9 ເດືອນເມືອງໄຊບູລີ ອອກໃບຕາດິນໄດ້ພຽງ 28,23%

    ຫ້ອງການຊັບພະຍາກອນ ທໍາມະຊາດ ແລະສິ່ງແວດລ້ອມ ເມືອງໄຊບູລີໄດ້ຈັດກອງປະຊຸມສະຫຼຸບວຽກງານການອອກໃບຕາດິນ 9 ເດືອນ ແລະທິດທາງແຜນການ3 ເດືອນທ້າຍປີ 2019 ໂດຍ ການເຂົ້າຮ່ວມຂອງທ່ານພູທອນຍອດບຸນເຮືອງຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງສະຫວັນນະເຂດ, ທ່ານ ອ່ອນລໍາພັນ ບົວສີ ແກ້ວ ເຈົ້າເມືອງໆໄຊບູລີ, ມີພາກສ່ວນກ່ຽວຂ້ອງຕະຫຼອດເຖິງອໍານາດການປົກຄອງບ້ານ,ກຸ່ມເປົ້າໝາຍໃນການອອກໃບຕາດິນເຂົ້າ ຮ່ວມ.

ທ່ານ ຄໍາໝັນ ສຸພິຫາລາດ ຫົວໜ້າຫ້ອງການຊັບພະຍາກອນ ທໍາມະຊາດ ແລະສິ່ງແວດລ້ອມ ເມືອງກໍ່ໄດ້ຜ່ານບົດສະຫຼຸບວຽກ ງານການອອກໃບຕາດິນ 9 ເດືອນ ຂອງປີ 2019 ຊຶ່ງແຂວງມອບ ຕົວເລກສູ້ຊົນໃຫ້ເມືອງປະຕິບັດ ການອອກໃບຕາດິນໃຫ້ໄດ້ 8.000 ຕອນ, ຜ່ານການຈັດຕັ້ງປະຕິບັດແມ່ນເຫັນວ່າຍັງມີຄວາມຊັກຊ້າພໍ່ ສົມຄວນຖ້າທຽບໃສ່ປີທີ່ຜ່ານມາປະຕິບັດໄດ້ພຽງແຕ່ 28,23% ມາຮອດໃນປະຈຸບັນ, ທາງຫ້ອງ ການຊັບພະຍາກອນທໍາມະຊາດ ແລະສິ່ງແວດລ້ອມເມືອງ ພ້ອມກັບ ພະແນກຊັບພະຍາກອນທໍາມະຊາດ ແລະສິ່ງແວດລ້ອມແຂວງກໍໄດ້ສຸມ ໃສ່ວຽກງານການອອກໃບຕາດິນ ໃນປີ 2019, ເຫັນວ່າສາມາດ ຈັດຕັ້ງປະຕິບັດໄດ້ດັ່ງນີ້: ສໍາຫຼວດ ວັດແທກໄດ້ 2.258 ຕອນ ໃນນັ້ນ ປະກອບເອກະສານໄດ້ 2.258 ຕອນ, ປ້ອນຂໍ້ມູນ 1.826 ຕອນ, ຈັດປະເພດໄດ້ 274 ຕອນ, ປະ ກາດຫາຜູ້ຄັດຄ້ານ 1.082 ຕອນ ແລະສົ່ງແຂວງໄດ້ພຽງແຕ່ 21 ຕອນ ຈາກນີ້ກໍ່ໄດ້ລົງສໍາຫຼວດວັດ ແທກອອກໃບຕາດິນທຽບໃສ່ຕົວ ເລກສະຖິຕິສໍາມະໂນທີ່ິດິນແມ່ນ ສໍາເລັດແລ້ວ 9 ບ້ານຄື: ບ້ານທ່າ ຄໍ້, ນາສັງ, ນາຊຽງຄານ, ແກ້ງ ໂພສີ,ເວີນເໜືອ,ບຶງເຊ,ຫາດຊາຍສູງ, ໂພນທັນ ແລະບ້ານດ້າງສະຫວັນສ່ວນ 45 ບ້ານແມ່ນໄດ້ຈັດ ຕັ້ງປະຕິບັດແລ້ວສ່ວນໜຶ່ງ ແລະ ຄາດວ່າຈະສູ້ຊົນປະຕິບັດອອກໃບຕາດິນຖາວອນໃນ 3 ເດືອນທ້າຍ ປີ 2019 ໃຫ້ສໍາເລັດ.

ໂອກາດດັ່ງກ່າວ, ທ່ານເຈົ້າ ເມືອງກໍຍັງໄດ້ໃຫ້ຄໍາຄິດເຫັນ ແລະຮຽກຮ້ອງເຖິງບັນດາພະນັກງານວິຊາການໜ່ວຍງານທີ່ກ່ຽວຂ້ອງຈົ່ງນໍາພາຈັດຕັ້ງປະຕິບັດຂຸ້ນຂ້ຽວ,ກະຕຸກຊຸກຍູ້ຮ່ວມໃຈກັນໃນການອອກໃບຕາດິນໃຫ້ເປັນໄປຕາມລະບຽບຫຼັກການ ເພາະໃນການອອກໃບ ຕາດິນນີ້ແມ່ນສະດວກຕໍ່ການຄອບຄອງດິນຂອງຕົນເອງຢ່າງຖືກ ຕ້ອງ.

----------------

ໜັງສືພິມເສດຖະກິດ-ສັງຄົມ

แชร์