ສະຫຼອງວັນສະຖາບັນຂົງຈືໂລກ ຄົບຮອບ 15 ປີ

 

 ວັນທີ 2 ຕຸລາ ຜ່ານມາທີ່ສະຖາບັນຂົງຈື ໄດ້ຈັດພິທີສະເຫຼີມສະຫຼອງວັນສະຖາບັນຂົງຈືໂລກຄົບຮອບ 15 ປີ ພາຍໃຕ້ຫົວຂໍ້ “ຮັດແໜ້ນສາຍສຳພັນເຊື່ອມຕໍ່ຄວາມຝັນ” ສະຫຼຸບສົກຮຽນ 2018-2019 ແລະເປີດສົກຮຽນໃໝ່ 2019-2020 ຂອງສະຖາບັນຂົງ ຈື ໂດຍມີທ່ານ ອຸດົມ ພອນຄຳເພັງຮອງອະທິການບໍດີມະຫາວິທະຍາໄລແຫ່ງຊາດ (ມຊ), ທ່ານ ນາງ ຍອນວິໄລ ໄຊຍະເລີດ ວ່າການຜູ້ ອຳນວຍການສະຖາບັນຂົງຈື ພ້ອມ ດ້ວຍຄູ-ອາຈານ ແລະນັກສຶກສາ ເຂົ້າຮ່ວມ.

 ສົກຮຽນ  2018-2019  ສະຖາ ບັນຂົງຈື ມຊ ໄດ້ເອົາໃຈໃສ່ຊີ້ນຳ-ນຳພາຢ່າງໃກ້ຊິດເພື່ອປະຕິບັດຫຼັກສູດການຮຽນ-ການສອນ ໃຫ້ໄດ້ຕາມຄາດໝາຍຮັບປະກັນດ້ານຄຸນນະພາບ ໂດຍເນັ້ນໃສ່ການປັບປຸງ ຫຼັກສູດໃຫ້ແທດເໝາະກັບຄວາມ ຕ້ອງການຂອງສັງຄົມ, ນອກຈາກ ຝຶກອົບຮົມພາສາຈີນຢູ່ສະຖາບັນ ຍັງໄດ້ສ້າງຫ້ອງຮຽນ

ຂົງຈື ຢູ່ໂຮງຮຽນມັດທະຍົມຄື: ມສ ສາທິດ, ມສ ວຽງຈັນ, ມສ ຊົນເຜົ່າວັງວຽງ, ສະຖາບັນການເມືອງ ແລະການປົກຄອງແຫ່ງຊາດ ແລະ ຫ້ອງວ່າການປົກຄອງນະຄອນ ຫຼວງ ມີນັກຮຽນ 1.463 ຄົນ, ເປັນສູນບຳລຸງພາສາຈີນໃຫ້ໂຮງຮຽນມັດທະຍົມມີຜູ້ເຂົ້າຮ່ວມ 54 ຄົນ ຊອກແຫຼ່ງທຶນໃຫ້ຄູສອນໄປຝຶກອົບຮົມຢູ່ຈີນ 22 ຄົນ, ຜູ້ດ້ອຍໂອກາດແຕ່ຮຽນ ດີຮຽນເກ່ງ 141 ຄົນ ແລະເປັນ ສູນສອບເສັງທຽບລະດັບພາສາຈີນມີນັກຮຽນເຂົ້າຮ່ວມ 2.376 ຄົນ.

 

---------------

 ໜັງສືພິມເສດຖະກິດ-ສັງຄົມ    

แชร์