ໄຟຟ້າຫົງສາ ສະໜັບສະໜູນບຸນຊ່ວງເຮືອ 70 ລ້ານກີບ

 ບໍລິສັດໄຟຟ້າຫົງສາຈໍາກັດໄດ້ສະໜັບສະໜູນງົບປະມານລວມມູນຄ່າທັງໝົດ 70 ລ້ານກີບ ເຂົ້າໃນການຈັດງານປະເພນີບຸນ ຊ່ວງເຮືອ ເມືອງຫົງສາ ແຂວງໄຊຍະບູລີ ປະຈໍາປີ 2019 ທີ່ຈະຈັດຂຶ້ນໃນລະຫວ່າງວັນທີ 5-6 ຕຸ ລານີ້.

ພິທີມອບຮັບການສະໜັບສະໜູນດັ່ງກ່າວໄດ້ມີຂຶ້ນໃນວັນທີ 30 ກັນຍາ 2019 ທີ່ຫ້ອງການປົກຄອງເມືອງຫົງສາ, ໃຫ້ກຽດມອບຂອງທ່ານ ຄະທາຢຸດຊູພູນ ຜູ້ອໍານວຍການໃຫຍ່ບໍລິສັດໄຟຟ້າຫົງສາຈໍາກັດ ແລະຮັບໂດຍທ່ານ ຄໍາຫຼ້າ ຜິວວັນນາ ເຈົ້າເມືອງໆຫົງສາ ໂດຍມີການນໍາເມືອງ, ເຈົ້າໜ້າທີ່ຈາກຫ້ອງການທີ່ກ່ຽວຂ້ອງ,ອໍານາດການປົກຄອງບ້ານ ແລະພະນັກງານໄຟຟ້າຫົງສາເຂົ້າຮ່ວມ.

ທ່ານ ຄະທາຢຸດ ຊູພູນ ກ່າວ ວ່າ:ການສະໜັບສະໜູນງານປະເພນີບຸນຊ່ວງເຮືອເມືອງຫົງສາປະ ຈໍາປີ 2019 ນີ້ ລວມມູນຄ່າທັງ ໝົດ 70 ລ້ານກີບໃນນັ້ນ ແບ່ງ ອອກເປັນເງິນສົດ 30 ລ້ານກີບ ແລະເສື້ອສີພາຍ 16 ບ້ານ ເປັນ ເງິນ 40 ລ້ານກີບ, ທັງນີ້ ກໍເພື່ອສະແດງເຖິງການໃຫ້ຄວາມສໍາຄັນກັບງານບຸນປະເພນີທີ່ດີງານຂອງຊາວ ເມືອງຫົງສາ ແລະຮ່ວມເປັນສ່ວນໜຶ່ງໃນການອະນຸລັກຮັກສາຮີດຄອງປະເພນີ,ຮັກສາວັດທະນາທໍາ ແລະຮ່ວມສ້າງຄວາມສາມັກຄີໃຫ້ເກີດຂຶ້ນພາຍໃນຊຸມຊົນ.

ສໍາລັບງານປະເພນີບຸນຊ່ວງ ເຮືອ ເມືອງຫົງສາປະຈໍາປີ 2019 ແມ່ນຈະຈັດຂຶ້ນໃນລະຫວ່າງວັນທີ 5-6 ຕຸລາ 2019 ທີ່ ທ່າຊ່ວງເຮືອບ້ານສີບຸນເຮືອງ.

 ----------------------

 ໜັງສືພິມເສດຖະກິດ-ສັງຄົມ

แชร์