ສະໂຕຣາເອັນໂຊລາວ ນຳພາສະມາຊິກໃນໂຄງການ ຮຽນຮູ້ວິທີປູກພືດ

  ບໍລິສັດສະໂຕຣາເອັນໂຊ ລາວຈໍາກັດໄດ້ສ້າງກິດຈະກໍານຳພາປະຊາຊົນຜູ້ທີ່ຢູ່ໃນໂຄງການໄປທັດສະນະສຶກສາເບິ່ງວິທີການປູກ ໄມ້ວິກ,ປູກເຂົ້າແລະພືດກະສິກຳທີ່ບ້ານຫູບ ແລະບ້ານປະເຊ້ຍ ເມືອງ ນອງ ແຂວງສະຫວັນນະເຂດ ໃນ ພື້ນທີ່ຂອງປະຊາຊົນຜູ້ເຂົ້າຮ່ວມ ໂຄງການ 98 ເຮັກຕາຊຶ່ງນຳພາ ໂດຍທ່ານ ປີເຕີຟຸດເດີ ປະທານບໍ ລິສັດສະໂຕຣາເອັນໂຊລາວຈໍາ ກັດ ພ້ອມດ້ວຍພາກສ່ວນກ່ຽວ ຂ້ອງຈາກ 4 ຕົວເມືອງເຂົ້າຮ່ວມ.

ທ່ານ ປີເຕີ ຟຸດເດີ ກ່າວວ່າ: ບໍລິສັດສະໂຕຣາ ເອັນໂຊລາວຈຳ ກັດເປັນບໍລິສັດໜຶ່ງທີ່ມີໂຄງການ ລົງທຶນປູກໄມ້ອຸດສາຫະກຳ ແລະ ພືດລົ້ມລຸກເພື່ອຜະລິດປຸງແຕ່ງເປັນ ສິນຄ້າຈຳໜ່າຍສົ່ງອອກພາຍໃນ ແລະຕ່າງປະເທດເປັນການລົງທຶນ ຂອງບໍລິສັດຈາກປະເທດສະວີເດັນ ແລະຟິນແລນ 100% ຊຶ່ງໄດ້ຈົດ ທະບຽນ ແລະຮັບອະນຸຍາດຈາກລັດຖະບານລາວໃນການດຳເນີນ ໂຄງການໃນປີ 2010 ດ້ວຍເງິນ ລົງທຶນທັງໝົດ 70 ລ້ານໂດລາ ເພື່ອເຮັດໃຫ້ບັນດາສະມາຊິກທີ່ຢູ່ ໃນໂຄງການມີຄວາມຮູ້ສຳຜັດໜ້າ ວຽກຕົວຈິງ ແລະພັດທະນາຂຶ້ນ ເທື່ອລະກ້າວ, ບໍລິສັດສະໂຕຣາ ເອັນໂຊລາວຈຳກັດຈຶ່ງໄດ້ນຳພາ ສະມາຊິກຜູ້ທີ່ເຂົ້າຮ່ວມໂຄງການເກົ່າ ແລະໂຄງການໃໝ່ໄປທັດສະນະສຶກສາແລກປ່ຽນຄວາມຮູ້ກ່ຽວກັບເຕັກນິກສະໜອງແນວພັນພືດ ແລະວິທີການປູກໄມ້ວິກ,ການປູກເຂົ້າ ແລະພືດກະສິກຳອື່ນໆໃນແຕ່ ລະປີທາງບໍລິສັດໄດ້ມີແຜນປູກໄມ້ອຸດສາຫະກຳແບບມີສ່ວນຮ່ວມກັບປະຊາຊົນທີ່ສ້າງລາຍໄດ້ ແລະມີວຽກເຮັດງານທຳໃນການແກ້ໄຂຊີວິດການເປັນຢູ່ໃນເຂດໂຄງການໄດ້ຮັບການພັດທະນາດີຂຶ້ນນອກນັ້ນຍັງໄດ້ປະກອບສ່ວນເງິນກອງທຶນພັດທະນາບ້ານ ແລະປະກອບສ່ວນສ້າງເສັນທາງ, ໄຟຟ້າ, ນໍ້າ ປະປາ ແລະໂຄງການປູກຟັງລ້ຽງ ສັດ.

ສຳລັບໂຄງການດັ່ງກ່າວນີ້ ແມ່ນຖືເອົາຄວາມປອດໄພເປັນຫຼັກໃນພື້ນທີ່ຈະນໍາໃຊ້ໃນປູກໄມ້ອຸດສາຫະກຳເຊັ່ນ:ຕ້ອງໄດ້ເກັບກູ້ວັດຖຸລະເບີດທີ່ບໍ່ທັນແຕກອອກຈາກພື້ນທີ່ດັ່ງກ່າວໃຫ້ໝົດ100%,ຈາກນັ້ນບໍລິສັດຈະບຸກເບີກເນື້ອທີ່ໃຫ້ພ້ອມທັງສະໜອງແນວພັນ, ໃສ່ປຸ໋ຍ  ແລະສອນວິທີປູກແບບ 1x9 ໝາຍຄວາມວ່າບໍລິສັດໃຊ້ ພື້ນທີ່ພຽງແຕ່ 30% ສ່ວນອີກ 70% ແມ່ນປະຊາຊົນສາມາດນຳໃຊ້ປູກເຂົ້າໃສ່ວ່າງໄມ້ວິກໄດ້ 1-2 ປີ ຈົນມາຮອດໄລຍະ3-7 ແມ່ນສາມາດລ້ຽງສັດໃສ່ໄດ້ອີກດ້ວຍ,ນອກນັ້ນຍັງໄດ້ໃຫ້ຄ່າແຮງງານລາຍວັນໃນການປູກໄມ້ ແລະ ບົວລະບັດຖາງປ່າມື້ໜຶ່ງ 50 ພັນກີບພ້ອມທັງມີຄ່າແຮງໃນການ ເກັບຜົນຜະລິດໄມ້ວິກຕົ້ນລະ 5 ພັນກີບ ແລະມີເງິນນະໂຍບາຍແກ້ໄຂໃນຍາມເຈັບເປັນອີກດ້ວຍ.

--------------------

ພາບ ແລະຂາ່ວຈາກໜັງສືພິມເສດຖະກິດ-ສັງຄົມ

แชร์