ແລ່ນຊຸບເປີມິນິມາລາທອນຈະຈັດຂຶ້ນທ້າຍເດືອນນີ້

   ວາລະສານຂວັນໃຈອອນລາຍ,ສະມາຄົມນັກທຸລະກິດຍິງ ຮ່ວມກັບສະຫະພັນແລ່ນ-ລານແຫ່ງຊາດລາວຈະຈັດງານແລ່ນຊຸບເປີມິນິມາລາທອນ (RUN FORHER 2019) ແລ່ນເພື່ອຜູ້ຍິງປູກຈິດສຳນຶກໃຫ້ສັງຄົມເຫັນຄວາມສຳຄັນ ແລະຮ່ວມກັນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະເດັກນ້ອຍຊຶ່ງຈະມີຂຶ້ນໃນວັນທີ 27 ຕຸລານີ້ທີ່ເດີ່ນພະທາດຫຼວງ ວຽງຈັນ.

ພິທີຖະແຫຼງຂ່າວກຽມຈັດງານ ຊຸບເປີມິນິມາລາທອນ ໄດ້ຈັດຂຶ້ນ ໃນວັນທີ 2 ຕຸລາ 2019 ທີ່ນະຄອນຫຼວງວຽງຈັນ ໂດຍມີທ່ານ ຈັນດີ ພົມມະບຸດປະທານສະຫະພັນກີລາແລ່ນ-ລານແຫ່ງຊາດ, ທ່ານ ນາງ ເກດສະຫວັນ ປັນຍາ ທິບ ຮອງຜູ້ອໍານວຍການສ້າງວາລະສານຂວັນໃຈອອນລາຍ, ທ່ານ ນາງ ຈັນທະຈອນ ວົງໄຊ ປະທານ ສະມາຄົມນັກທຸລະກິດແມ່ຍິງລາວ, ມີບັນດາບໍລິສັດຫ້າງຮ້ານທີ່ໃຫ້ ການສະໜັບສະໜູນ, ນັກກີລາ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ຈັນດີ ພົມມະບຸດ ກ່າວວ່າ:ການຈັດງານແລ່ນຊຸບເປີມິນິ ມາລາທອນຄັ້ງນີ້, ໄດ້ແບ່ງອອກ ເປັນ 3 ປະເພດຄື:ຊຸບເປີມິນິມາລາທອນ  15  ກິໂລແມັດ  ປະກອບມີ ລຸ້ນອາຍຸ 16-29 ປີ, ລຸ້ນອາຍຸ 30-39 ປີ, ລຸ້ນອາຍຸ 40-49 ປີ ແລະ50 ປີຂຶ້ນໄປ; ມິນິມາລາທອນ 10 ກິໂລແມັດ ປະກອບມີລຸ້ນອາຍຸ 16-29  ປີ, ລຸ້ນອາຍຸ 30-39 ປີ, ລຸ້ນອາຍຸ 40-49 ປີ ແລະ50 ປີຂຶ້ນໄປ; ສ່ວນແລ່ນເພື່ອສຸຂະພາບ 5 ກິໂລແມັດ ບໍ່ຈຳກັດອາຍຸ, ສໍາລັບຜູ້ຊະນະເລີດອັນດັບທີ 1-5 ຂອງແຕ່ລະ ລຸ້ນແມ່ນຈະໄດ້ຮັບເງິນສົດພ້ອມ ຂອງລາງວັນອື່ນໆ.

ທ່ານ ນາງ ເກດສະຫວັນປັນຍາທິບ ໃຫ້ຮູ້ວ່າ:ການຈັດງານ ແລ່ນຊຸບເປີມິນິມາລາທອນໃນປີນີ້ ໄດ້ຮັບຄວາມສົນໃຈຈາກສັງຄົມຫຼາຍພໍສົມຄວນຊຶ່ງປະຈຸບັນມີຄົນ ເຂົາມາລົງທະບຽນ ແລ້ວຫຼາຍກວ່າ 1 ພັນຄົນ ແລະຄາດວ່າພາຍໃນ ງານຈະມີຄົນເຂົ້າຮ່ວມງານແຂ່ງ ຂັນ 2 ພັນຄົນ,ຊຶ່ງຄະນະຈັດງານໄດ້ກະກຽມຄວາມພ້ອມໃນຫຼາຍໆ ດ້ານເປັນຕົ້ນແມ່ນການຮັກສາ ຄວາມປອດໄພ,ການຈາລະຈອນ ແລະອື່ນໆ,ສໍາລັບທ່ານໃດທີ່ສົນໃຈເຂົ້າຮ່ວມງານສາມາດລົງທະບຽນໄດ້ທີ່ຕຶກເຄແອນຊີບ້ານສິສະຫວາດ ຈັນທະບູລີ (ຫຼັງ ມສ ວຽງຈັນ) ຫຼື ສາມາດສະໝັກແບບ ອອນລາຍໄດ້ທີ່ https.//register.runforherla.

______________

ໜັງສືພິມເສດຖະກິດ-ສັງຄົມ

แชร์