ສວນວັດທະນະທຳຊຽງຄວນ ສະແດງຄອນເສີດ ລະດົມທຶນຊ່ວຍຜູ້ປະສົບໄພ

  ບໍລິສັດສວນວັດທະນະທຳຊຽງຄວນຈຳກັດຜູ້ດຽວຮ່ວມກັບຄ້າຍເພງ K ຄົມຊະນະຈັດງານ ສະແດງຄອນເສີດການກຸສົນເພື່ອລະດົມທຶນຊ່ວຍເຫຼືອຜູ້ປະສົບໄພນໍ້າຖ້ວມພາກໃຕ້ ຂຶ້ນໃນວັນທີ  28  ກັນຍາ 2019 ທີ່ສວນວັດທະນະທໍາຊຽງຄວນນະຄອນຫຼວງວຽງຈັນ ໂດຍການເຂົ້າຮ່ວມທ່ານ ນາງ ຊ້ອຍສຸດາອິນເມືອງໄຊປະທານ ບໍລິສັດສວນວັດທະນະທຳຊຽງຄວນຈຳກັດຜູ້ດຽວ, ທ່ານ ຄົມຊະນະເຈົ້າຂອງຄ້າຍເພງ K ຄົມຊະນະພ້ອມດ້ວຍສິນລະປິນ ແລະບັນດາແຂກເຂົ້າຮ່ວມ.

ທ່ານ ນາງ ຊ້ອຍສຸດາ ອິນ ເມືອງໄຊ ກ່າວວ່າ:ດ້ວຍຄວາມເປັນຫ່ວງຊີວິດການເປັນຢູ່ປະຊາ ຊົນບັນດາເມືອງຕ່າງໆ ໃນແຂວງ ພາກໃຕ້ທີ່ໄດ້ຮັບຜົນກະທົບຈາກ ໄພທຳມະຊາດນໍ້າຖ້ວມຢ່າງໜັກໜ່ວງສວນວັດທະນະທຳຊຽງຄວນຮ່ວມກັບຄ້າຍເພງ K ຄົມຊະນະ ແລະສິນລະປິນນັກຮ້ອງອາຈານ ບຸນເກີດ ໜູຫ່ວງ, ອາຈານ ກິດາວ ເພັດ ໜູຫ່ວງ ລວມທັງສິນລະປິນຊື່ ດັງວົງອື່ນໆມາຮ່ວມຈັດງານສະ ແດງຄອນເສີດເພື່ອລະດົມທຶນແລະຮັບບໍລິຈາກເຄື່ອງນຸ່ງຮົ່ມ,ອຸປະໂພກບໍລິໂພກ,ອາຫານແຫ້ງ ອື່ນໆ ໂດຍເອົາຄຳຂວັນທີ່ວ່າ “ຄົນ ລາວບໍ່ຖິ້ມກັນຮັກໝັ້ນກົມກຽວປຽບດັ່ງເຂົ້າໜຽວສຽງແຄນ” ເພື່ອເປັນການປະກອບສ່ວນແກ້ໄຂບັນເທົາທຸກໃຫ້ປະຊາຊົນບັນໄດ້ໃຊ້ຊີວິດການເປັນຢູ່ສໍາລັບງານກິດຈະ ກໍາຄັ້ງນີ້ເປັນການສະແດງຄອນ ເສີດການກຸສົນລະດົມທຶນຢຽວຢາ ຈິດໃຈຜູ້ປະສົບໄພນໍ້າຖ້ວມ, ຊຶ່ງ ທຸກຄົນເຂົ້າໄປໃນງານແມ່ນບໍ່ໄດ້ ເສຍຄ່າລວມທັງບໍ່ໄດ້ເສຍຄ່າບໍລິການເຂົ້າທ່ຽວຊົມສວນວັດທະນະທຳອີກດ້ວຍ.

ຜ່ານການສະແດງໄດ້ຮັບທຶນຮ່ວມບໍລິຈາກເປັນເງິນສົດທັງໝົດໄດ້ 20 ລ້ານກວ່າກີບ, ເງິນຈຳນວນດັ່ງກ່າວແມ່ນໄດ້ມາຈາກການມີສ່ວນຮ່ວມໃນກາບໍລິຈາກວັດຖຸປັດໄຈທີ່ໄດ້ເຫັນເຖິງຄວາມເປັນຫ່ວງເປັນໃຍຕໍ່ພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພທຳມະຊາດນໍ້າຖ້ວມ,ມີຈິດໃຈສັດທາ,ເອື້ອເຟື້ເພື່ອແຜ່ເປັນສ່ວນໜຶ່ງໃນການຊ່ວຍເຫຼືອຜູ້ທີ່ກໍາລັງຕົກທຸກໄດ້ຍາກ, ພ້ອມນີ້ທາງບໍລິສັດສວນວັດທະນະທຳຊຽງຄວນຈຳກັດຜູ້ດຽວຈະນໍາເອົາວັດຖຸປັດໄຈຈໍານວນນີ້ໄປນຳໃຊ້ໃຫ້ຜູ້ປະສົບໄພນໍ້າຖ້ວມຢ່າງທົ່ວເຖິງ.

------------------

 ໜັງສືພິມເສດຖະກິດ-ສັງຄົມ

แชร์