ສະຫວັນ-ກວາງຈິ ສືບຕໍ່ຮ່ວມມືດ້ານສາທາລະນະສຸກ

  ການພົບປະລະຫວ່າງຄະນະຜູ້ແທນຂັ້ນສູງຂອງພະແນກສາ ທາລະນະສຸກ 2 ແຂວງສະຫວັນນະເຂດ (ສປປ ລາວ) ແລະແຂວງກວາງຈິ (ສສ ຫວຽດນາມ) ໄດ້ຈັດຂຶ້ນໃນວັນທີ 19 ກັນຍາ 2019 ທີ່ພະແນກສາທາລະນະສຸກແຂວງສະຫວັນນະເຂດ ໂດຍມີທ່ານ ດຣ ບົງສຸວັນ ພັນທະວົງສາ ຫົວໜ້າພະແນກສາທາລະນະສຸກແຂວງສະຫວັນນະເຂດ ແລະທ່ານ ດຣ ໄມ ນຳຮອງຫົວໜ້າພະແນກສາທາລະນະສຸກແຂວງກວາງຈິມີຄະນະ ແລະຂະແໜງການອ້ອມຂ້າງເຂົ້າຮ່ວມ.

   ໃນກອງປະຊຸມຄັ້ງນີ້, ພະແນກ ສາທາລະນະສຸກທັງ 2 ແຂວງ, ໄດ້ຜັດປ່ຽນກັນລາຍງານການຈັດຕັ້ງປະຕິບັດການເຄື່ອນໄຫວວຽກ ງານສາທາລະນະສຸກປະຈຳປີ 2018 ແລະ7 ເດືອນຂອງປີ 2019, ໂດຍສະເພາະພະຍາດຕິດຕໍ່ ແລະ ການຄວບຄຸມ, ຕີລາຄາການຈັ ດຕັ້ງ ປະຕິບັດບົດບັນທຶກຊ່ວຍຈຳຂອງ ສອງຝ່າຍຈາກນັ້ນ, ໃນກອງປະຊຸມ ກໍ່ຍັງໄດ້ມີການສືບຕໍ່ຮ່ວມມືເປັນ ຕົ້ນ: ການແລກປ່ຽນຂໍ້ມູນຂ່າວ ສານການເຝົ້າລະວັງທາງດ້ານລະ ບາດວິທະຍາຕາມຂອບວຽກຂອງ ໂຄງການ NBDS ໃນຈຳນວນ 18 ພະຍາດ, ໃຫ້ມີການແລກປ່ຽນ ຕາມປົກກະຕິ, ສອງຝ່າຍຕົກລົງ ເຫັນດີສືບຕໍ່ການຮັບ-ສົ່ງຄົນເຈັບ ຈາກແຂວງສະຫວັນນະເຂດໄປຫາ ແຂວງກວາງຈິ, ສືບຕໍ່ກອງປະຊຸມວິຊາການປະຈຳໄຕມາດລະຫວ່າງ 3 ເມືອງຄື: ເມືອງເຊໂປນ, ເມືອງນອງ ຂອງແຂວງສະຫວັນນະເຂດ ແລະ ເມືອງເຮືອງຮວາ ແຂວງກວາງຈິ ໂດຍຜັດປ່ຽນກັນເປັນເຈົ້າພາບ, ສືບຕໍ່ໃຫ້ໂຮງໝໍທັງສອງແຂວງ ມີການຮ່ວມມື ແລກປ່ຽນບົດຮຽນ ດ້ານວິຊາການ, ສອງຝ່າຍເຫັນດີຊ່ວຍເຫຼືອໃນການປ້ອງກັນພະຍາດ ໄຂ້ມາເລເລຍ ແລະພະຍາດຕິດຕໍ່ອື່ນໆໃນກຸ່ມແຮງງານເຄື່ອນຍ້າຍ ແລະວຽກງານອື່ນໆ.

  ຈາກນັ້ນ, ທັງສອງຝ່າຍກໍ່ໄດ້ມີການລົງນາມໃສ່ບົດບັນທຶກຊ່ວຍຈຳຊຶ່ງຝ່າຍແຂວງສະຫວັນນະເຂດ ນຳໂດຍທ່ານຕຽງຄຳປ້ອງວົງສາ ຮອງຫົວໜ້າພະແນກສາທາລະນະ ສຸກແຂວງ ແລະຝ່າຍແຂວງກວາງ ຈິ ໂດຍທ່ານ ດຣ ໄມນຳ ຮອງຫົວ ໜ້າພະແນກສາທາລະນະສຸກແຂວງໂດຍຊ່ອງໜ້າຄະນະຜູ້ແທນທັງສອງຝ່າຍຮ່ວມເປັນສັກຂີພິຍານ.

-----------------

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์