ສວນພຶກສາ ປະກອບສ່ວນແກ້ໄຂຄວາມທຸກຍາກປະຊາຊົນ

  ສວນພຶກສາເປັນອີກສະຖານທີ່ທ່ອງທ່ຽວທາງທຳມະຊາດທີ່ສົ່ງເສີມທາງດ້ານສີລະປະ, ວັດທະນະທຳ ແລະການດຳລົງຊີວິດຂອງຊົນເຜົ່າໃນລາວຊຶ່ງຜູ້ພັດທະນາໄດ້ລົງ ທຶນພັດທະນາໄປຄຽງຄູ່ກັບການປະກອບສ່ວນແກ້ໄຂຄວາມທຸກຍາກປະຊາຊົນທີ່ຢູ່ອ້ອມຂ້າງດ້ວຍການສ້າງວຽກ ແລະສ້າງລາຍຮັບໃຫ້ເຂົາເຈົ້າຕາມທິດຊີ້ນຳພັກ-ລັດພາຍ ໃຕ້ຂະບວນການແຂ່ງຂັນຮັກຊາດ ແລະ ພັດທະນາຕິດພັນກັບການພັດທະນາຊົນນະບົດເພື່ອປະກອບສ່ວນສ້າງວຽກ, ສ້າງລາຍຮັບໂດຍສຸມໃສ່ແກ້ໄຂຄວາມທຸກຍາກຂອງປະຊາຊົນຢ່າງທົ່ວເຖິງ.

  ທ່ານ ພູວົງ ພະມີສິດ ເຈົ້າຂອງສວນພຶກສາໃຫ້ຮູ້ວ່າ: ເພື່ອຜັນຂະຫຍາຍຕາມທິດຊີ້ນຳຂອງພັກ-ລັດພາຍໃຕ້ຂະບວນການແຂ່ງຂັນຮັກຊາດແລະພັດທະນາຕິດພັນການພັດທະນາຊົນນະບົດເພື່ອແນໃສ່ບັນລຸຄາດໝາຍສູ້ຊົນທີ່ພັກ-ລັດວາງອອກໃຫ້ປະກົດຜົນເປັນຈິງເພື່ອປະກອບສວ່ນສ້າງອາຊີບ,ສ້າງລາຍຮັບໃນຊຸມຊົນໂດຍສະເພາະສຸມໃສ່ແກ້ໄຂຄວາມທຸກຍາກຂອງປະຊາຊົນຢ່າງທົ່ວເຖິງຊຶ່ງສວນພຶກສາກໍໄດ້ພັດທະນາສວນໄປຄຽງຄູ່ກັບການພັດທະນາຊຸມຊົນກໍຄືການແກ້ໄຂຄວາມທຸກຍາກຂອງປະຊາຊົນຫຼາ ຍຄອບຄົວໃນ 3-4 ບ້ານອ້ອມຂ້າງສ້າງວຽກເຮັດງານທຳ ແລະສ້າງລາຍຮັບທີ່ໝັ້ນຄົງໃຫ້ເຂົາເຈົ້າປະຈຸບັນຊີວິດການເປັນຢູ່ຂອງເຂົາເຈົ້າແມ່ນດີຂຶ້ນເທື່ອລະກ້າວໂດຍສະ ເພາະປະຊາຊົນບ້ານດ່ານຊີ ເມືອງນາຊາຍທອງ ນະຄອນຫຼວງວຽງຈັນ.

  ປະຈຸບັນສວນພຶດສາແມ່ນໄດ້ສຳເລັດການພັດທະນາໃນຫຼາຍດ້ານພາຍຫຼັງທີ່ໄດ້ລົງທຶນພັດທະນາໂດຍສະເພາະພື້ນຖານໂຄງລ່າງພາຍໃນສວນ ແລະອື່ນໆພ້ອມທັງການສ້າງກິດຈະກຳຕ່າງໆເປັນຕົ້ນແມ່ນສະລິງ, ລົດອີທີວີ, ລົດຖີບ, ລົດໄຟຟ້າ, ຂີ່ມ້າ, ຂີ່ກວຽນ ແລະ ອື່ນໆໂດຍອັນຫຼັກໆແມ່ນມີບ້ານຊົນເຜົ່າ, ພິພິທະພັນຊົນເຜົ່າໂດຍເວົ້າເລື່ອງວັດທະນະທຳຂອງ 50 ຊົນເຜົ່າແລະມີຂໍ້ມູນຂອງແຕ່ລະຊົນເຜົ່າທັງພາສາລາວແລະພາສາອັງກິດສະນັ້ນເປັນບ່ອນເຮັດໃຫ້ນັກທ່ອງທ່ຽວມາທ່ຽວມາຫຼິ້ນແລ້ວມາຮຽນຮູ້ເລື່ອງວັດທະນະທຳລາວ ແລະມີອາຫານປອດສານພິດໄວ້ຄອຍບໍລິການນັກທ່ອງທ່ຽວ.

 ນອກນັ້ນສວນພຶກສາຍັງມີການສະແດງສີລະປະທຸກໆວັນເສົາ-ອາທິດຂອງບັນດາເຜົ່າເພື່ອໃຫ້ນັກທ່ອງທ່ຽວໄດ້ຊົມ, ປະຈຸບັນສວນພຶກສາກຳລັງເປັນທີ່ນິຍົມຂອງບັນດານັກທ່ອງທ່ຽວທັງພາຍໃນ ແລະຕ່າງປະເທດສະເລ່ຍນັກທ່ອງທ່ຽວເຂົ້າມາທ່ຽວຊົມປະມານ 4 ພັນຄົນ ຕໍ່ເດືອນນອກນັ້ນຍັງມີນັກຮຽນ-ນັກສຶກສາທີ່ມາທັດສະນະສຶກສາຮຽນຮູ້ເລື່ອງກະສິກຳ, ການປູກຜັກປອດສານພິດ, ການເຮັດປຸ໋ຍຊີວະພາບ ແລະອື່ນໆ ຊຶ່ງສວນພຶດສາແມ່ນຕັ້ງຢູ່ບ້ານດ່ານຊີເມືອງນາຊາຍທອງ ນະຄອນຫຼວງວຽງຈັນ ຊຶ່ງບໍ່ໄກຈາກຕົວເມືອງມີເສັ້ນທາງໄປ-ມາທີ່ສະດວກສະບາຍ ແລະພາຍໃນສວນຍັງຫຼາກຫຼາຍການບໍລິການໄວ້ບໍລິການທຸກທ່ານ.

-------------

ຂຽນໂດຍ: ສະເຫຼີມໄຊ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

   

แชร์