ແອັບເປິ້ນອາດໃຊ້ໜ້າຈໍໂອແລລອີດີ ຂອງບີໂອອີສຳລັບໄອໂຟນໃນປີໜ້າ

 Nikkei ລາຍງານວ່າ Apple ໄດ້ຢູ່ໃນຂັ້ນຕອນສຸດທ້າຍຂອງການຮັບຮອງໜ້າຈໍ OLED ຂອງ BOE ສຳລັບໃຊ້ໃນ iPhone ລຸ້ນຕໍ່ໄປໃນອະນາຄົດ ໂດຍໜ້າຈໍມ້ວນພັບໄດ້ດັ່ງກ່າວກຳລັງໄດ້ຮັບການທົດສອບຢ່າງຈິງຈັງຊຶ່ງຈະຍິ່ງເພີ່ມຄວາມເປັນໄປໄດ້ທີ່ Apple ຈະນຳແຜງໜ້າຈໍ BOE ຈາກ ສປ ຈີນມາໃຊ້ເປັນຄັ້ງທຳອິດ.

ມີລາຍງານວ່າທາງ Apple ຈະຕັດສີນໃຈພາຍໃນທ້າຍປີ 2019  ນີ້ວ່າຈະໃຊ້ BOE ເປັນຊັບລາຍ ເອີແຜງໜ້າຈໍ OLED ສຳລັບ iPhone ທຸກລຸ້ນໃນປີ 2020 ຫຼື ບໍ່ ເພື່ອຫຼຸດການເພິ່ງພາ Samsung ແຕ່ພຽງບໍລິສັດດຽວ ໂດຍ ແຫຼ່ງຂ່າວວົງໃນໄດ້ລາຍງານວ່າແຜງໜ້າຈໍ BOE ມີລາຄາຖືກ ກວ່າຂອງ Samsungເຖິງ 20 %.

ມີລາຍງານມາໄລຍະໜຶ່ງວ່າ Apple ຈະແບ່ງສາຍການຜະລິດ ແຜງໜ້າຈໍ OLED ໂດຍມີ Samsung ເປັນຊັພພລາຍເອີຫຼັກຈົນກະທັ່ງເມື່ອປີ 2018 ໄດ້ມີລາຍ ງານວ່າ Apple ໄດ້ເຈລະຈາກັບ BOE ໃນການຜະລິດແຜງໜ້າຈໍ OLED ໃຫ້ກັບ iPhone ໃນອະ ນາຄົດ.

 ເມື່ອເດືອນມີນາ 2019 ທີ່ຜ່ານມາ BOE ໄດ້ສະແດງທ່າທີວ່າຈະຜະລິດແຜງໜ້າຈໍ OLED ໃຫ້ກັບ Apple ແລະເມື່ອເດືອນກໍລະກົດ 2019 ທີ່ຜ່ານມາກໍຍິ່ງ ມີຄວາມເປັນໄປໄດ້ສູງເມື່ອຍີ່ປຸ່ນມີບັນຫາໃນການສົ່ງອອກກັບ ສ ເກົາຫຼີ ຊຶ່ງສົ່ງຜົນກະທົບຕໍ່ Samsung ໃນການຜະລິດແຜງໜ້າຈໍ OLED ດ້ວຍເໝືອນກັນ.

ພາບ ແລະຂາ່ວຈາກ-ໜັງສຶພິມເສດຖະກິດ-ສັງຄົມ

แชร์