ສະຫວັນກຽມປະຕິບັດໂຄງການອະນຸລັກ ມໍລະດົກວັດທະນະທຳ

  ເພື່ອເປັນການກະກຽມແກ່ການຈັດຕັ້ງປະຕິບັດໂຄງການອະນຸລັກມໍລະດົກວັດທະນະທຳ, ທ່ອງທ່ຽວ ແລະການພັດທະນາຕົວເມືອງຢູ່ແຂວງສະຫວັນນະເຂດຂອງອົງ ການຝຣັ່ງເພື່ອການພັດທະນາ ຫຼື AFD, ມາໃນວັນທີ 27 ກັນຍາ ຜ່ານມານີ້, ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງສະຫວັນນະເຂດໄດ້ຈັດກອງປະຊຸມປຶກສາຫາລື ແລະວາງແຜນຮ່ວມກັນໃນການກະກຽມຄວາມພ້ອມເພື່ອຈັດຕັ້ງປະຕິບັດບັນດາກິດຈະກຳຕ່າງໆໃນໂຄງການດັ່ງກ່າວຂຶ້ນທີ່ພະແນກຖວທ ແຂວງໂດຍການເປັນກຽດເຂົ້າຮ່ວມຂອງທ່ານ ຄຳພູນ ຕຸໄພທູນ ຮອງເຈົ້າແຂວງສະຫວັນນະເຂດ,ທ່ານ ນາງ ດາວວອນ ໄຊສຸລຽນ ຫົວໜ້າພະແນກ ຖວທ ແຂວງ,ທ່ານ ວຽງແກ້ວ ສຸກສະຫວັດດີ ຮອງຫົວໜ້າກົມມໍຣະດົກກະຊວງ ຖວທ, ມີຜູ້ຕາງໜ້າອົງການ AFD ພ້ອມດ້ວຍພາກສ່ວນຕ່າງໆທີ່ກ່ຽວຂ້ອງ.

ຈຸດປະສົງຂອງກອງຊຸມໃນຄັ້ງນີ້, ກໍ່ເພື່ອເຊີນເອົາພາກສ່ວນຕ່າງໆ ທີ່ກ່ຽວຂ້ອງຂັ້ນຕ່າງໆມາຮ່ວມຄົ້ນຄວ້າປຶກສາຫາລື ແລະວາງແຜນການໃນການກະກຽມຈັດຕັ້ງປະຕິ ບັດບັນດາກິດຈະກຳຕ່າງໆໃນ ໂຄງການອະນຸລັກມໍລະດົກວັດທະ ນະທຳ, ທ່ອງທ່ຽວ ແລະການພັດທະນາຕົວເມືອງຢູ່ແຂວງສະຫວັນນະເຂດ ຊຶ່ງໃນປີ 2019 ນີ້ ແມ່ນ ຈະໄດ້ມີການກະກຽມດ້ານຕ່າງໆ ແລະຈະເລີ່ມຈັດຕັ້ງປະຕິບັດໂຄງ ການໃນປີ2020 ຊຶ່ງໂຄງການດັ່ງກ່າວນີ້ແມ່ນປະກອບມີ 3 ໜ້າ ວຽກຫຼັກຄື: 1). ການວິໄຈສຶກສາ ຂໍ້ມູນ ແລະຍົກສູງຄຸນຄ່າຂອງມໍລະດົກທີ່ມີພາຍໃນແຂວງສະຫວັນນະເຂດ ໂດຍເນັ້ນໃສ່ຂອບເຂດຕົວເມືອງບູຮານເວົ້າສະເພາະແມ່ນໜອງເຮືອທອງ ເມືອງໄຊບູລີ ນັບທັງວັດຖຸບູຮານທີ່ກອບກູ້ມາໄດ້ເພື່ອນຳມາວາງສະແດງ, ສົ່ງເສີມການທ່ອງທ່ຽວ ແລະກາຍເປັນສິນຄ້າໃຫ້ທ້ອງຖິ່ນ ແລະຊຸມຊົນ, 2). ສ້າງກຸ່ມບ້ານວັັດທະນະທຳຊຶ່ງແມ່ນຫໍພິພິທະພັນເປັນໃຈກາງໃນ ການງວາງສະແດງ, ນຳສະເໜີບັນ ດາວັດຖຸບູຮານ ທີ່ເປັນມໍລະດົກລໍ້າຄ່າທາງວັດທະນະທຳ, ແຫຼ່ງທ່ອງທ່ຽວ, ວິຖີຊີວິດຂອງປະຊາຊົນບັນ ດາເຜົ່າຂອງແຂວງ ເພື່ອເຊື່ອມ ໂຍງກັບຕົວເມືອງເກົ່ານະຄອນ ໄກສອນ ພົມວິຫານ ກໍ່ຄືເຊື່ອມໂຍງ ແຫຼ່ງທ່ອງທ່ຽວທາງທຳມະຊາດ, ວັດທະນະທຳ ແລະປະຫວັດສາດ ພາຍໃນແຂວງ, 3). ສ້າງແຜນການຕະຫຼາດດ້ານການທ່ອງທ່ຽວ, ສ້າງຄວາມເຂັ້ມແຂງແກ່ບຸກຄະລາກອນ, ອົງກອນ, ຊຸມຊົນ ທີ່ຈະມີຜົນກະທົບທາງດ້ານບວກ ແລະ ລົບຈາກໂຄງການພາຍໃຕ້ການສະໜັບສະໜູນທຶນແລະວິຊາການຈາກອົງການ AFD  ແນໃສ່ເພື່ອເຮັດ ໃຫ້ນັບແຕ່ປີ 2020-2025 ແຂວງສະຫວັນນະເຂດຈະກາຍ ເປັນຂຸມສົມບັດແຫ່ງຊາດ.

  ຜູ້ເຂົ້າຮ່ວມໃນກອງປະຊຸມຍັງໄດ້ມີການປະກອບຄຳຄິດຄຳເຫັນໃນວຽກງານດ້ານຕ່າງໆທີ່ກ່ຽວພັນກັບການຈັດຕັ້ງປະຕິບັດໂຄງການນຳອີກ.

---------------------

ໜັງສືພິມເສດຖະກິດ-ສັງຄົມ

แชร์