ປະຊາຊົນ 92 ຄອບຄົວຮັບເງິນຊົດເຊີຍຈາກທາງລົດໄຟລາວ-ຈີນ

  ພິທີມອບເງິນຊົດເຊີຍໃຫ້ແກ່ຜູ້ທີ່ຖືກໂຄງການທາງລົດໄຟລາວ-ຈີນ ຈຳນວນ 5 ບ້ານ ຢູ່ເມືອງໄຊ ແຂວງອຸດົມໄຊ ໄດ້ຈັດຂຶ້ນໃນວັນທີ 26 ກັນຍາ ຜ່ານມາທີ່ບ້ານນາສ້າວ ເມືອງໄຊ ເຂົ້າຮ່ວມມີ ທ່ານ ສົມຈິດ ປັນຍາສັກ ຮອງເຈົ້າແຂວງໆອຸດົມໄຊແລະປະຊາຊົນເຂົ້າຮ່ວມ.

   ພິທິແມ່ນໄດ້ຮັບຟັງການລາຍງານສະພາບການຈັດຕັ້ງປະຕິບັດວຽກງານການເຄື່ອນໄຫວຂອງຄະນະຮັບຜິດຊອບຊຳລະຮັບຜິດຊອບຊຳລະຄ່າຊົດເຊີຍຜົນກະທົບສິ່ງກີດ ຂວາງ ໂຄງການກໍ່ສ້າງທາງລົດໄຟ-ລາວຈີນ, ຊ່ວງຜ່ານເມືອງໄຊ ຊຶ່ງເມືອງໄຊແມ່ນມີ 5 ບ້ານຄື: ບ້ານນາສ້າວ, ບ້ານນາໝີ, ບ້ານຫ້ວຍຂຸມ, ບ້ານປາງແມງ ແລະບ້ານຫ້ວຍຢຳລວມທັງໝົດຈຳນວນ  92ຄອບຄົວລວມມູນຄ່າ 24,08 ຕື້ກີບ ແລະການຊຳລະເງິນຊົດເຊີຍຄັ້ງນີ້ເປັນງວດ 2 ຂອງການຊົດເຊີຍຊຶ່ງຜ່ານມາຄະນະຮັບຜິດ ຊອບແມ່ນໄດ້ເຮັດໜ້າທີ່ປຸກລະດົມທາງດ້ານແນວຄິດການເມືອງໃຫ້ແກ່ປະຊາຊົນໄດ້ຮັບຮູ້ ແລະເຂົ້າໃຈເຖິງແນວທາງນະໂຍບາຍຂອງພັກ-ລັດທີ່ມີຕໍ່ວຽກງານການພັດ ທະນາປະເທດຊາດບ້ານເມືອງເຮັດໃຫ້ປະຊາຊົນເຂົ້າໃຈ ແລະຍອມເສຍສະຫຼະຊັບສົມບັດອັນມີຄ່າຂອງຕົນໃຫ້ແກ່ພັກ-ລັດ.

  ໂອກາດນີ້ ທ່ານ ສົມຈິດ ປັນຍາສັກ ກໍໄດ້ມອບເງິນຈຳນວນ 24 ຕື້ກວ່າກີບ ໃຫ້ແກ່ປະຊາຊົນຈຳນວນ 5 ບ້ານ ໂດຍແມ່ນນາຍບ້ານ5 ບ້ານ ຕາງໜ້າປະຊາຊົນຮັບ.

-----------------

ຂຽນໂດຍ: ແສງອາທິດ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 30/09/2019