ເຕືອນເສດຖະກິດເອີໂຣໂຊນຢຸດຈຶ້ງ

 ຂໍ້ມູນສະຖິຕິຂອງ IHS Markit ໄດ້ປະກາດໃນວັນທີ 23 ກັນຍາ ໃຫ້ຮູ້ວ່າ: ເອີໂຣໂຊນພວມປະສົບກັບບັນຫາຮ້າຍແຮງເຮັດໃຫ້ການເຕີບໂຕໃນຂະແໜງການຜະລິດຫຼຸດລົງດ້ວຍປະລິມານການຜະລິດຢູ່ໃນລະດັບຕໍ່າສຸດນັບແຕ່ປີ 2012 ມາຮອດປະຈຸບັນ.

   ຕາມຂ່າວຕ່າງປະເທດລາຍງານວ່າ: ບັນຫາອັງກິດຖອນຕົວອອກຈາກສະຫະພາບເອີຣົບ (EU) ຫຼື ເບຣັກຊິດ (Brexit) ແລະ ບັນດາຄວາມວິຕົກກັງວົນກ່ຽວກັບ ການປະທະກັນດ້ານການຄ້າໄດ້ເຮັດໃຫ້ການເຕີບໂຕໃນການດຳເນີນທຸລະກິດຂອງພາກພື້ນໃຊ້ສະກຸນເງິນເອີໂຣຄື: ເອີໂຣໂຊນ (Eurozone) ໃນເດືອນກັນຍາ 2019 ອ່ອນຕົວລົງລະດັບຕໍ່າສຸດພາຍໃນ 6 ປີທີ່ຜ່ານມາ, ບໍລິສັດຄົ້ນຄວ້າການຕະຫຼາດ IHS Markit ກ່າວເຕືອນວ່າພື້ນຖານເສດຖະກິດເອີໂຣໂຊນພວມຢືນຢູ່ຕໍ່ໜ້າໄພຢຸດຈຶ້ງ.

  ລາຍລະອຽດ, ຂໍ້ມູນສະຖິຕິຂອງ IHS Markit ໄດ້ປະກາດວ່າ: ເອີໂຣໂຊນພວມປະສົບກັບບັນຫາຮ້າຍແຮງເຮັດໃຫ້ການເຕີບໂຕໃນຂະແໜງການຜະລິດຫຼຸດລົງດ້ວຍປະລິມານການຜະລິດຢູ່ໃນລະດັບຕໍ່າສຸດນັບແຕ່ປີ 2012 ມາຮອດປະຈຸບັນເນື່ອງຈາກບັນຫາເບຣັກຊິດ, ບັນດາຄວາມວິຕົກກັງວົນກ່ຽວກັບບັນດາບັ້ນສົງຄາມການຄ້າ ແລະ ຄວາມວິຕົກກັງວົນກ່ຽວກັບສະພາບພູມີສາດການເມືອງໃນໂລກໄດ້ສ້າງຄວາມບໍ່ໝັ້ນໃຈໃຫ້ແກ່ວິສາຫະກິດ, ພ້ອມກັນນັ້ນຄວາມວິຕົກກັງວົນກ່ຽວກັບການເຕີບໂຕເສດຖະກິດທົ່ວໂລກກໍ່ເພີ່ມຂຶ້ນ.

------------------

ໜັງສືພິມເສດຖະກິດ-ສັງຄົມ

แชร์