ 469,5 ແມັດຂອງ ສສ ຫວຽດນາມ, ລາຍງານລະບຸວ່າ Exchange 106 ເປັນໂຄງການພັດທະນາອະສັງຫາລິມະຊັບໃນເຂດ Tun Razak Exchange ຊຶ່ງເປັນໂຄງການພັດທະນາເຂດເສດຖະກິດເກີດໃໝ່ “New CBD” ຂອງນະຄອນຫຼວງກົວລາລຳເປີ, ສຳລັບຕຶກ Exchange 106 ແຫ່ງນີ້ມີຄວາມສູງທັງໝົດ 492 ແມັດ ປະກອບດ້ວຍ 106 ຊັ້ນ ພາຍໃນແບ່ງເປັນພື້ນທີ່ໃຫ້ເຊົ່າສຳລັບສຳນັກງານທັງໝົດ 4,9 ລ້ານຕາລາງ ຟຸດຂະນະນີ້ຖືກເຊົ່າໄປເກືອບໝົດແລ້ວ.

ໂຄງການ  Exchange 106 ເປັນການຮ່ວມທຶນກັນລະຫວ່າງ Mulia Property Development ນັກພັດທະນາການອະສັງຫາລິມະຊັບສັນຊາດອິນໂດເນເຊຍກັບກະຊວງການເງິນມາເລເຊຍ ໂດຍຄາດວ່າຈະສາມາດ ເປີດຢ່າງເປັນທາງການໄດ້ພາຍໃນປີໜ້າ.

-------------------------------------

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

แชร์