ເກີດແຜ່ນດິນໄຫວໃນອິນໂດເນເຊຍເສຍຊີວິດ 20 ຄົນ

ວັນທີ 26 ກັນຍາຜ່ານມາເກີດເຫດແຜ່ນດິນໄຫວຂະໜາດ 6,5 ຣິກເຕີຖະຫຼົ່ມໝູ່ເກາະໂມລຸກກະຂອງອິນໂດເນເຊຍ ເບື້ອງຕົ້ນພົບຜູ້ເສຍຊີວິດຢ່າງໜ້ອຍ 20 ຄົນ ແລະໄດ້ຮັບບາດເຈັບ 100 ຄົນ.

ຕາມຂ່າວຕ່າງປະເທດລາຍ ງານວ່າ ເກີດເຫດແຜ່ນດິນໄຫວ 6,5 ຣິກເຕີໃນອິນໂດເນເຊຍໃນເວລາປະມານ 7 ໂມງ 45 ນາທີ ຂອງວັນທີ 26 ກັນຍາ (ຕາມເວ ລາຂອງບ້ານເຮົາ) ເຮັດໃຫ້ມີຜູ້ ເສຍຊີວິດຢ່າງໜ້ອຍ 20 ຄົນ ໃນ ຈຳນວນນີ້ເປັນເດັກນ້ອຍ1 ຄົນ ແລະໄດ້ຮັບບາດເຈັບຢ່າງໜອ້ຍ 100 ຄົນ ພ້ອມອົບພະຍົບປະຊາຊົນຫຼາຍກວ່າ 2.000 ຄົນ, ນອກ ຈາກນີ້ບາງສ່ວນຂອງອາຄານແຫ່ງໜຶ່ງໃນມະຫາວິທະຍາໄລອິດສະລາມຖະຫຼົ່ມລົງມາແລະມີຂົວ ລວມເຖິງສະຖານທີ່ລາດຊະການ ແລະບ້ານເຮືອນຈຳນວນຫຼາຍໄດ້ ຮັບຄວາມເສຍຫາຍ, ໂດຍທ່ານ ຣາມັດຕຣີໂຢໂນ ຜູ້ອຳນວຍການສຳນັກອຸຕຸນິຍົມວິທະຍາ ແລະທໍລະນີຟິຊິກ (ບີເອັມເຄຈີ) ເປີດ ເຜີຍວ່າຄວາມຮຸນແຮງຂອງແຜ່ນ ດິນໄຫວຮັບຮູ້ໄດ້ທົ່ວເມືອງອໍບົນ ແລະບໍລິເວນໃກ້ຄຽງ.

ສຳນັກງານສໍາຫຼວດທໍລະນີວິທະຍາຂອງອາເມລິກາລະບຸວ່າ ແຜ່ນດິນໄຫວມີຄວາມຮຸນແຮງ 6,5 ຣິກເຕີ ໂດຍຈຸດສູນກາງແຜ່ນ ດິນໄຫວຢູ່ຫ່າງຈາກເມືອງອໍບົນ ໄປທາງຕາເວັນອອກສຽງເໜືອປະມານ 37 ກິໂລແມັດ ແລະຈຸດ ສູນກາງຂອງແຜ່ນດິນໄຫວຢູ່ເລິກ ລົງໃຕ້ພື້ນດິນ 29 ກິໂລແມັດຫຼັງຈາກນັ້ນກໍເກີດອາບເຕີຊອກ ຕາມມາຢ່າງໜ້ອຍ 2 ເທື່ອ.

-------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์