ເອຊີລີດາ ຈັບມືນໍ້າປະປາເພື່ອຮັບຊຳລະຄ່ານໍ້າ

  ໃນວັນທີ 20 ກັນຍາ 2019, ທີ່ສຳນັງານໃຫຍ່ຂອງທະນາຄານເອຊີລີດາ ລາວ ຈຳກັດ ໄດ້ຈັດພິທີລົງນາມການຮ່ວມມືລະຫວ່າງທະນາຄານເອຊີລີດາ ລາວ ຈຳກັດ ແລະ ລັດວິສາຫະກິດນໍ້າປະປານະຄອນຫຼວງວຽງຈັນວ່າດ້ວຍການໃຫ້ບໍລິການຊຳລະຄ່ານໍ້າປະປາຜ່ານລະບົບຂອງທະນາຄານເອຊີລີດາ ລາວ ຈຳກັດ.

 ການລົງນາມຄັ້ງນີ້ໂດຍ ທ່ານ ດຣ ຮາຍສະວາຍ ຜູ້ອຳນວຍການໃຫຍ່ທະນາຄານເອຊີລີດາລາວ ຈຳກັດ ແລະ ທ່ານ ນາງ ເພື່ອນແສງ ໄຊນາຄຳ ຄະນະອຳນວຍການລັດວິສາຫະກິດນໍ້າປະປານະຄອນຫຼວງວຽງຈັນ, ໂດຍຄະນະຜູ້ບໍລິຫານທັງສອງຝ່າຍພ້ອມດ້ວຍພະນັກງານ ແລະ ສື່ມວນຊົນຈາກຫຼາຍພາກສ່ວນກໍໄດ້ເຂົ້າຮ່ວມເປັນສັກຂີພິ ຍານນຳ.

  ປະຈຸບັນ, ທະນາຄານເອຊີລີດາ ໃຫ້ບໍລິການຊຳລະຄ່າສາທາລະນຸປະໂພກຮ່ວມກັບຫຼາຍພາກສ່ວນຜ່ານປ່ອງບໍລິການ ແລະແອັບເອຊີລີດາທັນໃຈສຳລັບຄ່ານໍ້າປະປາກໍ່ສາ ມາດຊຳລະຜ່ານທັງປ່ອງບໍລິການ ແລະແອັບເອຊີລີດາທັນໃຈໄດ້ເຊັ່ນດຽວກັນສັນຍາວ່າດ້ວຍການຮ່ວມມືການຊຳລະຜ່ານລະບົບທະນາຄານເອຊີລີດາ ດັ່ງກ່າວນີ້ແມ່ນເພື່ອເພີ່ມຊ່ອງທາງການໃຫ້ບໍລິການລູກຄ້າທີ່ຊົມໃຊ້ນໍ້າປະປາໃນຂອບເຂດນະຄອນຫຼວງວຽງຈັນ ໂດຍທະນາຄານເອຊີລີດາ ຈະໃຫ້ການບໍລິການຮັບຊຳລະຜ່ານປ່ອງບໍລິການແລະ ແອັບເອຊີລີດາທັນໃຈ.

 ໂອກາດດັ່ງກ່າວ ທ່ານ ດຣ ຮາຍ ສະວາຍ ໄດ້ກ່າວສະແດງຄວາມຂອບໃຈມາຍັງລູກຄ້າທຸກໆທ່ານທີ່ນຳໃຊ້ຜະລິດຕະພັນ ແລະບໍລິການຂອງທະນາຄານເອຊີລີດາຕະຫຼອດມາ, ທະນາຄານເອຊີລີດາຈະສືບຕໍ່ພັດທະນາລະບົບໃຫ້ມີຄວາມທັນສະໄໝ ແລະຮ່ວມມືກັບພາກສ່ວນອື່ນໆເພື່ອອຳນວຍຄວາມສະດວກໃນການຊຳລະສະສາງຕ່າງໆຂອງລູກຄ້າ.

-----------------

ໜັງສືພິມເສດຖະກິດ-ສັງຄົມ

• 04/10/2019