9 ເດືອນ ໄຊຍະບູລີ ສ້າງຄອບຄົວ ວັດທະນະທໍາລື່ນແຜນ 872 ຄອບຄົວ

ໃນໄລຍະ 9 ເດືອນຜ່ານມານີ້ຂະແໜງວັດທະນະທໍາແຂວງ ໄຊຍະບູລີ ສາມາດສ້າງບ້ານວັດທະນະທໍາໄດ້ 6 ບ້ານ ທຽບໃສ່ ແຜນານປີປະຕິບັດໄດ້ 42,85% ແລະສ້າງຄອບຄົວວັດທະນະທໍາໄດ້ 2.382 ຄອບຄົວ ທຽບໃສ່ແຜນ ການປີປະຕິບັດໄດ້ລື່ນຄາດໝາຍ 872 ຄອບຄົວ, ພິເສດຍັງໄດ້ສ້າງ ກົມກອງວັດທະນະທໍາໃນທົ່ວແຂວງ ໄດ້ທັງໝົດ 45 ກົມກອງ.

ອີງຕາມຂໍ້ມູນຈາກພະແນກຖະແຫຼງຂ່າວວັດທະນະທໍາ ແລະ ທ່ອງທ່ຽວແຂວງໄຊຍະບູລີ ໃຫ້ຮູ້ ວ່າ: ວຽກງານການສ້າງຄົນ, ຄອບ ຄົວ, ບ້ານ, ກຸ່ມບ້ານ, ກົມກອງວັດທະນະທໍາແມ່ນອີງໃສ່ 5 ມາດຖານເງື່ອນໄຂຂອງຄອບຄົວວັດທະນະທໍາເຊັ່ນ:ຕ້ອງມີເຮືອນຢູ່ ເປັນຂອງຕົນເອງແຕ່ເຄິ່ງຖາວອນ ຂຶ້ນໄປ, ມີອາຊີບໝັ້ນທ່ຽງຖືກຕ້ອງຕາມກົດໝາຍ ແລະກຸ້ມກິນຕ້ອງເປັນຄອບຄົວສາມັກຄີຖືກຕ້ອງປອງດອງກັນສະເໝີພາບ ແລະບໍ່ສ້າງຄວາມຫຍຸ້ງຍາກໃຫ້ແກ່ອໍານາດການປົກຄອງ, ຕ້ອງເອົາໃຈ ໃສ່ລ້ຽງລູກໃຫ້ຖືກຫຼັກອະນາໄມອົບຮົມສັ່ງສອນລູກເປັນຄົນມີຄວາມກະຕັນຍູຕໍ່ຜູ້ມີພະຄຸນ ແລະສົ່ງລູກໃຫ້ໄດ້ສຶກສາຮໍ່າຮຽນ; ຕ້ອງເປັນ ຄອບຄົວທີ່ດໍາລົງຊີວິດປອດໃສ ຂາວສະອາດບໍ່ເຊື່ອຖືງົມງວາຍ, ຮັກສາວັດທະນະທໍາຮີດຄອງປະເພນີອັນດີງາມຂອງຊາດ ແລະນັບຖືລະບຽບກົດໝາຍ; ຕ້ອງເປັນຄອບຄົວທີ່ມີຄວາມສາມັກຄີຊ່ວຍເຫຼືອເພື່ອແຜ່ເຊິ່ງກັນ ແລະກັນພາຍໃນບ້ານປະກອບສ່ວນສາທາລະນະປະໂຫຍດຂອງບ້ານເມືອງ, ໂດຍໃນປີ 2019 ນີ້ ໄດ້ກໍານົດການ ສ້າງບ້ານວັດທະນະທໍາບໍ່ໃຫ້ຫຼຸດ 14 ບ້ານ, ຄອບຄົວວັດທະນະທໍາ 1.500 ຄອບຄົວ ແລະກົມກອງວັດທະນະທໍາໃຫ້ໄດ້ 19 ກົມກອງ.

ຜ່ານການຈັດຕັ້ງປະຕິບັດສ້າງ ຄອບຄົວ ແລະບ້ານວັດທະນະທໍາ ໃນ 9 ເດືອນຜ່ານມານີ້ທົ່ວແຂວງ ສາມາດສ້າງບ້ານວັດທະນະທໍາໄດ້ 6 ບ້ານ ທຽບໃສ່ແຜນການປີປະຕິບັດໄດ້ 42,85%,ສ້າງຄອບຄົວວັດທະນະທໍາໄດ້ 2.382 ຄອບຄົວປະຕິບັດໄດ້ລື່ນຄາດໝາຍ 872 ຄອບຄົວ, ພິເສດຍັງໄດ້ສ້າງກົມກອງວັດທະນະທໍາໃນທົ່ວແຂວງໄດ້ທັງ ໝົດ 45 ກົມກອງ; ປະຈຸບັນທົ່ວ ແຂວງມີບ້ານວັດທະນະທໍາທັງໝົດ 373 ບ້ານເທົ່າກັບ 86,95% ແລະຄອບຄົວວັດທະນະທໍາ 66.992 ຄອບຄົວເທົ່າກັບ 85,4%.

------------------

ໜັງສືພິມເສດຖະກິດ-ສັງຄົມ    

 

แชร์