ໄຊເສດຖາສະປອດ ຈຳໜ່າຍເຄື່ອງກີລາທີ່ມີຄຸນນະພາບ

  ຮ້ານໄຊເສດຖາສະປອດເປັນໜຶ່ງໃນການຈຳໜ່າຍຊຸດ ແລະອຸປະກອນຫຼິ້ນກີລາທຸກປະເພດໂດຍມີຄູຝຶກ ແລະຜູ້ຊ່ຽວຊານວິຊາສະເພາະມາອອກແບບໃຫ້ຄຳປຶກສາກ່ຽວກັບກີລາພ້ອມນັ້ນຍັງບໍລິການຂາຍວ່ອງໄວໃສ່ໃຈຄຸນນະພາບ ແລະມີສິນຄ້າສ່ວນຫຼຸດອີກດ້ວຍ.

   ທ່ານ ໄຊເສດຖາ ຄຳວຽງງາມ ເຈົ້າຂອງຮ້ານໄຊເສດຖາສະປອດໃຫ້ສຳພາດວ່າ: ຮ້ານຂອງເຮົາ ເປີດບໍລິການເດືອນມັງກອນ 2019 ເນື່ອງຈາກວ່າໃນຄອບຄົວມີທຸລະ ກິດໂຮງຮຽນ ພ້ອມກັບຕົນເອງກໍ່ ເປັນຄູຝຶກກີລາບານເຕະບວກກັບ ຄວາມມັກຮັກທາງດ້ານກີລາເລີຍໄດ້ຕັດສິນໃຈລົງທຶນສ້າງຕັ້ງຮ້ານຂາຍເຄື່ອງກີລາເພື່ອຕອບສະໜອງ ໃຫ້ບັນດາລູກສິດໃນສະໂມສອນ, ຫ້ອງການ, ນັກຮຽນໃນສະຖາບັນ ຕ່າງໆ, ໝູ່ເພື່ອນແລະວົງການ ກີລາອື່ນໆ ສິນຄ້າຫຼັກໆແມ່ນນຳ ເຂົ້າຈາກປະເທດໄທເຊັ່ນ: ຊຸດກີ ລາ, ບານເຕະ, ກະຕໍ້ ແລະເຄື່ອງອຸ ປະກອນກີລາ ໂດຍໄດ້ເນັ້ນເອົາສິນ ຄ້າຍີ່ຫໍ້ດັງເຂົ້າມາວາງຂາຍ ເປັນ ຕົ້ນຜະລິດຕະພັນເກດA, ທໍາມະດາ ແລະຊຸດສະໂມສອນຊື່ດັງຕ່າງໆ ຂອງເອີຣົບຊຶ່ງເປີດບໍລິການໃນເບື້ອງຕົ້ນແມ່ນຈະບໍ່ຄ່ອຍມີລູກຄ້າປານໃດພໍມາຮອດຊ່ວງເປີດສົກຮຽນໃໝ່ລູກຄ້າເລີ່ມເຂົ້າມາໃຊ້ບໍລິການຫຼາຍຂຶ້ນເລື້ອຍໆຊຶ່ງສະເລ່ຍ ເດືອນໜຶ່ງຈະມີຍອດຂາຍປະມານ 500-600 ຊຸດ ໃນນີ້ແມ່ນກຸ່ມນັກຮຽນນັກສຶກສາ, ບໍລິສັດ ແລະຫ້ອງການຕ່າງໆທີ່ຢູ່ໃກ້ຂອບເຂດ.

  ນອກນັ້ນຮ້ານເຮົານອກຈາກຈຳໜ່າຍຊຸດກີລາແລ້ວຍັງມີເຄື່ອງອຸປະກອນຫຼິ້ນກີລາທຸກປະເພດ ຫຼືສິນຄ້າທີ່ບໍ່ມີໃນໜ້າຮ້ານຍັງສາ ມາຮັບສັ່ງຕາມອໍເດີທີ່ລູກຄ້າຕ້ອງການ ໂດຍເນັ້ນການບໍລິການຂາຍວ່ອງໄວໃຫ້ມີຄຸນນະພາບ ແລະມາດຕະຖານທີ່ສຸດໃນການຮັກສາສຳພັນທະມິດທີ່ດີກັບລູກຄ້າທັງໝົດແມ່ນໄດ້ຕັ້ງລາຄາສິນຄ້າຢູ່ໃນຄວາມເໝາ ະສົມເພື່ອໃຫ້ເປັນຈຸດເດັ່ນຂອງຜະລິດຕະພັນພາຍໃນຮ້ານ ແລະສ້າງເອົາການເຊື່ອໝັ້ນໃຫ້ມີຄວາມປອດໄພ ແລະມີຄວາມຮັບຜິດຊອບຕໍ່ສັງຄົມພິເສດໄປກວ່ານັ້ນເມື່ອລູກຄ້າເສື້ອກີລາ 15 ຊຸດຂຶ້ນໄປຍັງໄດ້ມີສ່ວນຫຼຸດ ຫຼືແຈກແຖມອຸປະກອນເຄື່ອງຫຼິ້ນກີ ລາໃຫ້ອີກດ້ວຍ.

 ທ່ານ ໄຊເສດຖາ ຄຳວຽງງາມ ໃຫ້ຮູ້ຕື່ມອີກວ່າ: ຢ່າງໃດກໍ່ຕາມຮ້ານໄຊເສດຖາສະປອດຂອງເຮົາເປັນຂະໜາດນ້ອຍແຕ່ທາງເຮົາຈະເປັນຜູ້ເບິ່ງແຍ່ງບໍລິການຈຳໜ່າຍທີ່ໄດ້ຄຸນນະພາບໃຫ້ແກ່ສັງຄົມ ແລະສິ່ງທີ່ໂດດເດັ່ນໄປກວ່ານັ້ນເມື່ອລູກຄ້າໄດ້ມາໃຊ້ບໍລິການແລ້ວມັກຈະຍ້ອງສະເໝີວ່າສິນຄ້າມີຄຸນນະພາບດີຫຼາຍພ້ອມທັງມີແຜນຈະຂະ ຫຍາຍສາຂາສອງ ໃນບ້ານດົງຄຳຊ້າງ ເມືອງຫາດ ຊາຍຟອງ ສຳລັບທ່ານໃດຢາກໄດ້ ເຄື່ອງໃຊ້ອຸປະກອນກີລາທີ່ມີຄຸນ ນະພາບກໍ່ໄປເບິ່ງໄດ້ທີ່ຮ້ານໄຊເສດຖາສະປອດຕັ້ງຢູ່ບ້ານໂພນປາເປົ້າ ເມືອງສີສັດຕະນາກ ນະຄອນຫຼວງວຽງຈັນໂທລະສັບ: 020 5885 3385 ຕິດຕາມທາງເຟສ໌ບຸກ: Saysettha Sport.

--------------------

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์