ປກສ ຊ່ວຍເຫຼືອອັດຕະປື 50 ລ້ານກີບ

  ໃນວັນທີ 2 ຕຸລາ 2019 ພົທ ວິໄລ ຫຼ້າຄຳຟອງລັດຖະມົນຕີກະຊວງປ້ອງກັນຄວາມສະຫງົບ (ປກສ) ພ້ອມຄະນະໄດ້ມອບເຄື່ອງຊ່ວຍເຫຼືອແກ້ໄຂໄພພິບັດທີ່ເກີດ ຂຶ້ນຈາກພະຍຸດີເປຣເຊິນຢູ່ແຂວງ ອັດຕະປືຊຶ່ງພິທີມອບແມ່ນໄດ້ຈັດຂຶ້້ນທີ່ພະແນກແຮງງານ ແລະສະຫວັດດີການ-ສັງຄົມແຂວງ.

ເຄື່ອງຊ່ວຍເຫຼືອທີ່ນຳມາມອບໃນເທື່ອນີ້ມີເຄື່ອງອຸປະໂພກ 4 ລາຍການ ແລະເງິນຊ່ວຍເຫຼືອອີກຈຳນວນ 50 ລ້ານກີບ ເພື່ອປະກອບສ່ວນຊ່ວຍເຫຼືອບັນເທົາທຸກໃຫ້ປະຊາຊົນທີ່ໄດ້ຮັບຜົນກະທົບຈາກໄພພິບັດນໍ້າຖ້ວມກ່າວຮັບ ໂດຍແມ່ນ ທ່ານ ເລັດໄຊຍະພອນເຈົ້າແຂວງອັດຕະປືໂດຍມີຄະນຳທັງສອງພາກສ່ວນເຂົ້າຮ່ວມ.

ໂອກາດດຽວກັນທ່ານເຈົ້າ ແຂວງອັດຕະປືໄດ້ສະແດງຄວາມຂອບໃຈມາຍັງກະຊວງປ້ອງກັນຄວາມສະຫງົບກໍ່ຄືພາກສ່ວນຕ່າງໆທັງພາຍໃນ ແລະຕ່າງປະ ເທດທີ່ເຫັນໄດ້ຄວາມສຳຄັນໃນການປະກອບສ່ວນຊ່ວຍເຫຼືອຜູ້ປະສົບໄພພິບັດທາງທຳມະຊາດໃນຄັ້ງນີ້,ພ້ອມທັງສະແດງຄວາມຢືນຢັນວ່າຈະນຳເອົາເຄື່ອງຊ່ວຍເຫຼືອດັ່ງກ່າວທີ່ໄດ້ຮັບນີ້ໄປມອບໃຫ້ປະຊາຊົນຜູ້ທີ່ໄດ້ຮັບຜົນກະທົບຕາມຄວາມເໝາະສົມຢ່າງແນ່ນອນ,ຊຶ່ງຜ່ານມາອໍານາດການປົກຄອງ ແຂວງອັດຕະປືໄດ້ເປັນເຈົ້າການ ຮີບຮ້ອນແຈກຢາຍເຄື່ອງບໍລິຈາກທີ່ໄດ້ຈາກພາກສ່ວນຕ່າງໆນັ້ນນຳໄປມອບໃຫ້ກັບປະຊາຊົນທີ່ໄດ້ຮັບຜົນກະທົບຈາກນໍ້າຖ້ວມໃນຕົ້ນເດືອນກັນຍາ 2019 ຜ່ານມາຢ່າງເລັ່ງດ່ວນ, ພ້ອມທັງສືບຕໍ່ສໍາຫຼວດເກັບກໍາຄອບຄົວຜູ້ທີ່ໄດ້ຮັບຄວາມເສຍຫາຍໜັກ ແລະຂາດເຂີນກ່ອນໝູ່ເພື່ອໃຫ້ການຊ່ວຍເຫຼືອ,ປະຈຸບັນຍັງໄດ້ສືບຕໍ່ເປີດຮັບບໍລິຈາກການຊ່ວຍເຫລືອຕ່າງໆຢູ່ຊຶ່ງທົ່ວແຂວງອັດຕະປືຄາດຄະເນມູນຄ່າເສຍຫາຍທັງໝົດ 82 ຕື້ກວ່າກີບ ໃນນັ້ມູນຄ່າຄວາມຕ້ອງການໃນການນໍາໄປຊ່ວຍເຫຼືອຟື້ນຟູຄັ້ງນີ້ປະມານ 52 ຕື້ກີບ.

-----------------------

ພາບ ແລະຂາ່ວຈາກໜັງສືພິມເສດຖະກິດ-ສັງຄົມ

• 04/10/2019