ເປີດງານວາງສະແດງລົດນາໆຊາດ

 ວັນທີ 30 ກັນຍາຜ່ານມາທີ່ສູນການຄ້າລາວ-ໄອເຕັກ ບໍລິສັດພີພີໄຊໂຍ ເອັນເຕີເທັນເມັນແອນອໍກະໄນເຊີ ຈຳກັດຜູ້ດຽວ ຮ່ວມກັບກົມສົ່ງເສີມການຄ້າໄດ້ຈັດພິທີເປີດງານວາງສະແດງລົດນາໆ ຊາດພາຍໃຕ້ຫົວຂໍ້ “ຖືກ, ປະຢັດ ແລະ ທັນສະໄໝ” ໂດຍເຂົ້າຮ່ວມຂອງທ່ານ ວຽງສະຫວັດ ສີພັນດອນ ຮອງລັດຖະມົນຕີກະຊວງໂຍທາທິ ການ ແລະຂົນສົ່ງ, ທ່ານ ໄຊສົມເພັດ ນໍລະສິງ ຫົວໜ້າກົມສົ່ງ ເສີມການຄ້າກະຊວງອຸດສາຫະກຳ ແລະ ການຄ້າ, ທ່ານ ພອນຈັນ ເພັງສຸວັນ ຜູ້ອຳນວຍການບໍລິສັດພີພີໄຊໂຍເອັນເຕີເທັນເມັນແອນອໍກະໄນເຊີ ຈຳກັດຜູ້ດຽວ ພ້ອມດ້ວຍບັນດາບໍລິສັດ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

 ທ່ານ ພອນຈັນ ເພັງສຸວັນ ກ່າວວ່າ: ຈຸດປະສົງຫຼັກຂອງການຈັດງານວາງສະແດງລົດນາໆຊາດວຽງຈັນມໍເຕີເອັກສະໂປ 2019 (Vientiane Motor Expo     2019) ຄັ້ງນີ້ ເພື່ອເປັນການຕອບໂຈດໃຫ້ກັບບັນດາບໍລິສັດ, ຫ້າງຮ້ານທີ່ຈຳໜ່າຍລົດ ແລະຜະລິດຕະພັນຕົບແຕ່ງລົດລວມໄປເຖິງຄວາມທັນສະໄໝນະວະຕະກຳໃໝ່ທີ່ລໍ້າຍຸກຄືລົດໄຟຟ້າທີ່ປະຢັດພະລັງງານພ້ອມໃຫ້ທຸກຄົນມາສຳຜັດເປັນລົດທີ່ໃຊ້ໄດ້ຕົວຈິງ ແລະສາມາດທົດລອງຂັບໄດ້ໂດຍບໍ່ເສຍຄ່າສຳລັບງານວາງສະແດງລົດຄັ້ງນີ້ໄດ້ຈັດຂຶ້ນລະຫວ່າງວັນທີ 28 ກັນຍາຫາ 6 ຕຸລາ2019 ທີ່ສູນການຄ້າລາວ-ໄອເຕັກ.

  ພາຍໃນງານວາງສະແດງລົດວຽງຈັນມໍເຕີເອັກສະໂປ 2019 ແມ່ນຈະມີກິດຈະກຳຫຼາກຫຼາຍຢ່າງຊຶ່ງຄົນທີ່ເຂົ້າມາຮ່ວມງານຈະມີສິດລຸ້ນໂຊກຮັບເອົາຂອງລາງວັນບໍ່ວ່າຈະເປັນສາຍຄໍຄຳ, ພວງກະແຈ, ເສື້ອຢືດ, ບັດສ່ວນຫຼຸດ ເຄືອບແກ້ວລົດ, ບັດລອຍນໍ້າ, ບັດຊົມຮູບ ເງົາເມເຈີ້, ກາຈໍ້າເພື່ອແລກລາງວັນ ແລະ ອື່ນໆ ພິເສດທຸກຄົນທີ່ຊື້ ຫຼືຈອງລົດພາຍໃນງານຈະໄດ້ຮັບອັດຕາດອກເບ້ຍ 0,50% ຈາກສິນເຊື່ອທະນາຄານມາຣູຮານເຈແປນລາວ, ເຂົ້າຊົມຄອນເສີດຈາກສິລະປິນໂດຍບໍ່ເສຍຄ່າ ແລະອື່ນໆ.

------------------

ໜັງສືພິມເສດຖະກິດ-ສັງຄົມ

แชร์