ຈັບຜູ້ຄ້າຢາເສບຕິດພົບຢາບ້າ 10 ພັນເມັດ ແລະຢາໄອຊ໌ຈໍານວນ 2 ກິໂລ

  ພາຍຫຼັງເຈົ້າໜ້າທີ່ໄດ້ຮັບແຫຼ່ງຂ່າວຈາກພົນລະເມືອງດີວ່າມີການຊື້-ຂາຍຢາເສບຕິດປະເພດຢາບ້າຢູ່ຂອບເຂດບ້ານແສນຈະເລີນ, ຈາກນັ້ນຈຶ່ງໄດ້ລົງຕິດຕາມເປົ້າໝາຍເຫັນວ່າມີມູນຄວາມຈິງ ໃນທີ່ສຸດກໍສາມາດຈັບຕົວເປົ້າໝາຍໄດ້ 1 ຄົນ ຊື່ທ້າວ ແທ່ນ, ອາຍຸ 40 ປີ, ຊາວນາຢູ່ບ້ານນາໝໍ້ ເມືອງໝື່ນ ແຂວງວຽງຈັນ ໃນຄັ້ງວັນທີ 27 ກັນຍາ 2019 ພ້ອມຂອງກາງຢາບ້າຈໍານວນ 5 ມັດ ເທົ່າກັບ 10 ພັນເມັດ, ຢາໄອຊ໌ຈໍານວນ 2 ກິໂລ ແລະ ໂທລະສັບມືຖືຈໍານວນ 1 ເຄື່ອງ ແລະ ລົດຈັກ 1 ຄັນ ມາດຳເນີນການສືບສວນ-ສອບສວນ.

  ຜ່ານການສືບສວນ-ສອບສວນຂອງເຈົ້າໜ້າທີ່ຕຳຫຼວດໃນເບື້ອງຕົ້ນຜູ້ກ່ຽວໄດ້ໃຫ້ການຮັບສາລະພາບວ່າ: ຂອງກາງຢາບ້າຈໍານວນ 5 ມັດເທົ່າກັບ 10 ພັນເມັດ ແລະຢາໄອຊ໌ຈໍານວນ 2 ກິໂລ ເປັນຂອງຕົນເອງແທ້ໃນວັນທີ 26 ກັນ ຍາ 2019 ໄດ້ເດີນທາງມາຈາກບ້ານນາ ໝໍ້ ເມືອງໝື່ນ ແຂວງວຽງຈັນ, ເພື່ອມາ ຊື້ຢາເສບຕິດຈໍານວນດັ່ງກ່າວ, ພໍມາ ຮອດບ້ານນາກາງ ເມືອງຊະນະຄາມ ແຂວງວຽງຈັນ, ຕົນເອງໄດ້ໂທລະສັບຕິດຕໍ່ຫາຫາຜູ້ຮ່ວມຂະບວນການເອົາຢາ ບ້າຈໍານວນ 5 ມັດ ແລະ ຢາໄອຊ໌ຈໍານວນ 2 ກິໂລ ມາໃຫ້ຕົນຢູ່ບໍລິເວນໃກ້ກັບເຮືອນ ພັກ ແລ້ວໄດ້ຈ່າຍເງິນໃຫ້ຜູ້ຮ່ວມຂະ ບວນການຈໍານວນ 1,80 ແສນບາດ (ໄທ), ຈາກນັ້ນທັງສອງກໍໄດ້ແຍກຈາກ ກັນ, ທ້າວ ແທ່ນ ຈຶ່ງໄດ້ເດີນທາງມຸ່ງໄປທາງເມືອງໝື່ນ ພໍແຕ່ມາຮອດຂອບເຂດ ບ້ານແສນຈະເລີນ ຈຶ່ງຖືກເຈົ້າໜ້າທີ່ ປກສ ຈັບຕົວພ້ອມຂອງກາງຢາບ້າຈໍານວນ 5 ມັດເທົ່າກັບ 10 ພັນເມັດ, ຢາໄອຊ໌ຈໍານວນ 2 ກິໂລ ທີ່ຊຸກເຊື່ອງໄວ້ໃນກະເປົ໋າປະຈຸບັນເຈົ້າໜ້າທີ່ ປກສ ເມືອງຊະນະຄາມກໍາລັງທໍາການສືບສວນ-ສອບສວນເພື່ອຂະ ຫຍາຍຜົນຫາກຸ່ມແກ້ງ, ຜູ້ຮ່ວມຂະບວນການມາດໍາເນີນຄະດີຕາມລະບຽບກົດໝາຍຂອງບ້ານເມືອງໃນຂັ້ນຕໍ່ໄປ.

------------------

ຂຽນຟໂດຍ: ທອງສີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์