ການພັດທະນາສິນຄ້າຄືຫົວໃຈທີ່ສຳຄັນຂອງເຄແອນບີ ເຟີນິເຈີ

  ປະຈຸບັນ, ຂະແໜງເຟີນິເຈີ ມີການພັດທະນາທີ່ໂດດເດັ່ນເຫັນໄດ້ຢ່າງຊັດເຈນສະແດງອອກຈາກການອອກແບບ, ລວດລາຍ, ສີມືລວມໄປເຖິງມາດຕະຖານຄວາມຄົງ ທົນຂອງວັດຖຸດິບທີ່ນຳມາຜະລິດທັງນີ້ແນໃສ່ເຮັດໃຫ້ຜູ້ຊົມໃຊ້ທັງພາຍໃນແລະຕ່າງປະເທດໄດ້ນຳໃຊ້ສິນຄ້າທີ່ມາດຖານຈາກສີມືຄົນລາວເປັນຕົ້ນແມ່ນສິນຄ້າຈາກໂຮງງານເຄແອນບີ ເຟີນິເຈີ ທີ່ໄດ້ເນັ້ນການພັດທະນາສິນຄ້າໄປຄວບຄູ່ກັບນະໂຍບາຍຂອງລັດຖະບານເພື່ອໃຫ້ສິນຄ້າຂອງຄົນລາວສາມາດແຂ່ງຂັນກັບພາກພື້ນແລະສາກົນ.

  ທ່ານ ກອງມາລາ ພົມມາໄລ ຮອງປະທານສະມາຄົມເຟີນິເຈີລາວ, ທັງເປັນເຈົ້າຂອງໂຮງງານເຄແອນບີ ເຟີນິເຈີ ໄດ້ເປີດເຜີຍວ່າ: ກວ່າ 30 ປີແລ້ວທີ່່ໂຮງງານເຄແອນບີ ເຟີນິເຈີ ມີການພັດທະນາຂອງສິນຄ້າຂຶ້ນ ມາເລື້ອຍໆ ໄປຄຽງຄູ່ກັບນະໂຍບາຍ ຂອງລັດຖະບານ ເພື່ອໃຫ້ສິນຄ້າຂອງຄົນລາວສາມາດແຂ່ງຂັນກັບພາກພື້ນ ແລະສາກົນ ຊຶ່ງແມ່ນນະໂຍບາຍຫຼັກຂອງ ເຄແອນບີ ເຟີນິເຈີ ລວມໄປເຖິງການມຸ້ງ ເນັ້ນສົ່ງເສີມທັກສະສີມືແຮງງານຄົນ ລາວ ແລະເພື່ອຈັດຕັ້ງຜັນຂະຫຍາຍ ການດຳເນີນທຸລະກິດໃຫ້ປະສົບຜົນສຳເລັດ ແລະເຕີບໃຫຍ່ຂຶ້ນເລື້ອຍໆນັ້ນເຄແອນບີເຟີນິເຈີ ຍັງຕ້ອງປັບປຸງຫຼາຍດ້ານເປັນຕົ້ນ: ດ້ານເຕັກນິກວິຊາການຕ້ອງຍົກລະດັບສີມືແຮງງານພະນັກ

ງານໃຫ້ເປັນມືອາຊີບ ແລະສາກົນເພື່ອໃຫ້ແທດເໝາະກັບຄວາມຕ້ອງການຂອງຜູ້ຊົມໃຊ້ກໍ່ຄືສັງຄົມ, ສ້າງຖານການຕະຫຼາດທີ່ເປັນຈຸດແຂງ ແລະເຂັ້ມແຂງດ້ານການບໍລິ ການ-ການຂາຍໃຫ້ເຂົ້າເຖິງທຸກກຸ່ມລູກຄ້າທຸກປະເພດທັງພາຍໃນ ແລະ ຕ່າງປະເທດລວມໄປເຖິງການຂະຫຍາຍຕະຫຼາດອອກສູ່ສາກົນໃຫ້ຫຼາຍເພື່ອເປັນການປະເມີນແລກປ່ຽນບົດຮຽນ ແລະການແຂ່ງຂັນການຂາຍສິນຄ້າກັບເຂົາເຈົ້າເພື່ອນຳແຫຼ່ງລາຍຮັບເຂົ້າປະເທດເຮົາໃຫ້ຫຼາຍທີ່ສຸດນັ້ນຄືຄວາມສຳເລັດອັນຍິ່ງໃຫຍ່ທີ່ໂຮງງານເຄແອນບີ ເຟີນິເຈີ ຕ້ອງກ້າວໄປໃຫ້ເຖິງ.

  ທ່ານ ກອງມາລາ ພົມມາໄລ ກ່າວຕື່ມວ່າ: ໃນກາງປີ 2016 ນາຍົກລັດຖະມົນຕີໄດ້ອອກຄຳສັ່ງເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມ ຄອງ ແລະກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະທຸລະກິດແມ່ນລັດຖະບານມີຄວາມພະຍາຍາມໃນການແກ້ໄຂບັນຫາໄມ້ ແລະມາໃນປີ 2019 ກະຊວງອຸດສາ ຫະກຳ ແລະການຄ້າໄດ້ປົດລ໋ອກດ້ວຍການອອກຂໍ້ຕົກລົງສະບັບໃໝ່ວ່າດ້ວຍການຮັບຮອງເອົາລາຍການຜະລິດຕະພັນໄມ້ເພື່ອສົ່ງອອກອັນເຮັດຜູ້ປະກອບການເຟີນິເຈີສາ ມາດສົ່ງອອກສິນຄ້າໄດ້ເພີ່ມຂຶ້ນທັງເປັນການຊຸກຍູ້ສົ່ງເສີມຈາກພາກລັດໃຫ້ທຸລະກິດຂະແໜງເຟີນິເຈີມີການເຕີບໃຫຍ່ຂະຫຍາຍຕົວ.

  ສະເພາະ ເຄແອນບີ ເຟີນິເຈີ ໃນໄລຍະບຸນອອກພັນສາປະວໍລະນາ ປີ 2019 ນີ້ ຫາກທ່ານໃດມີຄວາມຕ້ອງການເຟີນິເຈີເຄື່ອງຂອງແຕ່ງເຮືອນໃຫ້ພົວພັນຫາໂຮງງານ ແລະຫ້ອງຂາຍຂອງ ໂຮງງານເຄແອນບີ ເຟີນິເຈີ ຕັ້ງຢູ່ບ້ານໂສກປ່າຫຼວງ, ເມືອງສີສັດຕະນາກ, ນະຄອນຫຼວງວຽງຈັນ ເພາະທາງໂຮງງານມີສ່ວນຫຼຸດແລກແຈກແຖມຫຼາຍຢ່າງເມື່ອຊື້ສິນຄ້າຈາກທາງໂຮງງານ.

----------------

ໜັງສືພິມເສດຖະກິດ-ສັງຄົມ

แชร์