ວິທີປູກເຫັດເຟືອງໃສ່ກະຕ່າ

  ເຫັດເຟືອງເປັນເຫັດທີ່ປູກ ງ່າຍ ແລະໃຊ້ເວລາໃນການປູກ ໜ້ອຍ ເມື່ອທຽບກັບການປູກເຫັດ ຊະນິດອື່ນໆ ພ້ອມທັງມີຄຸນຄ່າທາງ ອາຫານສູງຈຶ່ງເໝາະສົມທີ່ຈະແນະ ນຳວິທີການປູກໃຫ້ແກ່ຊາວກະສິ ກອນພາຍຫຼັງທີ່ສຳເລັດການກ່ຽວ ເຂົ້າແລ້ວ ຊຶ່ງໄລຍະນີ້ຊາວກະສິ ກອນຈະມີວັດສະດຸທີ່ຈະໃຊ້ປູກເປັນ ຈຳນວນຫຼາຍເຊັ່ນ: ຂີ້ເລື່ອຍ, ເຟືອງ ແຫ້ງ ແລະອື່ນໆ.

ອີງຈາກຄູ່ມືການປູກຝັງໃຫ້ຮູ້ ວ່າ: ວີທີປູກເຫັດເຟືອງໃສ່ກະຕ່າ ແມ່ນງ່າຍບໍ່ຫຍຸ້ງຍາກ ໂດຍກຽມ ອຸປະກອນວັດສະດຸທີ່ໃຊ້ໃນການປູກທີ່ໃຊ້ລວມມີ 9 ຢ່າງຄື: 1) ກະຕ່າພລາສຕິກ: ເປັນກະຕ່າມົນສຳ ເລັດຮູບມີຕາຫ່າງໃຫ້ໄດ້ປະມານ 1 ນີ້ວ,ກົ້ນກະຕ່າຕ້ອງຫ່າງສາ ມາດລະບາຍນໍ້າໄດ້ດີ ແລະເຫັດສາມາດລອດອອກມາໄດ້ທຸກດ້ານຂອງກະຕ່າລວມທັງດ້ານລຸ່ມ; 2) ວັດສະດຸປູກ: ຂີ້ເລື່ອຍ, ເປືອກມັນ ຕົ້ນ, ເຟືອງ, ເປືອກຖົ່ວເຫຼືອງ, ຂີ້ ອ້ອຍ; 3) ອາຫານເສີມ: ຜັກຕົບຈະຊ່ວຍໃຫ້ເຊື້ອເຫັດຈະເລີນເຕີບ ໂຕໄດ້ດີກ່ອນທີ່ເຊື້ອເຫັດຈະເຕີບ ໂຕໃນວັດສະດຸປູກອາຫານເສີມ ຕ້ອງເປັນວັດສະດຸທີ່ຍ່ອຍໄດ້ງ່າຍ ເກັບຄວາມຊຸ່ມໄດ້ດີ ຊຶ່ງເປັນແຫຼ່ງ ອາຫານພະລັງງານຂອງເຊື້ອ

ເຫັດ ຊຶ່ງຕັດເປັນຕ່ອນນ້ອຍໆໃນຮູບສະ ຫຼຽງສາມາດໃຊ້ໄດ້ທັງຕົ້ນໃບ ຮາກ, ນອກຈາກຜັກຕົບແລ້ວອາດ ໃຊ້ແປ້ງສາລີ, ຮໍາອ່ອນ ຫຼື ອາຫານ ເສີມສຳເລັດຮູບມາປະສົມກັບເຊື້ອ ເຫັດກ່ອນປູກ; 4) ເຊື້ອເຫັດ ເຟືອງທີ່ດີຖ້າເປັນເຊື້ອແບບຖົງສາມາດປູກໄດ້ 3 ກະຕ່າ; 5) ພລາສ ຕິກຄຸມວັດສະດຸການປູກເຫັດຖ້າປູກໃນສຸ່ມໄກ່ກໍ່ໃຫ້ໃຊ້ແບບເໝາະທີ່ຈະຄຸມກວ້າງປະມານ 1 ແມັດ ມາຄຸມຕິດຕໍ່ກັນ; 6) ອຸປະກອນ ອຳນວຍຄວາມສະດວກ: ໄມ້, ບົວ ຫົດນໍ້າ, ໄມ້ທຸບກ້ອນເຊື້ອເຫັດກະຕ່າ, ມີດ, ທີ່ຕັດວັດສະດຸປູກ; 7) ໂຄງໄມ້ໃຜ່ ຫຼື ສຸ່ມໄກ່ໃຊ້ໄວ້ ກວມກະຕ່າປູກເຫັດກ່ອນທີ່ຈະໃຊ້ ພລາສຕິກຄຸມ; 8) ໂຄງເຫຼັກສຳ ລັບຈັດວາງກະຕ່າ: ເຮັດດ້ວຍເຫຼັກ ແປ໋ບສູງ 2 ແມັດຫຼັງຄາເປັນຮູບ ໂຄ້ງຍົກໃຫ້ສູງຈາກພື້ນ 20 ຊັງ ຕີແມັດ ຫຼື ອາດຈະສ້າງຖາວອນແລ້ວແຕ່ຈຸດປະສົງຂອງການປູກ.

ສໍາລັບຂັ້ນຕອນການປູກ: 1) ຖ້າໃຊ້ຂີ້ເລື່ອຍ: ຕັກໃສ່ກະຕ່າທີ່ ກຽມໂດຍໂຮຍໃຫ້ສູງປະມານ 1-2 ນີ້ວ ຫຼື ສູງຈາກພື້ນກະຕ່າ 2 ຊ່ອງ ວ່າງໃຊ້ໄມ້ກົດລົງໃຫ້ແໜ້ນສຳລັບ ວັດຖຸອື່ນກໍ່ເຮັດຄືກັນ; 2) ຕັກອາ ຫານເສີມ (ຜັກຕົບ) ມາໃສ່ໂດຍ ໃຫ້ຕິດກັບຂອບກະຕ່າໜາປະມານ 1 ນີ້ວບໍ່ໃຫ້ຫຼາຍເກີນໄປເພາະຈະ ເຮັດໃຫ້ເຫັດເນົ່າເຊື້ອເຫັດບໍ່ຈະ ເລີນດີ; 3) ນຳເຊື້ອເຫັດອອກຈາກ ຖົງປະສົມກັບແປ້ງສາລີ 1 ບ່ວງ ແລ້ວແບ່ງເປັນ 3 ສ່ວນ, ເອົາເຊື້ອ ເຫັດສ່ວນທີ 1ມາໃສ່ຊັ້ນອາຫານ ເສີມ ໂດຍແບ່ງອອກໃຫ້ເປັນຕ່ອນ ນ້ອຍໆເທົ່າຫົວໂປ້ມືໃຫ້ທົ່ວ; ສ່ວນ ຂັ້ນຕອນທີ 4 ແລະ 5 ເຮັດຄືແບບ ຂັ້ນຕອນທີ 1, 2, 3 ໂດຍ ຕອນສຸດທ້າຍໂຮ່ຍຂີ້ເລື່ອຍ ຫຼື ວັດສະດຸ ອື່ນໜາປະມານ 1 ນິ້ວ ຕໍ່າກວ່າ ປາກກະຕ່າ 1 ຝາມື.

ຫຼັງຈາກເຮັດໝົດຕາມຂັ້ນຕອນ ແລ້ວກໍ່ໃຫ້ເອົານໍ້າສະອາດມາຫົດຈົນຊຸ່ມ (ຫ້າມໃຊ້ນໍ້າປະປາເພາະ ມີຄໍລີນ, ນໍ້າທີ່ມີລົດເຄັມ, ສົ້ມຈະເຮັດ ໃຫ້ເຊື້ອເຫັດບໍ່ອອກດອກຫຼາຍ)ຈຶ່ງນໍາມາໄວ້ທີ່ເຮືອນເພາະຖ້າໃຊສຸ່ມ ໄມ້ໃຜ່ແມ່ນວາງບໍ່ໃຫ້ກະຕ່າໃກ້ ເກີນໄປຕ້ອງຫ່າງປະມານ1ຄືບ.ຖ້າຢູ່ໃນໂຮງເຮືອນຕ້ອງຄວບຄຸມ ອຸນຫະພູມໃຫ້ຢູ່ໃນລະຫວ່າງ 37-40 ອົງສາ (1-8 ມື້) ແລຕ້ອງກວດອຸນຫະພູມໃຫ້ໄດ້ລະດັບຢູ່ ສະເໝີຫາກອຸນຫະພູມສູງຕ້ອງເປີດລະບາຍອາກາດກົງກັນຂ້າມຖ້າອຸນຫະພູມຕໍ່າຕ້ອງປິດຜ້າໃຫ້ສະໜິດໃຫ້ສັງເກດເບິ່ງນໍ້າຢູ່ພລາສຕິກຄຸມຖ້າເຫັນວ່າມີນໍ້າຄ້າງຖືວ່າໃຊ້ໄດ້ຖ້າບໍ່ມີໃຫ້ຫົດນໍ້າອ້ອມໂຮງເຮືອນໃຫ້ຊຸ່ມ,ຈາກນັ້ນປະມານມື້ທີ 8 ຂອງການເພາະຈະເຫັນເຊື້ອເຫັດສີຂາວເກີດຂຶ້ນແຕ່ບໍ່ຕ້ອງເປີດຜ້າ ເພາະຈະເຮັດໃຫ້ເຊື້ອເຫັດຟໍ ແລະຢຸດການຈະເລີນເຕີບໂຕຕ້ອງປະໄວ້ປະມານ 10-11 ມື້ ຈາກນັ້ນ ຈຶ່ງຄ່ອຍເກັບຜົນຜະລິດໄດ້.

ສ່ວນວິທີການເກັບ:ແມ່ນໃຊ້ປາຍມີດຕັດຕົ້ນເຫັດຊຶ່ງເລືອກເອົາດອກທີ່ໃຫຍ່ ໂດຍພະຍາຍາມບໍ່ໃຫ້ຖືກດອກທີ່ຍັງເຫຼືອຊຶ່ງຈະເຮັດໃຫ້ເຫັດຟໍຢຸດການຈະເລີນເຕີບໂຕສາມາດເກັບໄດ້ 2-5 ຄັ້ງ,ທັງນີ້ກໍຂຶ້ນວັດສະດຸໃນການປູກ ແລະວິທີການຮັກສາຊຶ່ງກະຕ່າໜຶ່ງເກັບເຫັດໄດ້ປະມານ 1-2 ກິໂລ.

-------------------

ໜັງສືພິມເສດຖະກິດ-ສັງຄົມ

แชร์