ເມືອງໄຊທານີ ປະກາດ 2 ບ້ານວັດທະນະທໍາ

 ເມື່ອວັນທີ 27 ກັນຍາ2019, ເມືອງໄຊທານີນະຄອນ ຫຼວງວຽງຈັນໄດ້ຈັດພິທີປະກາດຮັບຮອງເອົາບ້ານຫ້ວຍເຕີຍ ແລະຫ້ວຍແດນເມືອງກຸ່ມດົງໂດກເປັນ ບ້ານວັດທະນະທໍາແຫ່ງທີ 88 ຂອງເມືອງ ແລະເປັນແຫ່ງທີ 464 ຂອງນະຄອນຫຼວງວຽງຈັນ ໂດຍ ໃຫ້ກຽດເຂົ້າຮ່ວມຂອງທ່ານ ຄໍາປະດິດ ເຂັມມານິດເຈົ້າເມືອງໄຊທານີ, ທ່ານ ນາງ ວະໄລວອນ ຈັນທະລາຕລີ ຫົວໜ້າພະແນກຖະແຫຼງຂ່າວວັດທະນະທໍາ ແລະທ່ອງທ່ຽວນະຄອນຫຼວງວຽງຈັນ,ທ່ານບົວລີ ແກ້ວມະນີວັນ ຫົວໜ້າຫ້ອງການ ຖວທ ເມືອງໄຊທານີ,ມີຄະ ນະພັກຮາກຖານ,ເລຂາພັກບ້ານ,ນາຍບ້ານພ້ອມດ້ວຍປະຊາຊົນບ້ານດັ່ງກ່າວເຂົ້າຮ່ວມ.

ທ່ານ ແກ້ວ ສີຊົມພູ ນາຍບ້ານ ຫ້ວຍເຕີຍ ໄດ້ລາຍງານກ່ຽວກັບ ໂຄງການສ້າງຄອບຄົວ ແລະບ້ານ ວັດທະນະທໍາໃນໄລຍະຜ່ານມາ ຊຶ່ງກຸ່ມດົງໂດກ ປະກອບມີ 8 ບ້ານຄື: ບ້ານດົງໂດກ,ສະພັງມຶກ, ໂນນ ແສງຈັນ,ນາທົ່ມ,ວຽງແກ້ວ, ໜອງວຽງຄໍາ,ຫ້ວຍເຕີຍ ແລະ ບ້ານຫ້ວຍແດນເມືອງ, ຊຶ່ງໃນໄລ ຍະຜ່ານມາ ໄດ້ປະກາດແລ້ວ 6 ບ້ານຍັງຈໍານວນ 2 ບ້ານຄື ບ້ານ ຫ້ວຍເຕີຍ ແລະບ້ານຫ້ວຍແດນ ເມືອງ; ສະເພາະບ້ານຫ້ວຍເຕີຍ ມີພົນລະເມືອງ ທັງໝົດ 1.787 ຄົນ ເປັນຍິງ 887 ຄົນ, ລວມມີ 402 ຄອບຄົວ ມີ 419 ຫຼັງຄາ ເຮືອນແບ່ງເປັນ 23 ໜ່ວຍ, ປະຊາຊົນຖືສາສະໜາພຸດ 97,01%,ຊຶ່ງໄດ້ຮັບໃບຢັ້ງຢືນຄອບຄົວວັດທະນະທໍາແລ້ວ 392 ຄອບ ຄົວ ເທົ່າກັບ 97,45%; ສ່ວນບ້ານ ຫ້ວຍແດນເມືອງ ແມ່ນມີພົນລະ ເມືອງທັງໝົດ 1.240 ຄົນ ເປັນ ຍິງ 608 ຄົນ, ລວມມີ 295 ຄອບຄົວ ມີ 247 ຫຼັງຄາ

ເຮືອນ ແບ່ງເປັນ 24 ໜ່ວຍ, ປະຊາຊົນຖື ສາສະໜາພຸດ 95% ແລະໄດ້ຮັບ ໃບຢັ້ງຢືນຄອບຄົວວັດທະນະທໍາແລ້ວ 284 ຄອບຄົວ ເທົ່າກັບ 96,27%.ຜ່ານການປະເມີນຜົນຂອງຄະນະຮັບຜິດຊອບໂຄງການສ້າງ ຄອບຄົວ ແລະບ້ານວັດທະນະທໍາຂອງເມືອງໄຊທານີ ໂດຍສົມທົບ ກັບອົງການປົກຄອງບ້ານ ແລະ ພໍ່ແມ່ປະຊາຊົນທັງ 2 ບ້ານ ນັບແຕ່ຕົ້ນປີ 2008 ເປັນຕົ້ນມາ ໂດຍອີງໃສ່ 5 ມາດຖານ 5 ບາດກ້າວວັດ ແທກ ເຫັນວ່າມີມາດຖານເງື່ອນ ໄຂຄົບຖ້ວນທີ່ຈະສ້າງເປັນບ້ານວັດທະນະທໍາເປັນຕົ້ນແມ່ນຈຸດພິເສດ ທາງດ້ານທີ່ຕັ້ງພູມລໍາເນົາມີຄວາມສະດວກໃນການຕິດຕໍ່ພົວພັນສັງ ຄົມຕ່າງໆເຊັ່ນ: ການຄ້າຂາຍ,ການບໍລິການ,ເສັ້ນທາງຄົມມະ ນາຄົມໄປມາສະດວກສະບາຍ, ເປັນຈຸດສຸມທາງດ້ານກະສິກໍາ, ພື້ນ ຖານໂຄງລ່າງໄດ້ຮັບການພັດທະນາ ຊຶ່ງເປັນທ່າແຮງສໍາຄັນປະກອບສ່ວນໃຫ້ແກ່ການພັດທະນາ ທາງດ້ານການເມືອງແນວຄິດ, ປ້ອງກັນຊາດ, ປ້ອງກັນຄວາມສະຫງົບ ແລະເສດຖະກິດ-ສັງຄົມຂອງເມືອງໄຊທານີກໍຄືນະຄອນ ຫຼວງວຽງຈັນ.

ດ້ວຍເຫດຜົນດັ່ງກ່າວເມືອງໄຊທານີຈຶ່ງໄດ້ປະກາດຮັບຮອງເອົາ ບ້ານຫ້ວຍເຕີຍ ແລະບ້ານຫ້ວຍແດນເມືອງ ເປັນບ້ານວັດທະນະທຳແຫ່ງ ທີ 88 ຂອງເມືອງ ແລະເປັນແຫ່ງທີ 464 ຂອງນະຄອນຫຼວງວຽງຈັນ.

---------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์