ຝຶກອົບຮົມຄູຝຶກກີລາບານເຕະ ແລະກໍາມະການຕັດສິນ

  ພະແນກສຶກສາທິການ ແລະ ກີລາແຂວງ (ສກຂ) ບໍລິຄຳໄຊ ຮ່ວມກັບສະຫະພັນບານເຕະແຫ່ງ ຊາດລາວ (ສຕລ) ຈັດຝຶກອົບຮົມໃຫ້ກັບຄູຝຶກກີລາບານເຕະຂັ້ນພື້ນຖານ ແລະຈັດຝຶກອົບຮົມຄູຝຶກກຳມະການຕັດສິນບານເຕະໃຫ້ກັບ ບັນດາຂະແໜງການສຶກສາ-ກີລາຂັ້ນແຂວງ ແລະຂັ້ນເມືອງ ເພື່ອເປັນການສ້າງຄວາມເຂັ້ມແຂງ ແລະເພີ່ມຂີດຄວາມສາມາດທາງ ດ້ານວິຊາການໃຫ້ກັບຜູ້ເຂົ້າຮ່ວມ ຝຶກອົບຮົມ.

ການຝຶກອົບຮົມຄັ້ງນີ້ໄດ້ມີຂຶຶ້ນໃນວັນທີ 24 ກັນຍາ 2019 ທີ່ ຫ້ອງປະຊຸມໃຫຍ່ສູນພັດທະນາຄູ ບ້ານຫຼັກສີ່ ເມືອງປາກຊັນ ແຂວງ ບໍລິຄຳໄຊ ເຂົ້າຮ່ວມຂອງທ່ານ ວຽງທອງ ພົນທະຈັກ ຄະນະພະແນກສຶກສາ ແລະກີລາແຂວງບໍ ລິຄຳໄຊ, ທ່ານ ພອນແກ້ວພູວິໄລອຳນວຍການບໍລິສັດພອນແກ້ວຮອງປະທານສະຫະພັນບານເຕະແຂວງບໍລິຄຳໄຊ, ທ່ານ ສົມສັກແກ້ວດາລາ ຮອງຫົວໜ້າພະແນກເຕັກນິກ-ວິທະຍາ ສະຫະພັນບານເຕະແຫ່ງຊາດລາວ, ທ່ານ ສີປະ ເສີດ ສິນບັນດິດ ຫົວໜ້າພະແນກ ກຳມະການຕັດສິນພ້ອມດ້ວຍພະ ນັກງານວິຊາການທີ່ກ່ຽວຂ້ອງ ແລະນັກສຳມະກອນເຂົ້າຮ່ວມ.

ສຳລັບຈຸດປະສົງໃນຝຶກອົບ ຮົມຄູຝຶກບານເຕະຂັ້ນພື້ນຖານ (LFF ‘’ D ‘’ Certificate Coaching Course 2019) ກໍເພື່ອ ເສີມສ້າງພັດທະນາຄູຝຶກຮຸ່ນສືບທອດກີລາບານເຕະໃຫ້ໄດ້ທົ່ວທຸກ ເຂດທີ່ຫ່າງໄກ, ເພື່ອນຳໃຊ້ການ ຝຶກສອນທັກສະກີລາບານເຕະຂັ້ນພື້ນຖານໃຫ້ຖືກຕ້ອງຕາມຂັ້ນຕອນ ແລະມີຄວາມຄ່ອງແຄ້ວ, ເພື່ອປັບປຸງ ແລະພັດທະນາຄູຝຶກໃຫ້ມີ ຄວາມຮູ້ຄວາມສາມາດໃນການ ເຂົ້າຮ່ວມການອົບຮົມຄູຝຶກລະດັບ ພາກພື້ນຂອງອາຊີຕາມລຳດັບອະນາຄົດມື້ສຸດທ້າຍຂອງການຝຶກອົບ ຮົມແມ່ນຈະໄດ້ມີກິດຈະກຳກີລາບານເຕະຂັ້ນພື້ນຖານເຍົາວະຊົນ.

ສ່ວນການຝຶກອົບຮົມກຳມະການຕັດສິນບານເຕະນັກສຳມະກອນແມ່ນຈະໄດ້ຮຽນຮູ້ກ່ຽວກັບ ກະຕິກາກີລາບານເຕະປີ 2019-2020 ທີ່ມີການປ່ຽນແປງໃໝ່ ໃຫ້ກໍາມະການຕັດສິນຂັ້ນພື້ນຖານ,ຍົກສູງກຳມະການຕັດສິນໃຫ້ມີຄຸນນະພາບສູງຂຶ້ນເປັນກ້າວໆໃຫ້ທັນກັບວິວັດທະນາການເກມການຫຼິ້ນຂອງນັກກີລາບານເຕະສະໄໝໃໝ່ ແລະການຝຶກອົບຮົມຄັ້ງນີ້ຍັງຖື ເປັນການສ້າງຄູຝຶກບານເຕະ ແລະ ກຳມະການຕັດສິນຜູ້ໜຸ່ມນ້ອຍເພື່ອຄັດເລືອກ ແລະສົ່ງເສີ່ມເຂົ້າສູ່ວົງ ການກຳມະການຕັດສິນໃນລະດັບຊາດໃນຕໍ່ໜ້າ.

-----------------

ໜັງສືພິມເສດຖະກິດ-ສັງຄົມ

แชร์