ເຊກອງ-ດາໜັງຕີລາຄາຜົນການຮ່ວມມືຮອບດ້ານ

  ເມື່ອວັນທີ 1 ຕຸລານີ້ ຄະນະຜູ້ແທນຂັ້ນສູງນະຄອນດາໜັງ ສສ ຫວຽດນາມນໍາໂດຍທ່ານ ເຈືອງກວາງ ເຫງ້ຍ ກໍາມະການສູນກາງພັກກອມມູນິຫວຽດນາມ, ເລຂາຄະນະພັກນະຄອນດາໜັງ ໄດ້ເຂົ້າຮ່ວມກອງປະຊຸມປະຈໍາປີ 2019 ລະຫວ່າງຄະນະນໍາຂັ້ນສູງ ແຂວງເຊກອງ ແລະຄະນະຜູ້ແທນຂັ້ນສູງນະຄອນດາໜັງທີ່ແຂວງ ເຊກອງຊຶ່ງໄດ້ຮັບການຕ້ອນຮັບຈາກທ່ານ ຄໍາເຜີຍ ບຸດດາວຽງ ກຳມະການສູນກາງພັກປະຊາຊົນ ປະຕິວັດລາວ, ເລຂາພັກແຂວງ, ເຈົ້າແຂວງເຊກອງພ້ອມຄະນະຢ່າງອົບອຸ່ນ ແລະສົມກຽດ.

ໃນວາລະກອງປະຊຸມຄະນະຜູ້ ແທນຂັ້ນສູງທັງສອງຝ່າຍໄດ້ສະ ຫຼຸບຕີລາຄາຜົນສໍາເລັດການຈັດ ຕັ້ງປະຕິບັດເນື້ອໃນບົດບັນທຶກການຮ່ວມມືຮອບດ້ານລະຫວ່າງສອງ ແຂວງເຊກອງ-ດາໜັງ ໄລຍະປີ 2017-2019 ແລະທິດທາງແຜນ ການໃນຕໍ່ໜ້າ, ຊຶ່ງທ່ານ ເຫຼັກໄຫຼ ສີວິໄລ ຮອງເຈົ້າແຂວງເຊກອງ ໃຫ້ຮູ້ວ່າ: ການພົວພັນຮ່ວມມືລະຫວ່າງສອງແຂວງມີການພັດທະນາຢ່າງຕໍ່ເນື່ອງ ໂດຍສະເພາະດ້ານວັດທະນະທໍາສັງຄົມ, ດ້ານ ເສດຖະກິດ, ການລົງທຶນ ແລະກໍ່ສ້າງພື້ນຖານໂຄງລ່າງ, ພິເສດແມ່ນບັນດາໂຄງການກໍ່ສ້າງເສັ້ນທາງ ຄົມມະນາຄົມ, ໂຄງການພັດທະນາກະສິກໍາເປັນຕົ້ນ: ການປູກ- ການລ້ຽງ ແລະພັດທະນາການ ທ່ອງທ່ຽວ, ນອກນີ້ຍັງຊ່ວຍໃນດ້ານການພົວພັນຮ່ວມມືກ່ຽວກັບວຽກງານປ້ອງກັນຊາດ-ປ້ອງກັນຄວາມສະຫງົບຕື່ມອີກ, ສໍາລັບ ແຜນການຕໍ່ໜ້າທັງສອງຝ່າຍຈະສືບຕໍ່ຮັກສາ ແລະເສີມຂະຫຍາຍມູນເຊື້ອສາຍພົວພັນມິດຕະພາບ, ຄວາມສາມັກຄີພິເສດອັນດີງາມລະຫວ່າງສອງຊາດລາວ-ຫວຽດນາມເວົ້າລວມ, ເວົ້າສະເພາະເຊ ກອງ-ດາໜັງໃຫ້ນັບມື້ພັດທະນາ ຂຶ້ນເລື້ອຍໆ.

ນອກຈາກນີ້ ຄະນະຜູ້ແທນທັງ ສອງຝ່າຍ ໄດ້ຜັດປ່ຽນກັນແລກ ປ່ຽນຄໍາຄິດເຫັນ ຊຶ່ງແຂວງເຊ ກອງໄດ້ສະເໜີໃນຕໍ່ໜ້າໃຫ້ຊ່ວຍຮັບຊື້ຜົນຜະລິດຕະພັນກະສິກໍາຂອງ ແຂວງເຊກອງ ໃນລາຄາທີ່ເໝາະສົມ, ຊ່ວຍສົ່ງເສີມດ້ານລົງທຶນການທ່ອງທ່ຽວ ແລະໃຫ້ຊ່ວຍພິຈາລະນາສ້າງຊັບພະຍາກອນມະນຸດລະດັບປະລິນຍາເອກສາຍສຶກສາ (ຄູ),ກະສິກໍາ ແລະແພດສາດ; ບົດບັນທຶກຮ່ວມມືໃນຊຸມປີຕໍ່ໜ້າ ແລະສະເໜີໃຫ້ສອງແຂວງສືບຕໍ່ຄົ້ນຄວ້າເພີ່ມທຶນຈາກ 18 ທຶນຕໍ່ປີ ເປັນ 30 ທຶນຕໍ່ປີ ແລະການສະໜອງທຶນຜ່ານມາເຫັນວ່າມີທຶນ 50% ແລະຂໍໃຫ້ນະຄອນດາໜັງຊ່ວຍເປັນທຶນ 100% ທັງໝົດ, ຊຶ່ງຝ່າຍນະຄອນດາໜັງກ່າວວ່າຈະພະຍາຍາມໃຫ້ໄດ້ຈັດກອງປະຊຸມ ເພື່ອຊຸກຍູ້ນັກລົງທຶນຈາກ ສສ ຫຽດນາມມາລົງທຶນຢູ່ແຂວງເຊກອງໃຫ້ຫຼາຍຂຶ້ນ, ພ້ອມທັງສະເໜີໃຫ້ພາກສ່ວນທີ່ກ່ຽວຂ້ອງໃຫ້ຄິດໄລ່ມູນຄ່າການກໍ່ສ້າງຫໍສະໝຸດຢູ່ ໂຮງຮຽນການເມືອງການປົກຄອງ ແຂວງເຊກອງ ເພື່ອສະເໜີຂໍທຶນຊ່ວຍເຫຼືອໃນຕໍ່ໜ້າ.

ນອກນີ້ຄະນະຜູ້ແທນທັງສອງຝ່າຍໄດ້ເຂົ້າຢ້ຽມຢາມຄອບຄົວ ຂອງທ່ານ ໂບເຍີນ ເລຫວຽດ ມ່ວງ ອະດີດກໍາມະການສູນກາງ ພັກ, ອະດີດເລຂາພັກແຂວງ, ເຈົ້າ ແຂວງ-ແຂວງເຊກອງ ໃນເມື່ອ ກ່ອນຕື່ມອີກ.

-----------------

ໜັງສືພິມເສດຖະກິດ-ສັງຄົມ

 

แชร์