ຜູ້ປະສົບໄພສະໜາມໄຊ ຍົກລະດັບສາຂາວິຊາຊີບ

  ໃນທ້າຍອາທິດຜ່ານມາກະ ຊວງແຮງງານ ແລະສະຫວັດດີ ການສັງຄົມຮ່ວມກັບພະແນກແຮງ ງານ ແລະສະຫວັດດີການສັງຄົມ ແຂວງອັດຕະປືໄດ້ຈັດຊຸດຝຶກອົບຮົມວິຊາຊີບໃຫ້ປະຊາຊົນຊາວ ໜຸ່ມ-ໄວໜຸ່ມເມືອງສະໜາມໄຊ ທີ່ ໄດ້ຮັບຜົນກະທົບຈາກເຫດການ ຄູກັນນໍ້າເຂື່ອນໄຟຟ້າເຊປຽນ-ເຊ ນໍ້ານ້ອຍແຕກໃນປີຜ່ານມາທີ່ເມືອງ ສະໜາມໄຊ ແຂວງອັດຕະປື ໂດຍ ເປັນກຽດເຂົ້າຮ່ວມຂອງທ່ານນາງ ອຳຄາ ສີຫາລາດ ຫົວໜ້າພະແນກແຮງງານ ແລະສະຫວັດດີການສັງ ຄົມແຂວງອັດຕະປື, ມີທ່ານ ນາງ ຂັນທະລາຫຼວງລາດຫົວໜ້າພະແນກຄຸ້ມຄອງການພັດທະນາສີມື ແຮງງານກະຊວງແຮງງານ ແລະ ສະຫວັດດີການສັງຄົມ, ມີຮອງຫົວໜ້າພະແນການຂະໜງການ ອ້ອມຂ້າງແຂວງ, ວິທະຍາກອນ-ສຳມະນາກອນທີ່ໄດ້ຮັບຜົນກະທົບມາຈາກເມືອງສະໜາມໄຊເຂົ້າ ຮ່ວມ 200 ກວ່າຄົນ.

ທ່ານ ນາງ ອຳຄາ ສີຫາລາດ ຫົວໜ້າພະແນກແຮງງານ ແລະສະຫວັດດີການສັງຄົມແຂວງອັດ ຕະປື ໄດ້ກ່າວວ່າ: ຊຸດຝຶກອົບຮົມສາຂາອາຊີບໃຫ້ປະຊາຊົນແມ່ນມີຄວາມສຳຄັນຢ່າງຍິ່ງເພາະວ່າຈະເປັນການສົ່ງເສີມໃຫ້ປະຊາຊົນຊາວໜຸ່ມ-ໄວໜຸ່ມທີ່ບໍ່ມີວຽກເຮັດ ງານທຳບໍ່ມີລາຍໄດ້ ແລະກໍ່ຈະກາຍມາເປັນການສ້າງອາຊີບເສີມຂັ້ນພື້ນຖານໃຫ້ແກ່ຕົນເອງ ແລະ ຄອບຄົວ.

ຊຸດຝຶກອົບຮົມຄັ້ງນີ້ໄດ້ຮັບການສະໜັບສະໜູນອົງການຮ່ວມມືສາກົນສາທາລະນະລັດ ເກົາຫຼີ ຊຶ່ງ ຈະໄຊເວລາຢູ່ 60 ວັນ ແລະສຳມະນາກອນທີ່ນອນໃນ 13 ບ້ານທີ່ ຖືກປະສົບໄພພິບັດທີ່ເມືອງສະໜາມໄຊຈະໄດ້ຮຽນຮູ້ກ່ຽວກັບຫຼາຍສາຂາອາຊີບທີ່ແຕກຕ່າງກັນ ໂດຍສະເພາະຊ່າງສ້ອມແປງລົດຈັກ-ລົດໄຖນາ,ຊ່າງກະສິກຳປູກ ຝັງ-ລ້ຽງສັດ,ຊ່າງໄມ້ເພີນິເຈີ,ຊ່າງ ຕັດຫຍິບ,ປຸງແຕ່ງອາຫານ,ຊ່າງໄຟຟ້າໃນອາຄານ,ເສີມສວຍ,ຈັກສານແລະຕໍ່າຫູກ,ທັງນີ້ກໍ່ແມ່ນຊ່ວຍເຫຼືອປະຊາຊົນທີ່ຖືກຜົນກະທົບໄດ້ມີໂອກາດຍົກລະດັບສີມືແຮງງານຄວາມຮູ້ຄວາມສາມາດ ແລະປະກອບອາຊີບດ້ວຍຕົນຫຼຸດພົ້ນອອກຄວາມທຸກຍາກເທື່ອລະກ້າວ,ຊຸດຝຶກອົບຮົມແມ່ນຈະໄດ້ດຳເນີນໄປຮອດທ້າຍເດືອນພະຈິກຈິ່ງຈະສຳເລັດ.

..................

ໜັງສືພິມເສດຖະກິດ-ສັງຄົມ

• 01/10/2019