ຂ່າວລື! ຊອງ ເຮຄຽວ ອາດຕັດສິນໃຈ ຮຽນຕໍ່ຢູ່ອາເມລິກາ

  ກາຍເປັນປະເດັນທີ່ສ້າງ ຄວາມຫວັ່ນໃຈໃຫ້ກັບແຟນໆເຫຼືອ ເກີນຫຼັງຈາກສື່ດັງເປີດເຜີຍຂ່າວ ລືນາງເອກຊຸບຕາ ຊອງ ເຮຄຽວ ທີ່ພົບກັບມໍລະສຸມຊີວິດຄອບຄົວທີ່ຫາກໍຢ່າຮ້າງກັບອະດີດສາມີພະເອກດັງຊົງຈຸງກິອາດຈະຕັດສິນໃຈໄປຮຽນຕໍ່ທີ່ອາເມລິກາແບບດົນໆຫຼັງຈາກທີ່ລາວຫາກໍຮຽນໄລ ຍະສັ້ນໆຢູ່ທີ່ສະຖາບັນສິນລະປິນແຫ່ງໜຶ່ງໃນນະຄອນນີວຢອກ ແລະຢູ່ດົນແບບຕໍ່ເນື່ອງໃນໄລຍະເທສະການຊູຊ໊ອກລະຫວ່າງວັນທີ 12-14 ກັນຍາທີ່ຜ່ານມາ ແລະຈົນເຖິງປະຈຸບັນນີ້ກໍຍັງບໍ່ໄດ້ລະບຸວັນເດີນທາງ ກັບ ສ.ເກົາຫຼີ.

ຈົນເຮັດໃຫ້ແຟນໆຮູບເງົາ ແລະຊາວເນັດຕ່າງຖົກຖຽງກັນວ່າ ຊອງ ເຮຄຽວ ອາດຈະຮຽນຕໍ່ແບບໄລ ຍະຍາວໄປເລີຍຫຼັງຈາກລາວຈົບການສຶກສາປະລິນຍາຕີສາຂາສີລະປະຮູບເງົາຈາກມະຫາວິທະຍາ ໄລເຊຈົງກ່ອນຈະມຸ່ງເຮັດວຽກໃນ ວົງການບັນເທິງແບບຕໍ່ເນື່ອງແຕ່ ແຟນໆຮູບເງົາກໍຮູ້ກັນດີວ່າການຮຽນຕໍ່ເປັນສິ່ງທີ່ຊອງເຮຄຽວໃຝ່ ຝັນມາໂດຍຕະຫຼອດ.

ທັງນີ້ຫຼັງຈາກຂ່າວດັງເປັນປະ ເດັນຖົກຖຽງກັນເລື້ອຍໆ ຢູໄນເຕັດ ອາຕິສ ເອເຈນຊີ ຕົ້ນສັງດຂອງນາງເອກດັງກໍອອກມາຊີ້ແຈງວ່ານີ້ຄືເລື່ອງສ່ວນຕົວສຳ  ລັບລາວດັ່ງນັ້ນເຮົາຈຶ່ງບໍ່ຮູ້ຫຍັງ ກ່ຽວກັບເລື່ອງນີ້.

--------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 30/09/2019