ນາງແບບຂາທຽມ 9 ປີ ຂຶ້ນເວທີສະແດງແຟຊັນປາຣີສ

  ເດຊີ່-ເມ ດິມິເຕີເດັກນ້ອຍ ຍິງອາຍຸ 9 ປີຄົນອັງກິດ ທີ່ຂາຖືກ ຕັດທັງສອງຂ້າງ ແລະໃສ່ຂາທຽມ ເນື່ອງຈາກຄວາມຜິດປົກກະຕິຂອງຮ່າງກາຍຕັ້ງແຕ່ກຳເນີດກາຍເປັນເດັກນ້ອຍພິການຖືກຕັດຂາທັງ 2 ເບື້ອງຄົນທຳອິດຂອງໂລກທີ່ເປັນນາງແບບຂຶ້ນເວທີການສະແດງແຟ ຊັນ ປາຣີສ ແຟຊັນ ວິກ ໃນວັນທີ 27 ກັນຍາຜ່ານມາ.

ດິມິເຕີ ຊຶ່ງໃຊ້ຂາທຽມຄາບອນ ເປັນນາງແບບຊຸດເສື້ອຜ້າສຳລັບເດັກຍີ່ຫໍ້ ລູລູ ເອ ກິກີ (Lulu et Gigi) ໃນການສະແດງແຟຊັນປາຣີສ ທີ່ຈັດຂຶ້ນພາຍໃນຫ້ອງຂອງ ຫໍໄອເຟລ ຊຶ່ງກິມິເຕີ ເກີດທີ່ເມືອງ ເບີມິງແຮມ ທາງພາກຕາເວັນຕົກຂອງອັງກິດຖືກຕັດຂາຈົນເຖິງຫົວເຂົ່າທັງ 2 ຂ້າງ ຈາກຄວາມຜິດປົກກະຕິຂອງກະດູກຂະນະທີ່ມີອາຍຸພຽງ 18 ເດືອນ ຫຼັງຈາກໄດ້ ເຫັນການສະແດງແຟຊັນທາງໂທ ລະພາບ ແລະເກີດຄວາມສົນໃຈ ດິມິເຕີ ໄດ້ຮັບການແນະນໍາຈາກ ອະເລັກຜູ້ເປັນພໍ່ໃຫ້ມຸ່ງໝັ້ນແນວ ທາງນີ້ ແລະນັບແຕ່ນັ້ນມາລາວໄດ້ ເຮັດວຽກໃຫ້ກັບຫຼາຍຮ້ານທີ່ຈຳ ໜ່າຍເສື້ອຜ້າຊື່ດັງຂອງອັງກິດລວມທັງຍີ່ຫໍ້ກີລາລາຍໃຫຍ່ຄືໄນກີ້.

ດິມິເຕີ ເຂົ້າສູ່ວົງການເລີ່ມເປັນ ນາງແບບໃຫ້ຫຼາຍໆບໍລິສັດເສື້ອຜ້າ ຂອງອັງກິດໃນປີທີ່ຜ່ານມາກ່ອນ ຈະຂຶ້ນເວທີແຄຕໍວອກອາທິດແຟ ຊັນເດັກນ້ອຍ ລອນດອນ ຄິດ ແຟຊັນ ວິກ ໃນເດືອນກຸມພາ ປີນີ້ຕໍ່ມາກໍ່ໄດ້ໄປສະແດງແຟຊັນຢູ່ນີວຢອກ ແຟຊັນວິກ ໃນຕົ້ນເດືອນກັນຍາທີ່ຜ່ານມາ.

ເອນີ ເຮດດຸສ-ບຸຍຣົງ ຜູ້ກໍ່ຕັ້ງ ລູລູ ເອ ກິກີ ກ່າວວ່າລາວບໍ່ໄດ້ ລັ່ງເລໃນການຕັດສິນໃຈວ່າຈ້າງ ເດັກນ້ອຍພິການຂາຂາດໃຫ້ເປັນນາງແບບສະແດງຊຸດເສື້ອຜ້າຫຼູ ຂອງບໍລິສັດດ້ວຍຄ່າຕົວ 2.600 ໂດລາສະຫະລັດໃນການສະແດງ ແຟຊັນໃນງານອາທິດແຟຊັນປາຣີສທີ່ຫໍໄອເຟລນອກຈາກດິມິເຕີແລ້ວປາຣີສ ແຟຊັນ ວິກ ຄັ້ງຫຼ້າ ສຸດຍັງໃຫ້ໂອກາດນາງແບບສາວ ໄວລຸ້ນຫຸ່ນເກີນມາດຕະຖານ ແລະນາງແບບດາວຊິນໂດຣມຂຶ້ນໂຊຄວາມສາມາດເທິງເວທີອີກດ້ວຍ.

-------------

ໜັງສືພິມເສດຖະກິດ-ສັງຄົມ

แชร์