ກຽງໄກ ຄວ້າລາງວັນໜຸ່ມຍິ້ມມີສະເໜ່ ຈາກເວທີມິສເຕີໂກລໂບ

  ໜຸ່ມກຽງໄກ ຊວ້ານສວນດາວ Mister Global Laos 2019 ຕົວແທນຂອງປະເທດລາວໄດ້ຄວ້າລາງວັນໜຸ່ມຍິ້ມມີສະເໜ່ (Mister Charming Smi le) ໃນການປະກວດ Mister Global 2019 ໃນເວທີລະດັບໂລກທີ່ປະເທດໄທຊຶ່ງມີຜູ້ເຂົ້າຮ່ວມປະກວດທັງໝົດມີ 38 ປະເທດທົ່ວໂລກ.

  ພິທີແຂ່ງຂັນ Mister Global 2019 ລະດັບໂລກໄດ້ຈັດຂຶ້ນວັນທີ 26 ກັນຍາ 2019 ທີ່ບາງກອກປະເທດໄທຊຶ່ງມີຜູ້ເຂົ້າຮ່ວມປະກວດທັງໝົດມີ 38 ປະເທດ, ທົ່ວໂລກສ່ວນລາງວັນຊະນະເລີດ Mis ter Global 2019 ແມ່ນຕົກເປັນຂອງຕົວແທນຈາກປະເທດເກົາຫຼີ ສຳລັບຕົວແທນຂອງປະເທດລາວແມ່ນໄດ້ຮັບລາງວັນ Mister Char ming Smile ຊຶ່ງເປັນອີກໜຶ່ງລາງວັນອັນຊົງກຽດທີ່ໜຸ່ມກຽງໄກຊວ້ານສວນດາວອາຍຸ 19 ປີ ສາມາດຍາດມາໄດ້ໃນການນຳເອົາວັດທະນະທຳອັນດີງາມຂອງປະເທດລາວໄປເຜີຍແຜ່ໃນເວທີປະກວດ Mister Global 2019 ລະດັບໂລກ.

  ສຳລັບຊຸດທີ່ໜຸ່ມກຽງໄກຊວ້ານສວນດາວນຳໄປປະກວດຄັ້ງນີ້ແມ່ນຊຸດ “ວິລະບູລຸດຕໍ່ສູ້” ຊຶ່ງມີຄວາມ ໝາຍລະນຶກເຖິງຄຸນງາມຄວາມດີຂອງບັນພະບູລຸດລາວໃນແຕ່ລະ  ຍຸກແຕ່ລະສະໄໝທີ່ເສຍສະຫຼະເພື່ອປະເທດຊາດ ແລະຍົກຍ້ອງສັນລະເສີນຜູ້ນຳລວມທັງຊົນຊາດຊົນເຜົ່າ  ແລະໄດ້ນຳເອົາເສື້ອຜ້າຂອງຊຸດຊົນເຜົ່າ “ໂອຍ”  ດັ່ງເດີມມາປະຍຸກຄືນໃໝ່ພ້ອມກັບຄວາມທັນສະໄໝ.

 ກຽງໄກ ຊວ້ານສວນດາວ ຫຼື ອາເລັກອາຍຸ 19 ປີ ຕົວແທນຈາກລາວຜູ້ໄດ້ຮັບລາງວັນ Mister Charming Smile (ໜຸ່ມຍິ້ມມີສະເໜ່) ປະຈຸບັນສຶກສາຢູ່ມະຫາວິທະຍາໄລແຫ່ງຊາດຄະນະສະຖາປັດຕະຍະກຳສາດ ປີ 2 ພາກວິຊາວິທະຍາອາຄານ.

--------------------

ໂດຍ: ແພງຕາ

แชร์